جـتني تـبي تلعـب علي مـبرقعه
واقـفه بـيـن الحقـيـقه والـخـيـال
جـت بلـطـف وذوق جت متدلعه
قالت أسمح لي عزيزي بالسؤال
خـفـت أنـا لا أنـولـد بالـزوبـعــه
أخاف أقول يمين والحلوه شمال
وتـبتـعـد عـني وتمـشي مـودعه
وتـرتحـل هـاذيك وتشـد الـرحال
ناظـرتـني بالعـيـون الـمـوجعــه
قـالـت أبـدأ قـلت أبدأي بالمـقال
قـالـت أنـت أي نـادي تـشـجـعـه
قـلـت نادي النصر وأحب الهلال
وأي نادي تشـجعـيـنه أشـجـعـه
أعـشـق الـلي تعشـقيـنه يا خيال
قـالـت أي فـنان ترغـب تسـمعه
قـلت أبـو نوره ومـيت في طلال
أي مـطـرب تسـمـعـيـنه أسـمعه
وأســتـمع لأحـلام وأقـدر نــوال
قـالـت أصلـك وشـهـو مـرجـعـه
قلت أناجنوبي ومن أهل الشمال
ولي نـسب شرقي أبوي موقـعه
وفي الغروب أذكرلنا سابق أحلال
قالت أسـمع كـم واحـد وأربـعــه
قـلت مـدري صعب بالحيل ومحال
أي رقـمٍ تـطـــرحـيـــنه أجـــمـعـه
والـنـتـيـجه حلـم يا بنت الحــلال
قـالـت تحـب الـربـيـع بمـطـلـعـه
أو هـوايتـك الـخـريف الـلي يقال
قـلت أنا أهـوى الفصول الأربعه
كلها عـندي سـوى في أي حــال
مـا خـذت مـني أجــابه مـقـنـعــه
وأسـتـدارت كأنهـا بـدر الـكــمال
قـالـت أنـت كـل هـرجـك مـعـمـعه
دخـت أنـــا وياك يـاولـد الـحــلال
العرض المتطور
