قالـوا تحبـه قلـت ما هـوب بالحيـل

صباح الخير

<<<يارب سامحني بنهار رمضان وتنزل قصايد غزل..

هذي ماهي قصيدة عادية
هالقصيدة كان أخوي"الله يرحمه" دايما يرددها
هذا طبعا قبل يلتزم ويهتدي الله يرحمه يارب
تذكرني فيه بالحيل وبالصدفة قريتها في احد المواقع
ونزلت دمعتي
<<<<هذا المستخدم تبي تخمه العنز بعد شوي

اترككم مع القصيدة

قالـوا تحبـه قلـت ما هـوب بالحيـل

بـس انه أغلـى شـوي من نـور عينـي

يسـوى جميع الجـيـل الأول وهالجيـل

أحبـائـي المـاضـييـن والمقبـلـينـي

شوقـي له أعظم من ظما الأرض للسيـل

وأشـفـق عليـه أكثـر مـن أم الجنينـي

وأحتـاج له حـاجـة ثـرى مصر للنيـل

وعليه أغـار ولـو من الـوالـدينـي

أشتـاق لـه شـوق المحـبيـن للـيـل

وأرتـاح لـه راحـة دمـوع الحـزينـي

لا صـار جنبـي لو سنـه وقتي بخيـل

ولا غـاب لو لحظـات صـارت سنينـي

قالـوا يحبـك قلـت هـذا هـو الـويـل

مـا ودي أنـشـد ثـم رفضـه يجينـي

وأهـدم رجـاي بـدبـرتي مثـل ما قيـل

والأفـضـل أحيـا بالأمـل لـو لحينـي

يا حـبكـم يا نـاس للقـال والقـيـل

والأمـر لـو سـهـل يصبـح مـهينـي

خلـونـي أحيـا في الوهـم يا عـواذيـل
وش دخـلكـم والأمـر بينـه وبـينـي

للأسف ماعرف الشاعر

والله انى ماعلم تبين نستمتع بالابيات
والا نهلهن هالصبح
الله يرحم اخوك ويسكنه فسيح جناته


والقصيده للامير خالد الفيصل وكذا فنان غناها


وصح لسانه وسلمت يمينك على النقل

تقديرى واحترامى

صح نقلك
ورحم الله والديك واخوك
وثبتك الله على الحق

الله يرحم اخوك ويسكنه الجنه


ويسعد لي قلبك على النقل

تحياااتي لك

رحم الله اخوك وغفر له

قصيدة رؤؤؤعة

يسلموووو نور بس لاتعيدينها الناس صايمين وانت قلبك اخضر

تقبلي مروري

الله يرحم اخوك

ونقل رااائع
سلم احساسك وذووقك
ودي

نور الدنيا
الله يرحمه ويسكنه فسيج جناته
قصــيده رائعه كروعتك
التي عودتنا عليهاا
لاتحرمنا من ذائقتك
يعاافيك ربي ويحفظك من كل شر
دمتي باالف خير

:
سلم احساسك وذوقك
مشكوره حبوبه
\\\

تسسلمين عالنقل الذوووق ~