[glow1=FFCC00]هاضت هجوسي واتعبتني طواريك
والعين هلت مثل وبل الغمامه
لاجيت انادي واحد ٍقمت اناديك
واجاوب ابنوحي هديل الحمامه
عزالله اني ياريش العين شاريك
لاكن ظروف الوقت فيها ملامه
حدتني اظروف الزمن عنك لاجيك
عليك من خفاق قلبي سلامه
غالي ولك بالقلب صرح ٍ يناجيك
بنى على شاطي المحبه خيامه
اشفق على شوفتك يازين وابيك
والجسم عقبك ناحلات ٍ عظامه
ارفق على قلب ٍ يحبك ويغليك
لاتشتكي والزرع قرب صرامه
خل المواجع لليالي وتكفيك
تنسيك جرح الوقت ولا عسامه
لابد من يوم ٍ تعوضك وتشفيك
والليل نور الصبح يجلى ظلامه[/glow1]