هـلا يـاغـزال حـن قـلـبـه لـنـا وارسل

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]

هـلا يـاغـزال حـن قـلـبـه لـنـا وارسل =وجـدد عـلـى الـقـلـب الـمعـنا طواعينه
لو انـه ترك قلبي عـقب مانساه افضل=مدامه نسى جـمـر الـغـرام وبراكـينه
ولولا الـمـقـــام بجيرة الشيخ ابومشعل=زعـيـمٍ بـدرب الـعـدل قـامـت موازيـنه
عسيرٍ علاج الجرح من رمشه الاكحل =اذا بـان زوله وابـعــد الستر عن عينه
ملك خـافقي واصبح كما الغازي المحتل=يجـاهـد عـلـى تدعـيـم حـبــه وتوطــيـنه
ويوم احترق قلبي وجسمي بدى ينحل=رمى الـقـلـب قدام الـعذول ونـيـاشيـنه
اذا شافني شديت لاهل الجـنـوب اشمل =واذا جـيـت ساموده تعدى وراء لينه
تثاقلت هـجـره والـرضـى بالهـوان اثقل=ولا الـعـمـر قلبي ضـايــعٍ فـي مـيـاديـنـه
مضى عـام لايـنـشـد عـلـيـنا ولا يسأل =مثل فـعل ضباط العـرب مع مساجـينه
عـقـب مارمانـي بالبـحـر قـال لا تـبـتل=ولا قـال خـلـي يوم طال الجـفى ويـنـه
وانا اشوف مرسال السعاده علي اقبل=وغـابـت هواجـيـس الغـرام وشياطينه
وكل الـبـشـر فـي بـادي اعمـارها تجهل=قبل تكتشـف زين الطواريق من شيـنه
وانا حالفٍ باللي فـرض شـرعـه الـمنزل=فلا اعـود لاسـواق الـغــرام ودكـاكـينه
قبل حكم عينه راح اعـانـد واقول اشكل=ولا اعـيــش عمري واحدٍ من مساكينه
ولا هو مـقـال الـلي الـيـا قـال مايفـعل =او الـلـي يـقـول ولا يـقـدم بـراهـيـنه
او اللي يـعـاهـد ثـم ينـقـض ولا يخـجـل=ولو عـاهــدك وسـط الرجال ودياوينه
وترى الهـرج بوقوت الفراغـات ماينقل =ومن يـنـقـلـه لـلـنــاس يـنـقــل ثـعـابـيـنه
ولا ني من اللي لا لقـى الـهون ما يزعل =لاجل خاطر عيال الشيوخ وملايـيـنـه
وليته من اللي ساعـة الضـيق مايبـخل=وعند الـقـسـى تلـقـى اللحم في مواعينه
يقولون خلك مع رزيل الكفوف ارزل =وانا اقـول خـلـك فـي منازل شـياهينه
الاجواد تصبح مع جميل الكرام اجـمل=وتقـفـل عـن ابـواب الـرذالـه كـوالـيـنه
ولا تفـضح اللي في دروب الحياة اخمل=تـرى الـسـتـر من طـبع الكرام وقوانينه
ولاتحسب ان الـلـه تـنـاساك يوم امهل=ولابـد للـديــان يـطـلـــب ديـايـيـنه [/poem]