(ألف ) الوف في قلبي الوفي
ياما تحملته ماتطيقه كتوفي
محبته مابين قلبي وجوفي
حمل الكتوف اللي عيت لاتطيقه
(الباء ) بعيد وقفا وعلبا
وخلاني اوقف على ارض صلبا
وقلت تكفى ليا عندك طلبا
وابعد عني ومشا في طريقه
(التاء) تغرك نفسك لاتكبر
وابعد عني بالسياره وغبر
وجلست بحالي غصب عني اتصبر
وخلا في قلبي اريش العين حريقه
(الثاء ) ثمان سنين وانا اتصبر
وحتى فراش البيت يازين وبر
كم مره ابكي واتعبر
من حبكم يازين نشفت ريقه
(الجيم ) جيم موتري في مساره
من اجلكم يازين مو خساره
و ش الحل تكفى يابو ساره
انت اللذي تعرف بعض الحقيقه
( الحاء) حمدت الله عزيز الجلالي
ارتاح اذا شفت القمر كاالهلالي
سهرت طول الليل حتى الزوالي
وزودن على الساعه اعد الدقيقه
(الخاء)خلال العمر ذقنا التجاريب
وصرنا عند الناس مثل المغاريب
وصارت عيون الناس مثل المحاريب
مثل الفريق اللي يبغض فريقه
(الدال)داو الجرح يازين داوه
والا ياريش العين خاوه
ارجوك تكفى لاتحرمه واوه
من حبكم يازين عيونه غريقه
(الذال) ذاق المر مع الحناظل
وصارت عيون الناس دايم تناظل
ارجوك تكفى ياعزيز يا فاظل
محبتن طالت بقلبي عريقه
(الراء) رق القلب من شاف حالي
يقول وضعك اكيد ماهو بسالي
وقلت الله هو يريح بالي
يعلم مايخفي الشقيق وشقيقه
( الزاء) زاد الوضع ياخوي زادي
والنار قامت تعتلي في فؤادي
والوضع عنده ياخوي صار عادي
مثل العسل عنده يحبه ويليقه
(السين) ساقت الاقدار ساقت
والارض من فرقاه ياخوي ضاقت
ياليتني ماشفتها يوم واقت
من بعدها في القلب ياصاح ضيقه
(الشين)شارك همها في حياتي
والله مدري كيف السواتي
الله يرحمني قبل المماتي
يجعل القلوب القاسيه لي رقيقه
(الصاد) صياد القلوب الضعيفه
ماقدر افارقها ياشريفه
البرمجه بسرعه بكلمات خفيفه
قالي تفظل بالعسل والسليقه
(الضاد) ضرني في حياتي وتمادى
من بعدهم مالذ اكلن وزادا
دايم حياتي كلها اكل سادا
والناس للناس وجيههم طليقه
(الطاء)طار النوم ياصاح عني
مره افزز ومره اوني
قام يتشكل في اللون بني
تقل مافيه مثلهم في الخليقه
(الظاء ) ضوء بيوتهم اطفاءوها
يقول عنهم ناس يوم جوها
حتى معالمك القديمه اطمسوها
والباب الاصفر خربو فيه زيقه
(العين) عينن من وراهم قديمه
كنا نتقهوى عندها شاي ديمه
واليوم مال العين اي قيمه
والمزرعه جفت وباقي العليقه
(الغين) غابت عني ذيك الملامح
خابرك يازين للزلات دامح
يالله طلبتك ياكريم لاتسامح
من كان فيه من السبب الزليقه
(الفاء) فاز منهو للرب تقرب
ابي اعلن التوبه بوجهن مكرب
ماخطي على مخلوق ولا اتضرب
جالسن وراء البيت وبوسط الشريقه
(القاف) قفل من دونه الحظ قفل
وقالو وش تبي به ياهاالمغفل
يالله امش معنا وتفظل
تلقى بداله الف مليون تيقه
(الكاف) كفاني الله شر ناس واجد
والحمد لله اخذت اخت ماجد
واحمد الله دوم وانا ساجد
ورزقني الله وسويت كمن عقيقه
(اللام ) لازمت المجالس لزومي
كل يوم انا في مجلس معزومي
وش جابه لنايفات الحزومي
ناسن على فرقاك دايم شفيقه
(الميم ) مادري ويش بيحصلي
اب اتوجه له ودايم اصلي
مجلس مافيه ذكر خله يولي
تقوم ترفرف جنحانن خفيقه
(النون )نور الله بالكون ساطي
نوره بذكره ياعبد العاطي
تراك بالدنيا صايب وخاطي
انت الصديق اللي تدعي لصديقه
(الهاء) هواء نفسك لاتطيعه
والله العظيم كل شيء تبيعه
حت لوانه هواك وربيعه
لازم فكرك وشكرك تفيقه
(الواو) وجدي عليه وجدي
وش الحل ياخوك مجدي
انت اللذي عايش في جو نجدي
انت الرفيق اللي يعرف رفيقه
(الياء) ياربي ارجوك ترحم
مافيه مثلك بالكون ارحم
اذا مارحمتني فمن يرحم
انت اللذي تفرج همي وضيقه
العرض المتطور
