قلتي لعل أيامك أفراح وسرور=يا فرحت القلب الحزين وطربها
تقدر تقول إني على الصبر مأجور=وإلا السعاده بينينن عربها
يااللي غلاك بداخل القلب معمور=يامنتهى وجد الحزين وسببها
شَفَت عسل ريقك عن ألفين دكتور=متخصصين(ن) بالدماغ و عصبها
فيك الحلاء والحسن والملح منثور=نعيم دنيا رابح (ن) من قضبها
لو ماتصدق كلمتي قلت معذور=لك موقع (ن) بالقلب ماأحدن قربها
مفتون فيك وعن حسانيك مقهور= رحمتك عني بعدحائل عن أبها
حقي عليك تخلي الوضع مستور= عند الغضب نفسك تدارك غضبها
تر الغلاء ماهو محرم ومحظور = غصبن كتبه الله على من كتبها
هذا المقدرمالنا فيه مقدور= نار الغلاء تقفى تخفف لهبها
تقفين حظي كل ماله بحادور = إقري عليه إغديه يرفع ذنبها
ماهو قصورن بي ولا جيت بقصور=حظي ليا زانت حياتي قلبها
الشاعر/ مبارك طناء التبيناوي
العضو الأكثر نشاطاً هذا اليوم 
العرض المتطور
