[align=center]
أخواني الاعزاء :
هذه قصة أحد الشباب الذي يحلم دايمآ بالملايين.
في أحدى الايام ركب سيارته طالع من الدوام متجه لهله والمسافه 900كم
بعد كم ساعه مع الطريق وهو لحاله شريط يشغله وشريط يطلعه طفش زهق
ولع الزقاره والوقت بعد الظهر أيام البراد ومستانس بالمطر الي على ديرتهم
بعد ماتعدا مدينة الاحساء شاف راعي نياق مجاهيم قال ليش ماأمره لعلي
القى عنده حليب( كبده يابسه الماخوذ )شاف الفحل مربوط هاك المجهم الي
كيفك دخل الولد في الخيال قال لوني مريته وعطاني البعير هديه ما أمداه يكمل الى السالفه صارت صحيح (بالخيال) مر الرجال وعطاه البعير وراح وباعه بمليون ريال وابتلش وين يودي الفلوس تذكر أن عنده حساب بالبنك الاهلي ومبطي مافيه دراهم (ماخوذ يالحساب) مر على النعيريه ومر البنك وسفط ونزل ودخل البنك وأخذ نموذج ايداع وعباه
(مستانس ابو الشباب) مسك طابور وطال الانتظار وجاه الدور سلم النموذج والفلوس للموظف لحظات وطارت أعيون الموظف فيه طار عقله قال بس فيني بلا أكيد الفلوس مزوره لحظات وجاه مدير الفرع يركض أهلا وسهلا طال عمرك تفضل معي للمكتب انهبل المسكين (راح بالرحله) وهو في المكتب قهو وشاي وهو ريقه يابس يبي يعرف وش السالفه قام يسرق النظرات للجهاز الا وشاف المفاجه الي بغى يطيح ويغمى عليه
سكت ماعاد يدري وش يقول من ذهول المفاجئة الا وهو يتنحنح ويقول لو سمحت قال سم قال أبي أسحب المبلغ بالكامل أنصدم المدير وقعد يحاول فيه أنه مايسحب هالمبلغ من حسابه لنه بيثر على الفرع بالسيوله المهم بين الشد والوصل صمل الرجال على رايه
سكر المدير البنك وقرب الشناط وقعد يعبي من هالدراهم ويعبي . لحظه نسيت اقولكم أن الي جننه أن المبلغ عشرين مليون ريال محوله بحسابه من حساب الامير الوليد
أخذ الدراهم وراح لهله مايدري وش يسوي بالدراهم سلم على أهله وهو يفكر ويفكر ويفكر طال التفكير جاء الليل ويبي ينام عجز من التفكير الفلوس للوليد وأكيد محوله بالخطاء ورايح يجيبوني وياخذون الفلوس ومدري وش بيصير لي بعد تفكير قرر أنه يوديها للوليد وراح من ليله لرياض وصل الفجر قعد يفر بالرياض وصفط غند المملكه وأنتضر لين فتحو راح ياسألهم عن مكتب الوليد ضحكو عليه وطردوه مايدرون أنه جايب له ملايين بعد شد و ربط معهم جابوله مديرمكتب الوليد أخده معه ودخله في المكتب وقهوه وشاي وزقاير علمه أن فيه امانه عنده وهي للامير ولازم يسلمها اليوم حاول معه مدير المكتب أن يفهم شي ولكن عجز الزبده بلغو الامير وقال عطوه موعد بعد العصر أخذوه ودوه للفندق وعطوه جناح الرجال نام ولا درى الاهم يصحونه العصر لبس وكشخ وراح معهم للامير وهناك المفاجأة سلم على الامير وجلس وشناطه معه وبلغ الامير أنه لقا الفلوس بحسابه وهي أكيد بالخطاء قال الامير كم قال عشرين مليون قال بس الزبده قال خلاص رح مع فلان راح معه ورجعه للفندق وكمل نومته ..
ولاصحاه من الحلم الا مطب الصرار
(المسكين من قوت المطب ضرب راسه بالسقف )
وراح يولول ويلطم مدري على الحلم أو المطب..........
[/align]
العرض المتطور
