رشّي العطر يا بنت رشّي
خلّي العطــر ينساب ويفوح
وتبسمــــــي ياللّه وبشّي
وخلّي الكدر من قلبك يروح
واذا عجبك الوضـع نشّي
وجولي مادام الحب مفسوح
واذا بغيتي القلــب دشّي
القلــــب لــــك يا بنت مفتوح
في روضة افؤادي تمشّي
دوســك بقلبي يبري جروح
خلّي الهوى عشك وعشي
طيرين نتنادم علـــــى دوح
وعن عين قلبي لاتغشّي
خلي لـــــــميع البارق يلوح
في الجسم ما ظنّي بقي شي
خذتي الفؤادوخذتي الروح
وانتي كأنك ريم وحشي
يجـــول بين اتلا ل وسفوح
فيك الحسن بالنور يغشي
وشرواك ما ظن حد مملوح
ابني واذا تبغين هشّي
كل شي لك بالحب مسموح
ومابين عيني وبين رمشي
قضي حياتك انس ومزوح
قصيدة للدكتور مانع سعيد العتيبة
العرض المتطور
