عميل الشعر واخر مساجله تمت بيننا

جميل ان يكون هناك شخص ترتاح له ٌ
يفهمك وتفهمه شعرياً
مره يكون الصوت
وتكون الصدى والعكس صحيح
هذا ماوجدته في الشاعر شقران من هنا له مني اجمل تحيه
طبعاً انا وعميلي مالنا الا بالغزل
اخر مساجله وقعت عيني على هالصوره
"
"

الله على عين ٍ طرفها جديلك=حظه يمون ليا طرف دعِـج الاعيان
منه الهدب ياسيدي يشتكيلك=غيـِره ومن لامه على عيون ؟؟؟؟؟
ياللي نهارك يختلط وسط ليلك=من وين ماوجهت ساحر وفتان
ابختصر وصفك حبيبي دخيلك=<ماقل دل وزبدة الهرج نيشان >
ماالله خلق بالكون كله مثيلك=ولاداج في حسنك على كل الاوطان
باقبالتك كل العرب تنحنيلك=وبادبارتك رقّصت مليون شيطان
مع صيحتك كل البشر تنتخيلك=تسلطنت لين اصبح الكل سلطان
الخيل صارت ياريش العين خيلك=صالت وجالت وطمرت كل ميدان
كل ٍ يبي من بدهم هو حليلك=من لامهم ياسيدي حيل غلطان
مانتي بشر يالعن ابو سلسبيلك=انتي ملاك الحسن في صورة انسان

"
"
مابين الاقواس بيت قديم
للشيخ راكان بن حثلين
"
"
شعر نواف بندر
^
^
^
^
نواااااااااااف > سم ياشقران
"
"
لارحم جد الاتصال
لكن اتمنى ان اوفّق بايصال رايي لك

هيّضت يانواف خافي عميلك=ليا بعد من هيّض العود شقران
دخيل رب البيت بعده دخيلك=منهو حرق قلبك وخلاك ظميان؟
نبضك دعى من جيله ايطوف جيلك=خلاه يكتب تالي الليل شفقان
على مقارع ماجمع له صميلك=شوق ٍ على غل ٍ على كبر وجدان
ياحلو ماقلته بوصفك خليلك=نذر ٍ عليّه قافك ايْنوف قيفان

.
.
شقران
^
^
^
^
ماخلصنا لاتروحون بعيد بس فاصل ونكمل باقي المساجله

صح لسانك
على القصيده
وصح لسان شقران
كان هو العود اللى انا اخبره
ياحبي له قبل قصيده
وربي انه تاج راسي

لاهنت


تقديرى

هلا بعقاب نورت وشرفت الشعر واهل الشعر هو العود مافيه غيره ولايشبهه احد
"
"
"
قلت انا

قبل اتقهوى جيت ابقدع جزيلك=حي الجزيل اللي بدا فيه شقران
شيخ ٍ تنومس بالوطا من يجيلك=راسك رفيع ومن سلايل كحيلان
الشعر يزهى بالفخر من جميلك=والقاف من قده شهدله بليهان
ان جيت تنشد عن خوافي عميلك=جتك العلوم الوافيه دون كتمان
اقر القصيد وخل حرفي دليلك=واعرف رموز ٍ عجزها مابعد بان
اذكر زمان ٍ فاتلك مع خليلك=يومك تردد لجلها عذب الالحان
اجيك انا من لهفتي واعتزيلك=اشيل قاف العود لعيون ؟؟؟؟؟
من يومها والشوق فيني دخيلك=العمر يجري واسود الليل مازان
ميت ظمى ياصاحبي واشتكيلك=من لاورد بير الغلا مات عطشان

"
"
"
هههههههههههههههه
الله يكفينا شرك يانواف
مالي علم والله لكن هاك
ياخلف ابوي
.
.

لاحل ّ عدوانك علـى عـذب قيلـك=مالـك عليّـا ليـه شبيـت نـيـران
نواف هاك العلـم واقصـر طويلـك=خابرْك تعطيهـا ليـا قيـل يافـلان
اتـرك خفايـايـا وروّض غليـلـك=لاتفتح اكْتاب ٍ نقـص فيـه عنـوان
خل الغـلاف يتوّهـك عـن دليلـك=لنّك ولو تفتحْه يسـري بـك الجـان
خلّـن بحالـي وانـت دور سبيلـك=عود ٍ وخاننّـه صواديـف الازمـان
مـاراح راح ولا تشـعّـل فتيـلـك=اخاف اردّدهـا مـع الـلال والـدان
واقول سـر ٍ يقْعـدك مـن مقيلـك=سر ٍ دفِن مابيـن حايـل (وبيسـان)
واتشوف مايسهـر نهـارك وليلـك=وتعيش بالحيره على صايـر ٍ كـان
واللي هويته يسالـن عمـن محيلـك=قلت البطا بينـي وبينـه خـذا شـان
نوااااف ويل ٍ بي طفح موج ويلك=ويلي على نجـل ٍ وشهْـد ٍ ورمّـان
عفريّـة ٍ فيهـا المـزايـا تهيـلـك=والحزن في قربـه سعـاده وسلـوان
ذانـي مليـت اللـي يـودّه زبيلـك=بالله واختمهـا تـرى الدمـع هتّـان

.
شقران
ماقضينا لاتروحون بعيد

ابشر ياعم هاك
"
"
"

يبارق ٍ جبت المطر من مخيلك=حياك ياديم ٍ على القاع هتان
اجرف بقايا مابقى مع مسيلك=هد السدود وغير حدود واوطان
اسق الخفوق اللي غدى يلتجيلك=اكسر ضلوع ٍ بالغلا كسرها حان
اسقه من الدله فناجيل هيلك=واشرب شهد من مبسم غصيّن البان
مبطي وعينه يالشمالي تخيلك=برق ٍ رجاله برق والليل خدران
واذا طلعت بالليل شمس ٍ تهيلك=هذاك وجه صويحبي بالدجى بان
من صوبها ريح الهوا يستميلك=نسناس غربه ريح مسك ٍ وريحان
عقب السلام وقبل نوره يجيلك=قله كسوفه عذب قليب ولهان
اما يجي والا وربي وكيلك=اني لاموت وخاطري مابعد زان

"
"
"
"
"
"
اتمنى ان تنال اعجابكم وان عاد شقران بشي اتيت به لكم
نواف بندر

نواف بندر

صح لسانك ولسان شقران والله يسعدك ع المساجله الشعريه الرائعه

دمت في حفظ الرحمن

اقتباس المشاركة الأصلية كتبت بواسطة شباصة أجوديه نواف بندر صح لسانك ولسان شقران والله يسعدك ع المساجله الشعريه الرائعه دمت في حفظ الرحمن

صح بدنك اختي

ربي يزيدك سعاده ياطيبه

يحفظنا ويحفظك رب العالمين

[table1="width:95%;background-image:url('http://www.b3b7.com/vb/mwaextraedit2/backgrounds/9.gif');background-color:coral;"]

اقتباس المشاركة الأصلية كتبت بواسطة قناص الشمال [/table1] [table1="width:95%;background-image:url('http://www.b3b7.com/vb/mwaextraedit2/backgrounds/9.gif');background-color:coral;"] اخوي نواف السلام عليكم ورحمة الله وبركاته كما عهدناك مبدع ومتالق دائما وزاد الابداع ابداعا هذا اليوم في هذه المساجله مع الشاعر المتالق شقران مساجله جزله ورائعه من شعراء مبدعين نكن لهم كل الاحترام والتقدير وهم تاج على رؤسنا ويكفينا فخرا انطلاق اقلامكم الحره في هذه الزاويه اللتي انرتموها بكل حرف وضعتموه لقد نالت على اعجابي ودخلت معها اجواء الحب والسرور وزادتني ابتهاجا وفرحا تمنيت لو كانت هذه الكلمات بينك وبين الشاعر شقران وانا واقف بدلتي على رؤسكم في مجلسي اللي مايدخله الا اللي مثلكم وشرواكم من الطيبين في الختام اشكرك على كل حرف وضعت لنا هنا وبلغ احترامنا وتقديرنا واعجابنا من اسرة منتديات بعد حيي الى الشاعر الكبير شقران اللذي نتمنى لو عطر صفحات منتدانا بتواجد قلمه وتواجده العطر كل الشكر لك اخوي وتقبل فايق احترامي وتقديري اخوك قناص الشمال

هلا بثروة بعد حي

شرفت الشعر وراعيه ولنا الشرف بمجلسك ودلتك

ابشر بشقران قريباً راح يكون بحضن بعد حي
بس خله ينتهي من مشكلة الاتصالات

وانت ان جيت العاصمه لاتبخل علينا بشوفتك

نورت وشرفت يالغلا

كل الود

صح لسانك ولسانه عزالله ماقصرت
بيض الله وجهك نواف ووجه شقران
تقبل مروري
واعجابي بالنزف الذهبي

اقتباس المشاركة الأصلية كتبت بواسطة اخو شلوى صح لسانك ولسانه عزالله ماقصرت بيض الله وجهك نواف ووجه شقران تقبل مروري واعجابي بالنزف الذهبي

هلا باخو شلوى وجهك ابيض يابعدي

شرفت ونورت يالغلا واعجابك تاج على الراس

نواف بندر & شقران

امتزاج يعني الابداع بكل مافيه

نص كنت حاضر ولادته ومجرياته

وانا الآن استمتع بكل تفاصيله كأني أبدء من جديد

نتمنى أن تعود لنا تلك المحاورات من جديد يانواف مع المبدع شقران

فا انتم ممتعين من نوع آخر

اقتباس المشاركة الأصلية كتبت بواسطة احس احساس نواف بندر & شقران امتزاج يعني الابداع بكل مافيه نص كنت حاضر ولادته ومجرياته وانا الآن استمتع بكل تفاصيله كأني أبدء من جديد نتمنى أن تعود لنا تلك المحاورات من جديد يانواف مع المبدع شقران فا انتم ممتعين من نوع آخر

حضورك ولادته زادهُ جمالاً
وردك اليوم اضاف له ٌُ شرفاً

انت جميل ومميز
وتضيف لكل نص قصيده اخرى باحرفك الباذخه
فانت لاتاتي لمجرد الحضور بل تمنح الاضافه لكل نص وكل شاعر

لاعدمناك


دمت لنا

محبتي

صح الله لسانك وأجــدت في بيانك انت والشاعر شقران
وبقي التمـــيز والاقتـــدار عنوانكم
وأعلى الرحمــن شــــــأنك وكيانكم

اقتباس المشاركة الأصلية كتبت بواسطة ولد القصيد صح الله لسانك وأجــدت في بيانك انت والشاعر شقران وبقي التمـــيز والاقتـــدار عنوانكم وأعلى الرحمــن شــــــأنك وكيانكم

ولد القصيد

صح بدنك وعلا شانك ويسلم راسك

شرفت الشعر واهل الشعر

هلابك مليار

لاعدمناك ياطيب

لله درك ولا فض فوك نواف وصح لسان شقران

ونصوص في غـــــــــاية الروعة والجمال
سلم قلبك سلم فكرك الراقي
وجودك شرف لبعد حيي يابعدي
لك تقديري