يا غشــيمه ليـــه تبدين اﻷســف واﻹعتـــــــذار؟
أصـﻼ احنا منتهيــن ان كان هـــذا يجهلــــك !!
ثـم أنـا ما ودي أفتـــــــح بيننا بـاب الحـــــــوار
بـس أنا عــارف فضولك .. بالنهايـــة يقتلك !!
تسأليني مـن معـي بعـدك خذت فكـري وصـار ..
يحتفـل فيهـا قصـيدي .. وعلّمَتني أهملـــــــك؟؟
واسمــحي لي راح أجــاوب لك سـؤالك في إطـار ..
الصـراحه .. وادري إنّ آخـر كلامــــــي يزعلك
ذيــك بنت ٍ مـن غلاها عاملـه فيـني حصــــــار ..
وين ما وجهت نبضي لجلها قلــــــبي ســــــلك
ذيــك بنــــــت ٍ تـزرع البسـمات في كـل الـــديار ..
تغفل بطيبــة نواياهـــــــــــا .. و ﻻ تســتغــفلك
ذيك يــــــوم إنــــــك تركتيـني علــى شبه انهيار ..
جتـــني وطـرت بهواهـــــــا للسـما وابعــد فلـك
ذيـك يـــــوم آكلمك وابقـى علـى الخـط انتظـــار ..
حطّت الــدنيا ( انتظـار ) وجـت تقــول : اشتقــت لك
ذيك غيم وصــــالها ما شح في ليـــــل ونهـــــار ..
وانتي ياخـذك التغلـــــــــي للغيــاب و يشــغلك !!
ذيك يوم إنـي –أمـــــوّل - لك تفاصـيلي دمـــار ..
جـت تغـني ( الماضي لك / وبكــره لك / وبعــده لك )
وعـن جمــال أوصافها خــايف يصـيبك انكســــــار ..
ﻻنـــها لو تلتفــت لـك .. ضـــــــيّعت مسـتقبلك !!
وانصـــــــحك من حســـــــنها ﻻيبتـدي قلبـك يغار ..
وابعـــدي عنهــا تراهـــا " حبــه .. حبــه .. تاكلــك "
نور عيني حبّهــــــا .. يعـني لي أكـبر انتصــــــار ..
حــزت عــرش ٍ مـن ملـوك اﻷرض ما حـــــازه ملك
كـــــن قلـــــبي من بعـــــد ما حبهـــــا علّق شــعار :
" الرجـــاء اﻹبتعـــاد .. القلـــب هــــــــذا ممتـــلك "
واعتقــــــد ما فيـه داعـي يكتمــــل هــــــذا الحــوار
بـــس هـــي كلمــــــــه .. إذا ودك تعــرفــي منـزلك
شــفتي البنـت اللـــــي احتلت مكانــك .. باختصـــار :
ذيك تســــــواك ِ وتسـاوي كـــــل طوايفـك وهلـك
العرض المتطور
