و انقل لكم هذه القصه بنفس اللهجه التي وجدتها ..
قصه من قصص النسااء وهي قصه ،،
وحيشة المشلحية مع ابن هذيل
ابن هذيل من شيوخ العمود من أمراء سقف(سقف من محافضة الغزالة جنوب حائل) للي مايعرفها!
و وحيشة من سقف ايضاً
القصة: أدهرت نجد بأسرها ورحل ابن هذيل ومن معه إلى نقرة أيوب(نقرة أيوب بين سوريا وتركيا)
الكلام هذا قبل ما يقارب 300 سنه
لم يبقى في ديرة ابن هذيل سقف الا الضعفاء والمساكين وكانت وحيشة ممن بقي في سقف!!
المهم غاروا عليهم القوم ونهبوا حلالهم واراضيهم ومالهم ونخيلهم مابقوا لهم شي
عاد هي وحيشة جالسة تحسّر على حلالهم الي راح وتوجد على ابن هذيل أميرهم لو كان عندهم مانهبوهم القوم
قال له ولده: يمه!!
قالت: نعم!
قال: أشوف الشيب كثران براسك
قالت آآييه!!
وهذت هالقصيدة الي تمعط الحشا
قـــالــــت وحــيـــشـــة يــــامــــلا لــــيــــه مــاشـــيـــب
وغرس الجدود الي غدا وقت الإفلاح
يــاغــيــبــة ابــــــــن هــــذيــــل يــاغــيــبـــة الــــذيـــــب
شــفــنـــا الـنــكــايــر والــنــكـــد عـــقــــب مـــــــاراح
مـــار يــاراكــب حــمــرا تـجـيـبـه تـحـاضـيـب
تـــــجـــــدع يـــديـــهــــا بـــالـــخــــلا تـــــقـــــل زنـــــــــــاح
حــمـــرا هـمـيــمــة مــــــن خـــيـــار الـمـنـاجـيــب
أكــواعــهـــا عـــــــن لــمــســـة الـــــــزور طــــفــــاح
حـــمـــرا لـــيـــا نــيــشـــت بـــــــروس الـعــراقــيــب
أســــرع مــــن الـشـيـهـان لا شــــاف مــلـــواح
ركــابــهـــا مـــــــن عـــزوتــــي مــنــقـــع الــطـــيـــب
ضـد الحريـب إن صـاح بالـنـزل صـيـاح
وأربـــــع لـيــالــي صــــــدق مـــاهـــي تــكــاذيــب
تلفـي علـى ابـن هذيـل كـسـاب الأمــداح
قــــــل ديـــرتـــك ســـقـــف ولـــوهـــا الأجــانــيــب
يـروح عليهـا مـن الشـعـب كــل مـصـلاح
جـــانـــا ضـعـنــهــم مــــــع دبــشــهــم جــنــاديـــب
وصـــار الـخـطـر مـنـهـم علـيـنـا بــــالأرواح
عــــجـــــل عــلــيـــنـــا يـــاحـــصــــان الأطـــالـــيــــب
لــك هــدة(ن) تـاخـذ مــع الـخـيـل مـســراح
عاد يوم وصلت القصيدة لابن هذيل عقب فترة
وهو يشاور الي عنده
وش هــقــوتــك مــــــداد مــــــن نـــقــــرة أيـــــــوب
الـــعـــصــــر مــايــمـــســـي حـــــــــــوال الـــغــــزالــــة
فوق أشقر(ن) طلق الذراعين مرعوب
أســـــــرع مـــــــن الـشــيــهــان مــعــلـــف عــيــالـــه
قال: لا وينك ووين الغزالة بينك وبينه ما يبيد السمينة
وهو يفرك غرابة الشداد ويرتكي عليها
بعد شوي صبوا القهوة ومدوا الفنجال لابن هذيل ( تقهو يا الأمير)
ما رد عليهم ...............
مات حسرة وغبن على مركاه
والسبب قصيدة وحيشة
نخته وهو مايقدر يسوي له شي
العرض المتطور
