انا من غاب نور العين سهري ياخلف عاده

[poem=font=",6,,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,4,black" type=2 line=0 align=center use=ex num="0,black""]


انا من غاب نور العين سهري ياخـلـف عـاده=يروح اللـيـل وعـيـوني تراجي صادق الميعاد
تركت اعياد خلق الله لعـيـن الـزين واعـيـاده=ابـيــه يـعــود لـعـهـوده ولـكـن الـغـلا مـاعـاد
تركت العـيـد بـبـلادي وسـقـت الروح لبـلاده=اريد الصـيـد والخـافـق رجـع من ديرته ماصاد
ويوم اقـفـيـت والخـافـق بصدري يقـدح زناده=احاول كـتـم نـيـران الضمـيـر وكـتـمـنـا مافاد
زهـم رقـمـي وقـال الـعـذر راح الوقت برقاده=يـنـام اللـيـل وعـيـونـي تـقـاسـي سطوة الجلاد
عرفت ان الـغـلا زادت غـبـون الوقت بعـناده=تظن ان الهوى والشوق مع طول الجفى يزداد
واخبر البير كان انـتــه دفـنـتــه قـل مـيـراده=واذا جاد القليب اصبح على جاله عرب واذواد
وابي راي الفقيري في وصال الزين وابـعـاده=مدام انه سلـيـل رجـال واجـواد(ن)تـلاه اجـواد
جدودك من جبال الطيب واهل الطيب لاجداده=رجال(ن)من بنـي وايل لها عبر القرون امجاد
اذا شالت سيوف الهند شـفـت الناس مـنـقـاده=وسادوا بالصخى والسيف والحكمه عرب وبلاد
بهم رفرف شراع الشرع والـتـوحـيـد وعباده=اعادوا شرع رب العرش رغـم الجاهـل الحساد
وازال الله حروب الجهل واهل الجهل واحقاده=على درب السلف نـتـبـع عـمـر وبلال والمقداد
ودربـك ياخـلــف يـتـبـع هـل الحـكـمـه ورواده=وتاريخ العـرب عـنـدك لو انه من ورى الميلاد
ورفاقات الرخى والضحـك لايـغـريـك تـعـداده=بوقت الضيق ماتلـقـى بـهـم ياصاحـبـي مـسـناد
بهم تمـثـيـل مع خـسـه وكـذب وجـبـن وشـراده=واذا بانـت فـتـوق الـوقـت زادو للردى ملـبـاد
انـا قـاسيـت مـنـهـم كل غـيـظ الـروح وانـكـاده=وعن قوم الردى طبعي بفضل الله يـشـد شداد
وزاد الجرح من ريــم(ن)ظـلـوعي لاجـلـهـا باده=يروح الليل وعـيـونـي سهيره ما لجت لوساد
وجحيم النار في وسط الضماير يصعب اخمـاده=تخلـيـنـي مـن الضيـقـه ادوج بكل طـعـس وواد
وابي رايك بـطـبـع الـزيـن وش رايـك بمـقـعـاده=اراجيها شهر واثـنـيـن والا الدال عقب الصاد
واشوف الـقـلـب يرجـيـهـا وشال الحمل وزياده=لأن الـروح لو ذاقــت فـراقـه جـاه عـاتـي عاد
او اترك ديـرة الحـصـنـي لـدار الـذيـب وانـفـاده=ودار(ن)وسطها تـنـهـان مـابـه للخـفـوق ازواد[/poem]