۩۝۩ 8/9.. مع الحكواتي ..} غدوره الشقيه { ۩۝۩

}{ 8/9 }{

نرى في مساء اليوم شذا عطرها الفواح ..

حكواتي الليلة

*۩* غدوره الشقيه *۩*

فـل تتفضل في صدر المقهى .. للجلوس على كرسي الحكواتي ..

.. بتوفيق لها ..

بسم الله الرحمن الرحيم
السلام عليكم ورحمة الله وبركاته
مساء فيمتو وسبوسه>>> تحيه مؤدبه
هايدي شكرا لك على حكواتي
من يومين وأنا شايله هم استضافه اليوم..
بس افكر ولا انام زين تجيني كوابيس هذا طبعي اشيل هم تذكرت ايام الأذاعه المدرسيه

الله مير يسمنكم وينحفكم
يوم كنت صغيره كنت حركيه وشيطانيه ومطفوقه وجريئه>>>>> حشى مو بنت

لما كنت في اول ابتدائي كانت في بداية العام الدراسي يمكن لها اسبوعين ..
معلمتنا طلعتنا لساحه علشان نغير جو....
وانا اتمشى لمحت باب المدرسه مفتوح ورحت عند الباب وجت في بالي فكره....
تتوقعون وشي الفكره
قلت بما ان بيتنا قريب من المدرسه وش رايك تهربين؟
والله اسويها واهرب يوم وصلت البيت خفت شوي وترددت ارن الجرس ولا لا
وقلت اجلسي شوي على الدرج
كانت الساعه وقتها ساعه تسعه صباحآ>>>>اكيد الصبح اجل كنتي تدرسين ليلي
يوم حسيت ان جارنا الفلسطيني نزل من شقته وشافني على درج في شارع
وقال لي (شو فيك جالسه هون شو مالك؟)
قلت له استنى باص المدرسه ماادري وش فيه تأخر اليوم!
جارنا اقتنع بكذبتي وركب سيارته وراح ....
وانا كنت احس بطعم الانتصار>>>>يزينه من طعم وه بس.
بعدين رحت ورنيت جرس بيتنا
وفتحت امي الباب واشوف علامات الاستفهام وتعجت فوق راسها
انا بسرعه تكلمت وقلت المدرسه طلعونا بدري وقالوا
يلا كل وحده على بيتها كنت اتكلم وكلي ثقه.
المهم امي دخلتني ولا قالت شي وانا كنت فرحانه باانتصارات اللي صارت اليوم
ومادريت الا اسمع صوت امي تكلم المدرسه بتلفون وقالت انتم طلعتوا الطالبات بدري؟؟ وانا كنت اطل من وراء الباب
الا امي تعطيني ذيك النظره اللي شرار يطلع منها
عرفت انها اكتشفت وعرفت كذبي....
البست امي عبايتها وسحبتني مع اذني للمدرسه
في ادارة المدرسه صار في تحقيق معي سؤال رايح وسؤال جاي وامي تهاوشت مع الاداره والحارس شلون تخلونها تطلع وين عيونكم عن الطالبات
من بكره امي حرمتني من العابي والمديره طقتني بالمسطره وحالتي حاله
بعد حيي هذا الموقف الطريف والغريب اللي صار ومستحيل انساه
وعندي قصص مضحكه مثل لما كنت ادرس في الروضه وبنات ديرتنا وش كنت اكذب عليهم وهم يصدقوني
وسالفة يوم امي تعطيني هذاك كف والصق بزاوية المجلس

إذا حصلت لي فرصه ثانيه في حكواتي ذكرتها إن شاء الله

وسلام عليكم

والله فله
صدق انكِ شقيه<<<مع احترامي لك
اقوى ماعندك طالعه من المدرسه ورايحه للبيت
وعليكِ تصريفات<<<<واثقه بقوووه
بس تدرين زين ماسوت امك اتصلت على المدرسه
ههههههههههه

تشكري غدورة الشقيه
ربي يسعدكِ

اقتباس لما كنت في اول ابتدائي كانت في بداية العام الدراسي

طالعه من المدرسه وانتي بهالعمر

زين سوت امك فيك ياشقيه

شكرا يالغاليه امتعتينا بحكايتك والشكر موصول لهايدي

والله فـــلــــه ..
وأختيارك لأسم ( غدوره الشقيه ) مو من فراغ

اقتباس من يومين وأنا شايله هم استضافه اليوم.. بس افكر ولا انام زين تجيني كوابيس هذا طبعي اشيل هم تذكرت ايام الأذاعه المدرسيه

يا ســاااااتر .. عسى مو أنا السبب ..

اقتباس قلت بما ان بيتنا قريب من المدرسه وش رايك تهربين؟ والله اسويها واهرب

يخرب عقلك يا مجنونة ..

تخططي وتهربي .. وتجلسي ع الدرج .. وتحسي بطعم الإنتصار ..
وثقة زايدة .. وبعدها ...فشلة قوية ..

اقتباس البست امي عبايتها وسحبتني مع اذني للمدرسه

تخيلت شكلك فصعونة ومسرحة قرنين ومسحوبه من أدنها .. ههههههه

اقتباس والمديره طقتني بالمسطره وحالتي حاله

كيف كان شعورك .. يوم الكفشة ..؟
<< ما تتشمت

اقتباس وسالفة يوم امي تعطيني هذاك كف والصق بزاوية المجلس..

والله شكلك جننتي أمك .. الله يكون بعونها ..
بس كويس ورتك العين الحمرا ..

<< فاطسة ضحك



ربي يسعدك ...
أستمتعت بالقصة الحلوووه والظريفة ..
شاكره لك من القلب ..
لقبول الدعوة ..

طاب يومك ..

شكرا لكم تصدقون بعد ماكتبت حكايتي
رحت قلت لامي تذكرين هذاك اليوم
تراي كتبتها في بعد حيي والاعضاء فاطسين ضحك

قالت عساي اشوف هاليوم بعيالك

والله ياأنتي فشلتين بهذاك اليوم

انا مت من ضحك وحبيت راسها وقلت والله ماكررها ثانيه
‏ صدق اني خبله
انا ادرس اللحين علشان اكررها؟

ههههههههههههههههههه
بجد شقاوه
اشكرك على الحكايه
والشكر لهايدي وفقها الله

[align=center]ههههههههههههههههههههههههههههههههههههههههه

ياعمري شايله هم الحكواتي <<والا انا احس الوقت طويل البارح الين جا وقتها

والسبب هدهد<<ماتبي تقهر هايدي لوووووووووووول

غدوره احلى شي بالدارسه التهريب<<مجربته واكثر من مليون مره خخخخخخخخ..

بس انا تهريبي مو زيك تسع لا اول مااجي للمدرسه القى اني ناسيه لي شي

ياكتاب يادفتر يا مريله<<ابو القدم المتوسط..احط رجلي للبيت واجيب اغراضي الين الطالبات كلن بـ فصله..وكم مره كفشتني المديره..واااااع منهم

بس انتي حكايتك شي كنتي تفكرين وانتي باولى ابتدائي<<كمخه خخخخخخخخخخخخخخخخخخخخخخخخخخ اكيد تفكر

غدوره بجد ضحكتني حكايتك ..روقت اعصابي<<مقفله معها

تقبلي مروري
رجوجه[/align]

الله يسعدكم يارب
استانس إذا شفت احبابي فرحانين ومبسوطين
أجل لو انا قايله سالفتي يوم كنت ادرس في الروضه مع مادة انجليزي
وقتها وش بتسون
و

احلىىى شقاوه يا غدوره الشقيه
تسلمين ع السرد المشوق والمغامرات الشقيه والاكشنيه


... الله يعطيك العافيه ويونسك با الخير ...

هههههههههههههههههه

ما شاء الله عليك

الله يعطيك العافيه

ههههههههههههههههههههههههههههههههههههه

يسلاااااااااااااااام على الشقاووهـ بس كيف المسطرهـ الي جلدتك فيها المديرهـ عسى ماهي قووويه

من كثر مايجلد يسئل

غدوره امتعتينا بحكايتك الحلوووهـ

ههههههههههــآآآآآآي
هههههههههـــآآآآآآي
>> ياليت كنت خويتك بوقت التهريب ياســــــلآم فله
بس وقت الجلـــــــد ماأعرفك خخخخخخخخخخ


انا بسرعه تكلمت وقلت المدرسه طلعونا بدري وقالوا
يلا كل وحده على بيتها كنت اتكلم وكلي ثقه

وهـ وهـ ياحلو الوآثقيـــــــــــــــــن
أهم شيْ الثقه وحب الوطن >> وش دخله


ونستينــــــــــــي غدو
الله يجعل أيآمك كله ونآآآآآآسه ..

.. سلمي لي على الوآلده >>

لشقآوتك الحلوووهـ

الف شكر لكم وعلى تعليقاتكم اللي توسع الصدر خلتوني افطس من الضحك
تمنيت ارجع لهذاك اليوم بس بدون امي والمسطرة المديره

الشكر واصل للجميع

ههههههههههههههه
يااحليييله من تهريبه ..
وتاليتها كشفتك المامـا..
ونهايتها تسطير من المديره..
هههههههه
ربـي يسعدك دووم يالغاليه ..