على بيت عواد ابوصالح مشينا طوع

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,7,black" type=2 line=0 align=center use=ex num="0,black""]

سألتوا عن اخباري وابي اشرح وش الموضوع=وهو نـغـمـتـن تـعـزف لحـونه بـدون ايقاع
عـلـى ضوح بـراقـن بـصوت الـرعـد مـتـبـوع=والانفاس تـسحـرها الـنـسايـم مع الذعـذاع
لـمــع بـارقـه يـوضـي واخـيـلـه على مـيـقـوع=او انـه عـلـى غـرب اللـقـايـط غـدى لماع
عـسـى ضايـح بروق السحـايـب على المـردوع=يجـيـنا خـبـر سيل السحـايـب من المـذياع
وريضانـهـا تـظـهـر كـمـا الـمـلـعـب المزروع=والاذواد تـشـرب مـن غـديره بـدون شراع
اشوف الـشـهـر عـامـيـن والـيـوم صار اسبوع=سـبـب نظرة عـيونـن رمـتها مـها المرباع
عـلـى بـيــت عـواد ابوصـالـح مـشـيـنـا طـوع=وفي خافـقـي مـن جـور وقـتـي ثلاث انواع
وقلت استـمـع هـرجي وهـرجـك لـنـا مـسـموع=وانـا خـابـرك تـرمـع ولاتخـطـي الـمـرماع
انا اشكي وتـشـكـي لي فـجـوعك وانا مفـجـوع=وترثي وانا ارثي لك مغـثـة عـشـيرن ضاع
شكـيـت الـسـهـر وانـتـه لـيـالـك بـدون هجوع=وقـلت الوجـع وانـتـه بـقـلـبـك ثمان اوجاع
انا وانـت بـالـقـســمـه وبالـطـرح والـمجـمـوع=بدرب الهوى رحـنـا وجـيـنـا بدون اطـماع
فـقـدت الـعــنـود الـلـي لها بالحـشى مـشـروع= وانا الـنـور خـلانـي بـدرب الهـوى ملـتـاع
يـجـي رمحهـا الـذابح بـرمـش الـحـلا مـدفـوع=ويسحـب رصيـد عروق قـلـبك بـدون ايـداع
بالاعـراب لاتـنـطــق خـفــوق الـمـهـا مرفـوع=تراهـا تـشـوف الـكـسـر هـو قــمـة الابـداع
ولا تـجــزم وعــوده لانــه قــلـيــل الــنـــوع=وفتـح الحـشى مـعـدود فـيـهـن على الاصباع
ترى اللي جـزم عـهـد الـعـذارى وقـع مخـدوع=قـضى العـمـر كل الليل نـومـه على الاكواع
الاريـام مـاتـرحــم حـبـيــبــن وقـع مـصـروع=واخـبـر الهـوى الصادق بالاسواق مـايـنـباع
لـمـا صرت مـثـل اللي بوسـط العـرب مجـدوع=ولا اشـوف لجـروح الهـوى بالـعـرب فـزاع
دخلت الهـوى واصبـح يصوع الضمـاير صوع=وانا الـيـوم ياعـواد عـيـنـي عـلـى المـطـلاع
الاريـام ساقـتــنــي كـمـا الحــاكـم الـمخـلـوع=من الموت في رمـشـن عـيـونـه تجـيك وساع
الا لـيـت مـن يـنـسـى غـلا الجـادل الـمـربوع=او ان الـغلا يـشـرب بصاعـي ثـمـان اصواع
لقـيـت الهـوى مافـيـه لاهـل الـهـوى مـنـفــوع=وانـا تـايـبــن تـوبــه ونـصـف وثـلاث ارباع[/poem]