بسم الله الرحمن الرحيم
طول الغياب يولّد أحيان نسيان .....
.......والله إذا طوّل غيابك نسيتك
لي متى بتبع مع الصبر سلوان؟!
..........ولي متى مع كل صده رجيتك؟
ماني بقاعد لليالي والأحزان ..
........اسهر لوصلك وان تباطى بكيتك
القلب قارب ضل والبعد طوفان
.........قلي منين إله السلامة فديتك؟
اشوفك بكل الأماكن والأركان
........من حولي وحتى في نفسي رأيتك
ف الشمس ..في وجوه البشر ..بين الاغصان
..........من وين ما التفت عيوني لقيتك
ف الشعر ..في سطور الورق ..خلف الأوزان
.........في كل حرفٍ من حروفي قريتك
لو فيه شي مزعلك قول زعلان
..........وابشر بعزّك لو بموتي بغيتك
لو مانت عندي نور ما جيت سهران
........ولو مانته بعيني مطر ما ظميتك
لو ما أني ادمنتك كوكايين وايثان
......ما عفت كل الناس لجلك وجيتك
انسان يوم ألقاك ثم ماني انسان
.........صلصال تشكّل به حسب مقدريتك
لو بعت كل الخلق ماني بخسران
...........يكفيني اني بعتهم واشتريتك
احسبك مثلي تجزي احسان بإحسان
.........ما جا في بالي طاري لعنجهيتك
ما كنت اخلي منك بالقلب شريان
.........لو ادري انه هاذي هي منهجيتك
والله لو مخلص لعبّـــاد الأوثان
.......كان اسلموا لو هم خذوا ما عطيتك
يلعن ابوه الوقت سواك سلطان
........ليتك تخاف الله في شعبك يا ليتك
لكن ما ألومك لو تماديت طغيان
............كثر الدلال يزيد من فوضويتك
لوانك مكاني مرخصٍ لجلي أوطان
.............وانا مكانك كان والله وطيتك
لكن بسيطة ما انتهى شي للآن
............توي عرفتك زين تو ابتديتك
كاني بنيتك بالحشا صرح هامان
............والله لأهدك مثل ماني بنيتك ..
تدري جنوني كيف ؟؟ لا ثار بركان
............لكن تطمّن من جنوني عفيتك..!
ودامك بغيت البعد ابشر بنسيان..
..........يومين...! عشره ... بالكثير ونسيتك ..!!
منقول