يا طير قل لي وش حصل في زمنـا..كيف الذي يظلم يعيش متهني

°•°•
حمــام ياللي فوق الأغصان غنـى
غـرد و أنا بعدك بغرد و أغني


جرّ اللحن و اشلع على ما تمنـى
مالي و لا لك غير كـثر التمني


عمرٍ مضى و أنا أسمع اللي يونا
و أهـل دمعي لاسمعته و أونـي


ما هو ولع باللي تهز و تـثـنـى
و لا هو طرب من زين صوت المغني


ما زاد من حـب العذارى حزنـا
مهما على درب المحبــة دعـني


ماهمنـي بعيونهن لو غزنــا
و ماهمني سهم النظر لو طَعـني


بس الخوي اللي حسبناه منـا
و اللي على فرقاه كنا نـحنــي


اللي من أول لا بغانا زبنـا
لامن ميلات الدهر ميلـني


سهمه سـطـا بالروح يوم طعنا
نيران غدره بالحشا ولـعنــي


يا طير قل لي وش حصل في زمنـا
كيف الذي يظلم يعيش متهني


كيف الذي نغليه يرخص ثمنـا
عن واجبه معنا يِصد و يِكنــي


حنـا الخطأ يا طير نرفاه حنـا
و حنـا على أحسن ظن دايم نظنــي


لكن بعد ما زل زاد وغبنــا
يوم ادعى إن الجور يا طير مني


يا طير يا طير السعد لا تعنــا
و أنا معك يا طير أعينك و أعنـي


خذني معك يا طير لحظة تونـا
دامي معك يذهب غثا البال عني


و إن ردد القمري لحونه و ثـنـى
أردد الألحان بعده و أثـني






آمنيآتي لكم.. التوفيق والسعادة ..! ~

صح لسان الشاعر والناقل
كل الود لك لعيونك
على الاختيار

هلا فيك اخو شلوى
مشكور على التواجد
لك مني كل الشكر والثناء بود ومعزة ..

يا طير قل لي وش حصل في زمنـا
كيف الذي يظلم يعيش متهني


كيف الذي نغليه يرخص ثمنـا
عن واجبه معنا يِصد و يِكنــي

صحيح زمان الظلم الان
ولكن ان الله يرى ويمهل ولا يهمل

اشكرك على انتقاءك
اسعدك الله

ياسلام عليك
راقيه وكلماتها جميله وتحمل الكثير من الابداع كل الشكر لقائلها
وناقلها

بس الخوي اللي حسبناه منـا
و اللي على فرقاه كنا نـحنــي


اللي من أول لا بغانا زبنـا
لامن ميلات الدهر ميلـني

لعيونك مبدع يالغالي وصح نقلك مليون

الاخوان


الخلاوي

بنت اليحيا

كبرياء شمر


نورتوا موضوعي والله

واسعدني حضوركم الكريم

واعجبني ثنائكم

فلكم كل الشكر والتقدير

تحيتي ..

لعيونك
تسلم عيونك على الانتقاء الجميل
وصح قلبك ولسانك ولاهنت
ولاهان شاعرها

تقديرى

عقاب النهار لاهنت يا بعدي

والله يسلمك من كل شرر

نورتي يا بعدي

مشكور ...