يانور عيني ظلوعي منك مفتوقه(جوهرة الغزل)

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]

يامـن لـعـيـن(ن)يطـيـر النوم عـن موقه=والجـفـن تـمـضي وقـوت الـنوم ماذاقه
كـن الافـاعــي تـغـرز الـنـاب بـعـروقــه=ولاتـنـفـعـه حـجـبـة الـحـاجـم وتـريـاقـه
والـروح كـن الجـبـال الـسود من فـوقـه=ضاقت سبب لاهب المحبوب واشواقه
باسباب ريـــم خـفـوقـي ضاع في سـوقـه=نـظـرة عـيــونـه وزيـنــه جـــل خـلاقـه
ريـــمٍ عـلـيـهـا عـطـور الـمـسـك مـدفـوقه=تسرق خـفـوق غـدت تومـي بمـعــلاقه
عـيـن اشـقـــرٍ جـــمـرة الـقـداح بحــدوقه=حـــرٍ جـلـيــلٍ ربـى فــي راس شوهـاقه
يمـنـاه تـودع عـروق الـصـدر مـشـلــوقـه=عـادات كـفـه لـصـدر الـصـيـد صـفــاقه
والـجـسـم يـاعــود مـــوزٍ مـال بـعـــذوقـه=يشـرب على جـاري الـمـاطر ومـشراقه
هــنــي مـن شـــافــهـا بالـكـرت مـرفــوقـه=فـي دفـــتــر الـعــايـلـه والخـتــم بـاوراقـه
هـجـره كـوى الخـافـق الـضـايـع ومـعلوقه=باللي رجــى شـوفــة الـغـالي على فاقه
ماجـاء على الـبـال درب الـغـدر والـبـوقه=ولا لي على هـجـرها حـيلٍ ولا طاقه
اللـيــل يـمـضـي وروحـي تـقــل مـشـنـوقه=والبيض تـقـصــد عـذاب الروح بفراقه
تفـرح بـقـلـب يــذوق الـضــيـم من شـوقه=وتـرسـل رماح لوســط الجـوف سراقه
واركــب على اللي يـهـوم الطـعـس وفلوقه=جـيـبٍ يدوج الحصى الوقاف واشناقه
لاهـابـت الناس بـعـض الطرق من ضوقه=الجـيـب يـلـقـى بوسـط الضيق منطاقه
ادهـــج ريـاض ربـيــعـه شــرق مـن لــوقــه=تجـمـع طـرايف زهـور الـوسـم وارناقه
تـفـتـح قـفـــولٍ بوسـط الـصـدر مـغــلــوقــه=وتطــرب عـيـون تـهــل الدمـع لا ضاقه
وابــدع حـروف يـهـيـل الـنـاس طـاروقه=من غـيـظ روح لجـزل الــقــاف سـبــاقه
اطـــرد طـوالـــع جـزيـل الـصـيـد وفـروقــه=مــع بـنـــدقٍ يـضـبــط الـمـنــظـار تـفــاقه
بـظــلال غـيـــمٍ غـــزيـر الـغـيـث بـطـــبــوقـه=لاثــار حــــس الــرعـــــايــد لاح بـراقـــه
روحي غـدت من طـعــون البيض مرهوقه=من جـمــر نـارٍ لوسـط الجوف حـراقه
مالـي سـوى الـلــي سـحـرني زين منـطـوقه=وعــلاج هـمـي هـوى المجـمـول وعـناقه
قـلـبــي وقــع فــي غـثـــى وقـتـــي وخـازوقه=يـظـلــم قـلـوبٍ لـدرب الطيب منساقه
عـقـدت عـقــدة حـبـال الـعـشـق وحـقــوقـه=مع صاحبٍ شب نار القلب واشـواقه
وامسـيــت كـبـدي عـلـى فـرقــاه مـحــروقـه=وعـزي لـمـن جـمــرة الـفـرقى بـخـفــاقه
ياســارق الـقـلــب روحــي مـنـــك مـفـتــوقـه=ارفـــق بــروحٍ لـــذوق شـــفــاك تـواقـه
والـيــوم طــاحــت عـقــب فـرقــاك مـطـفـوقه=والـسـهـر يـودع عـزوم الـناس مـنـعاقه
وكــان الــوعـــايـد بـجـيــل الـيـــوم مـفـهــوقـه=وضاعت عـهـود الـهوى الوافـي وميثاقه
فـالـعـــمــر تـالـيـــه طـيــن ونـصـــف طـابــوقــه=للي خـفـوقـه هوى الـغالي من اعـمـاقه
[/poem]

هلا وغلا فواز الغسلانلاهنت يالذيب ولاهان بوحك العذب
قصيده رااائعه لاتحتاج الى اطراء اكثر مماهي فيه
تحياتي لك على هذا البوح النازف الجميل
الذي لاينطق به إلا الشعراء الكبار

اقتباس: المشاركة الأصلية كتبت بواسطة الـ ساري    هلا وغلا فواز الغسلانلاهنت يالذيب ولاهان بوحك العذب قصيده رااائعه لاتحتاج الى اطراء اكثر مماهي فيه تحياتي لك على هذا البوح النازف الجميل الذي لاينطق به إلا الشعراء الكبار

حياك اخوي الساري لاهنت يالعزوه