واهـنـي الـخـفـوق اللي من الهم خالي=ماقـضـى الليل وهـمـوم الليالي تـلـوعه
اشهد اني عـجـزت اكتم غبون الليالي=ولو كتمت اصل جرحي بهذلتني فروعه
كيف مالي من رجال الـمـلازيـم والي=لاجل تـفـرح عيوني في نـتـايـج فزوعه
قبل تقضي حياتي في طريق الشمالي=لا وصلت الحبيب ولا عرفنا اسنوعه
ليت قلبي عن عيون الغنادير سالي=دام طبعي غريبن بالهوى مع طبوعه
ويش اسوي بريم(ن)هجرها سم حالي=ماتطيق السوالف في مجالس ربوعه
يشتعل وسط جوفي بالـخـلا لاطـرالي=كلما زاد ياسـي والامل في رجوعه
مالنا في سلوم اهل المراجل مـجـالي=لاجل اخلي هل الطولات تمشي جموعه
ياحسافة عشيري في دروب الحلالي=لاجل اذوق السعاده دون خوف(ن)وروعه
بان للناس جرحي بالوقوت التوالي=والسبايب عـيـون(ن)ماتـخـفـي دموعه
وكان طال المفارق مع حسين الدلالي=فالـضـمـايـر قريب(ن) ترتحل في نجوعه
صار قلبي قريـبـن من وقوت الزوالي=قبل يشعل يلو هي وحدة(ن)من شموعه
كيف يزرع على جال الغدير الزلالي=ويحصد الزرع رجل(ن)ماتعب في زروعه
وكيف يصرف على زرعه من المال غالي=والنـتـايـج زيـادة غـثـتـه مع فـجـوعه
قـمت اراقب نـجـومن نورها بالعلالي=وكلما غاب نـجـم(ن)قمت اراجي طلوعه
اسهـر اللـيـل كـلـه بـالمـغـثـه لـحـالـي=ماحصل لـي بـلـيـل الـبـرد لـذة هـجـوعـه