طبخات حائل000الشعبيه والحلويات طلب خاص لاتردوني يالغاليات

السلام عليكم ورحمة الله وبركاته000كيفكم يالغوالي 000وش علوم أهل الكرم والطيب يابعد حيي

عندي طلب يابنات حايل يالسنعات يالبى قولبكن ابي طبخات حايل كلها والحلويات بعد الله يخليكن

اسمع كثيييييير يمدحونها ودي تعطوني ياهم كلهم الله يجزاكن خير ويحقق لكن كل اللي في بالكن

ويرزقكن من حيث لاتحتسبن000

عاد أنتم معروفين بالكرم والنسوان السنعه الله يديمها عليكم من نعمه يارب000

الله ست مشاهدات ولا شفنا أي وصفه

وينكم يالنشميات

حيآكِ آختي ومنورة آلمنتدى

بس آختي آيش آلآكلة اللي تبي آو قصدك تبين وصفآت

آلآكلات الشعبية هنآ بحآئل لآنهآ كثيرة تقريبآ

عندك آلقرصآن / آلمرقوق /آلمقشوش / آلهريسة / المويسه / آلعصيدة
آلمصآبيب /آلمرآصيع وغيرهم كثير

آنت آيش اللي تبي تعرفيه

ايوالله ليت تحددين وش تبين بالضبط
بالاضافه للي قالته روح
عندك الجمريه والجريش
وعلى فكره
ترى طريقة الهريس عندنا بحايل شكلين
ناس تحب تسويه بالحليب وكشنته مايحطون معه طماط
وفيه ناس تحط بكشنته طماط

الله يجزاكن خير
أنا حابه اعرف المقشوش لأنه ماعندنا بالقصيم
والكبيبا والهريسه والمويسه وكليجا حايل هذولي ماعندنا
بس الجمريه أعتقد انها عندنا بعد00إذا كانت
اللي تدفن الله يرحمها خخخخخ 00بالرماد لحد ماتستوي
هذي عندنا ونسميها خبزة جمر00وان كانت مو هي
فالله يعافيكن تعطوني اياها زوجي راح لحايل اسبوع
ويقولي سوي لي هالطبخات هذولي قلت مالي غيركم
انتظر فزعتكم يالغاليات

[ALIGN=CENTER][TABLE1="width:95%;"][CELL="filter:;"][ALIGN=right]
للأسف أنا مو من حايل ،،
و البنات هنا إن شاء الله راح يفيدوك باللي تبيه
ترا كل اللي هنا سنعات ،،
[/ALIGN][/CELL][/TABLE1][/ALIGN]

وانا بنتظر اتعرف على طبخات حايل
تسلمين غربه

هذا قالوهن هم طبخناااااااا

أهلين بنات والله ياقلبي عارفه إنهن سنعات الله يحفظهن
من كل شر والنعم باأهل حايل بعدي والله000وإن شاء الله
تستفيدون أنتم بعد معي مشكوووووووووورات

أيام غربه

حياكِ ياغالية ..

أعتذر مو من حآيل .. والبنات إن شآء الله يسآعدوكِ

جود

.. ينقل للقسم المناسب ..

هذي الكبيباء الحايليه انا مسويته

فوتي على الرابط وانشاء الله اني خدمتك


وراااح اجمع لك الطبخات واعطيك اياها

http://www.b3b7.com/vb/showthread.php?t=70951

ولي عوده

للأسف ماني من حآيل
ولا أعرف طبخآتهم

ان شآء الله البنآت مآيقصرون معك

أيام غربة
حياكـِ الله
وإن شاءالله بنات بعد حيي مايقصرون معاكـِ

الكبيبا والملفوف بقولك طريقتهن حسب مااسوي انا
انا مااحب اشتري من الحريم لاني مااضمن متى هي مجمدته

اول شي
تقطعين البصل وتحمسينه مع فلفل لين تحسين انه قرب يتشقر
تحطين معه كركم وشوي هيل مطحون وشوي عود قرنفل مطحون براس الملعقه الصغيره
يعني ماتكثرينه
بعده تحطين البندوره وتحطين البهارات والملح وتخلين لين تذوب البندوره
وبعده تحطينه بالخلاط وتطحنينه وترجعينه للقدر وتحطين عليه لحم مفروم
وتكونين غاسله الرز طبعا الرز انا احب رز الوليمه افضل من المصري
وبعدين يجيك الطعم رهيب
وتحطين الرز على الكشنه واللحم المفروم وتخلطينه زين
وتحطينه على جنب ترى الرز وبعده جيبي ورق العنب او الملفوف
وحطي فيه من لحشوه ولفيه

والباقي زي ماقالت لك همس القوافي لاني انا حبيت اعطيك طريقة حشوة
الكبيبا لان اغلبية الناس يستعملون الرز المصري
انا مااحبه احبه بالطريقه هذي لان يطلع لك طعم
رهيب


نجي للمرقوق

تاخذين طحين عادي وتحطين عليه ماء
وتعجنينه تخلينه تقريبا نفس عجينة الفطاير
شكله مو مقاديره انتبهي بس طحين وماء

وتغطينه وتخلينه على جنب
بعد نص ساعه او ساعه

خوذي العجينه وافرديه وقطعيه بالقطاعه مربعات او دوائر
طبعن ترشينه بالطحين عشان مايلزق

او تحطينه بجهاز المطازيز
تقطعينه كور صغيره وتحطينه بالجهاز وتضغطينه ويطلع لك
على شكل دوائر انا اسويهن بالجهاز افضل

بعد ماتخلصينهن اذا كانت الكميه كثيره فحطيهن بعلبة وحطيه بالفريزر وكل مااحتجتي خوذي
منه واطبخيه

نجي للطريقه
تسوين نفس كشنة الكبيبا بس بدل اللحم المفروم نحط لحم عادي
ونصب عليه ماء ونضيف له المرقوق وهو يطبخ اهم شي يكون الماء يطبخ
عشان المرقوق مايلزق ببعض
وتقصرين النار عليه وتخلينه ساعه او لين مايستوي اللحم

وبالعافيه


وان شاء الله راح ارجع لك بطخات ثانيه
اتمنى افدتك واي شي تبينه انا حاضره

مشكووووووورين ياقلبي والله الكبيبا شكلها خطيره000يعني لذيذه000بجد احرجتوني يعطيكم العافيه
وفي انتظار المزيد الله يحفظكم ماقصرتوا وتسلم يدياتكم