واهني اللي للاقلاع استعده

[poem=font=",6,black,bold,normal" bkcolor="transparent" bkimage="http://www.b3b7.com/vb/mwaextraedit2/backgrounds/5.gif" border="double,6,black" type=2 line=0 align=center use=ex num="0,black""]

مع صلاة الـفـجــر لاذعـذع بـراده=واهـنـي الـلـي لـلاقــلاع اسـتـعـده
ماركة بـويـنـج ماخـافـت كـساده=والـمـطـر ماحـاس رحـلـتـها وصده
تـنـقـل اللـي عـيـشـتـه بالربـع كاده=من وجيه الحسد والنـفس المصده
قادها رجلن بـخـيـص(ن)بالقـياده=تـاخـذ اللـي من ربوعـه بـاح سده
فـيـزتـه قـبل السفـر تـم اعـتـمـاده=وشرطـة الـتـخــريـج ماتـقـدر ترده
ناوي(ن)من ضيـقـتـه يـتـرك بلاده=والـتـذاكـر عـودتـه من دون مده
له بـصـرف الـمـال للـطنخه جلاده=ما مضى ليله على الـمـصـرف يعده
لا خـذى مـن لــذة الـدنـيــا مـراده=له قصيد(ن)يطـرب الخافق مشده
واقلعت من مدرجـه مثل الجراده=وخلـفـها خـط(ن)تـقـل دخان نده
قـام نـفـاث الــهــواء يـقـدح زناده=وارتـفـع لـين اخـتـفـت ضيان جده
يرهـبك طـق العجـل يوم استـعاده=واعلنوا فـك الـمـحازم عقب شده
مـقـعـده فـيـه الـجـرايـد والـوسـاده=ترتـكـي عـقـب الـمـتـاعب والمكده
كـنـهـا طـيـر(ن)كـفخ ساعة هداده=واعـتــلا خــرب الـحـباري ثم قـده
له كفوف(ن)بالقـنص تاخذ سداده=تطرب اللي في فـروق الصيد هده
الـحـبـاري لا كـفــخ تـعـلـن حــداده=وان تـعـــلاهـا لـــعــن جـــده وبــده
حـطـهـا فـوق الـسـحايب في ركاده=والتوازن في سـمـاء الكون استرده
السحـايب تـحـتـنـا يـرهـب سواده=مثل قلـب اهل العـقـول المستـبده
ومثل رمش اللي جرح قلبي عناده=يوم ضاعت مـهـجـتي بنـقوش خده
هي سبب حرمان عيـنـي من رقاده=في قساة القاع عن لـيـن الـمـخـده
وارتحل دامي رخـيـص(ن)في مزاده=ولا نـطـيـــعـه بـالـدلــع لا زاد حـده
عن زروع(ن)غيرنا ياخـذ حـصاده=ثم اشوف جروحـنـا العام استجده[/poem]