قسم بالله مو ناقصني الا تجيني في الصلوات ..

أبد ماكنت أظن في يوم شعري في عيوني يشين
ولا كنت انتظر لو لحظه فيها تخونني الابيات
تبيني عقب ماصغت الحروف في حبي لك كل حين
أصيغ في عرسك بغيري قصايد يالغلا وزفات
ابعرف انتي وش قصدك دخيلك انتي وش تبغين
ابعرف بين هالشعراء ليه يعني انا بالذات
لأجل تتجدد جروحي لأجل أرجع ورى السنين
ابي اطمن قليبك ترى جرحك ابد مامات
غرامك آآآهـ منه .. ماتركني بسبته تطرين
كنه حالف يسهرني وهو في جروحي يبات
تبين الصدق انتي من كثر مافي خيالي تجين
أحس بكل ماحولي يرجع كل ماهو فات
اذا انه احد ناداني كأنك انتي تنادين
واذا ان احد زعلني طرت في ايامك الزلات
واذا هل القمر شفتك وكنت بليلك تهلين
يذكرني سكونه يوم الومك والردود سكات
صراحه كل شي خلاك ويّا طيفك تمرين
قصايد أمكنه نكته مسلسل اغنيه شلات
انا وش بيدي غير اني اقول في قلبي الله يعين
قسم بالله مو ناقصني الا تجيني في الصلوات
انا حاولت اسوي كل مايمكن لأجل ترضين
بغيت اتقرب لقلبك حبيبي مره ومرات
والمعروف ان الشخص لو سلم يمد يمين
انا لو قلت اسلم باليسار بأقلب العادات
تجي مني أجي مناك ماادري اجي من وين
اذا انها في الخريطه اربعه وياك عشر جهات
دلع بكثر ماادلع حسبتك بنت ست سنين
غزل من كثر مااتغزل مخلص معجم الكلمات
رومانسيه بها مذوب حجر وانتي ولاتذوبين
حتى قمت احس اني غلبته قيس أنا في أوقات
مزعل ناس من عقبك ماهي وحده والا ثنتين
أنا ياللي مزعلهن عشانك والله بالميات
اانا مااقصد انقص في قدر ياللي له تميلين
ولكن ودي اعرف وش من افعاله علي فات
وانا اللي قلت من قدي طلعت بقصه المسكين
بكل اللي يصير انا معذب في أحسن الحالات
حسبت أقدر على موجك اذا انك بالهوى تجين
مع انه مو كل من غاص البحر يرجع معه دانات
تبيني بعدها اكتب قصيده فيها تنزفين
أقول اذا تبين اسطر في رثاي ابيات

غرامك آآآهـ منه .. ماتركني بسبته تطرين
كنه حالف يسهرني وهو في جروحي يبات
تبين الصدق انتي من كثر مافي خيالي تجين
أحس بكل ماحولي يرجع كل ماهو فات

انتقاء كله ذوق ياميرة ذوق

احتمال انتهينا

منوووور خيووووو
شاكرة مرورك العطر

دائما ً ماتتميزين في النقل الجميل والحس الشاعري الرائع


سلم حسك المميز

Ϡ₡ईܔ ǁ|[ أموره ]|ǁ ܔईϠ₡

أعوذ بالله .. الله لايشغلنا الا بطاعته
الله ينجي من الحب اللي يشغلنا عن العباده

سلمت آناملك وتبقى لك ريادة النقل المميز

نقل رائع
يعطيك العافيه


تقديرى