اخواني هذه القصيده قاله الشاعر عبدالعزيز الدعيع رحمه الله
عندما قام العث بهدم قصر برزان بحجة التوسعه لسوق حايل وعندما
اخذو الاذن من اعيان البلد وكباره وقعت بعض النفوس الضعيفه في
شبكة المصيده والحمدلله على كل ابو حال لايذكر الا قله من اهل البلد وقعت وكان فرد من اهل المنطقه من ((الريشان)) كان كل صبح وعصر يتفيا بضلال مشرفه ويتذكر ايام العز والازدهاروهو طاعن في السن وعندما هدم يقال انه دخل الي منزله مثل بكاء الطفلوعقبه حرم الخروج الى السوق حتى توفاه الله رحمه الله رحمة واسعه عاد مافي هالبلد الا هاالولد قالو نبي نهدم هالقصر نبي نحط في مكانه فرع سوق بنده تخيل قبل خمسين سنه بنده
يقول الشاعر
::::
الشاعر هو والد حارس المنتخب محمد الدعيع
عزاه من قلب سعى فيـه ديـدان عيا يطيق الصبر من حـر مابـه
الله يبدل ساعة العسـر باحسـان النفس من كثر اللواهيـب ذ ابـه
والعين عد بموقها شـب نيـر ان وجفونها من كثر الاغضاب شابـه
الناس نوما واسهر الليل حيـر ان والقلب كن سـم الحيايـا لجابـه
مرحوم ياقصر السناعيس بـرزان غـدا محطـه للسوافـى ترابـه
من يوم شفت العث يسعى بدمران بكيت يـوم ان الدركتـر مشابـه
ماهو غلا مـار للنفـس ميـز ان راحو هله اغلا منه هـو قرابـه
ياما شبع به مـن هفـى وجيعـان والله من شيـخ عزيـز لفـا بـه
مضيف اخو نوره تولوه قصمـان يحتس لامـن القصيمـى وطابـه
ياويلكم لو يظهر اليـوم سرحـان وينجال عن ذيك النصايب ترابـه
والله ان تلقى بكـم تقـل خيفـان لاجاه من وبل السماء له سحابـه
ياعين لا تبكين فـي هـد بـرزان ابكـي حـرار بالملاقـا ذ يابـه
تر ضدهم مايرقد الليـل حيـران مثل السبـاع ليـا تعـاوت بغابـه
دنياك مادامت لكسـرى وعدنـان صيور ماتضفـي عليكـم ترابـه
ماينفع الا الطيـب يبقـا برهـان هذيك شمس اسفـرت ثـم غابـه
ياعلكـم ياللـى سعيتـو ابـرزان من هد سـوره ياخـذ الله شبابـه
البوم صقر بيومنا صـار ياخـوان والحر مايسمع لـه اليـوم جابـه
من عقب ماهو ماكره راس ضلعان اليـوم بالسيسـان هـو والكلابـه
والسبع عقب الفرس مافيه نيبـان وابا لحصين اليوم ياشطـر نابـه
------------------عبيان -------------- مـشـابـه
صارو عوض لباسة الجوخ سلقان دلت تشير وصـار ذرب جوابـه
مار البلا اللي تقل روس خرفـان كل يبي لـه تجـرة فـي خرابـه
مرحوم ياللى حرم السوق زهـدان حتى صلاة العيـد ماسـار بابـه
هذاك ::ابن ريشان:: عساه بجنان اطلب عسى له د عـوة مستجابـه
مضيف اخو نوره تولوه قصمـان يحتس لامـن القصيمـي وطابـه
ياويلكم لو يظهر اليـوم سرحـان وينجال عن ذيك النصايب ترابـه
والله ان تلقى بكـم تقـل خيفـان لاجاه من وبل السماء له سحابـه
ياعين لا تبكين فـي هـد بـرزان ابكـي حـرار بالملاقـا ذ يابـه
تر ضدهم مايرقد الليـل حيـران مثل السبـاع ليـا تعـاوت بغابـه
صح لسانه رحمه الله
قال ولا قال الا الصدق
بارك فيك ابو حاتم
ياويلكم لو يظهر اليـوم سرحـان وينجال عن ذيك النصايب ترابـه
والله ان تلقى بكـم تقـل خيفـان لاجاه من وبل السماء له سحابـه
................
مرحوم ياقصر السنااعيس برزان ايي بالله مرحووووم ياقصرنـا ..
والله يرحم الدعيع بواسع رحمته ..
وربي يوفقك يالغالي عالقصيده ..
العضو الأكثر نشاطاً هذا اليوم 
العرض المتطور
