ابداعبة سعد علوش

+

...خلــــوهــا... قصيدة تاريخيه لسعد علوش

خلوها يا اهل الشعر وأخماس وأسـداس
قصيدتـي هــذي خطـيـرة مثـيـره
لله وللتـاريـخ ولـكــل هـالـنـاس
ولهالحـيـاة الـزايـلـة والـمـريـره
وأللي مهـوب لـذروة الفكـر عسّـاس
ينظـم لأصحـاب النفـوس الكسـيـره
الله الأول قـبـل لـفــظ الانـفــاس
عـز وجـل مـن الظنـون الصغـيـره
ما مثـل مثلـه مثـل ولا لـه أجنـاس
يخـلـق مخـلـوق ولا يستـشـيـره
أذل له وانصـاع لـه وأحنـي الـراس
أللـي جعلنـي مـا اعبـد ربٍ غـيـره
عساه يكسوني مـن السنـدس ألبـاس
في يوم يعـرى بـه الأميـر والأميـرة
شاعر وذنبي غيـر وسكوتـي أجـراس
ونفسـي علـى مالله عطاهـا فقـيـره
من كثر ما أعطي حب واخلاص واحساس
أنا ما عـاد أعـرف وشلـون أصيـره
في عقلـي الباطـن عقيـده ونومـاس
وفـي واقعـي خـوف وتـردد وحيـره
هل يا ترى ببني علـى حلمـي أسـاس
أم يـا تـرى ببقـى علـى هالوتيـره؟
والافلاس ماهو أفلاس من حلم الافـلاس
إذا مـا تمـلـك لنفـسـك بصـيـره!
مـا خلـق شـي ٍ إلا بقـدر ومقيـاس
مـا شـي يغلـب شـي أو يستعـيـره
أللي خلق خوف وخلـق ضيقـة ويـاس
خلـق أمـن وأفـراح وحـب وبريـره
لـذلـك الله لا يولـيـنـي أنـجــاس
ويكسونـي بفضلـه ومـنـه وخـيـره
الرب إذا تحتـاج لـه صـرت نبـراس
والإنسان إذا احتاج لـه صـرت أسيـره
والناس ناتـج نـاس استلطفـوا نـاس
أبنـاء رغبـة واستهـامـه وغـيـره
لولا التلاطف وأللي مـا بيـن الأقـواس
مـا شفـت هالعالـم شفوحـه غفيـره
نـدور ويـدور بنـا كــل هـوجـاس
ومـن أجـل ذلـك روسنـا مستديـره
الكـل تايـه فـي مصيـره ومحـتـاس
وماهـوب هـو أللـي يحـدد مصيـره
فيا ليت مـا تنسـى الذواليـق غـراس
ومـا ينسـى مجـرى الميـاه وخريـره
أعلم أللي عـاث مـن بعـد مـا جـاس
تـرى الجهـل راس الأمـور الشريـره
الإنسان لو يملـك مـن الجـن حـراس
أحقـر ذبـابـه قــادره تستثـيـره !
وين الملوك أللي على أقبـاب الافـراس
راحـو وخلـو المغـريـات الكبـيـره
هالأرض ياللي يرجـل النـاس تنـداس
بواقـي ابـن داؤد وابــن المغـيـره
الله يلعـن كــل مـشـرك وخـنّـاس
والله يلـعـن هالحـيـاة القـصـيـره
صغـيّـر الادراك وصغـيّـر الـبـاس
يشـوف كـل النـاس مثلـه صغـيـره
يا قلـب بـرّد كـل مـا هـب نسنـاس
مــا دام هاليمـنـى نـديـه جـديـره
يفـداك مـن رزقـه قتـات وتمـرّاس
لـولا رئتينـه مــا طـلـع زفـيـره
شفـاه مـن طـرد المـلـذات يـبّـاس
وهـو علـى عـد الـرواة وغـديـره
حديثـه فمـا قـال حـمـزه فعـبـاس
مـا حـدّث لمسلـم عـن أبـو هريـره
العمر فرحـه وحـده وعشـرة أتعـاس
ومـن لا يجيـره خالقـه مـن يجيـره
ومن عاش شاف وكـل غبـه بغطّـاس
والصـدق خيـرة مذخرتـه الذخـيـره
كل ما اكتشفت من الأصاحيـب بـلا ّس
أقـول يالله جـعـل فـالأمـر خـيـره
خيره تعرف إن به من أصحابك اخساس
خيـره ولكـن يـا عساهـا الأخـيـره
أقسى جـروح النـاس تغلبـه بنعـاس
مـا يذبـح الإنسـان إلا .. ضمـيـره
بعض البشر مثل ابتسامـات الاعـراس
علـى كثـر ماهـي مثيـره ضـريـره
وحيد ولا عندك مـن النـاس جـلا ّس
أخيـر مـن شـر الـكـلام وسعـيـره
والكل ما يخلـو مـن أخبـاث وادنـاس
في كـل نفـس ٍ هنـاك حاجـه حقيـره
فمن قبل لا سوي مشاكـل مـع النـاس
عنـدي مـع نفسـي مشاكـل كثـيـره

أذل له وانصـاع لـه وأحنـي الـراس
أللـي جعلنـي مـا اعبـد ربٍ غـيـره
عساه يكسوني مـن السنـدس ألبـاس
في يوم يعـرى بـه الأميـر والأميـرة


انتقاء رااائع
سلم ذووقك الرااقي
ولااهنت

آختيـآآر موفق ..
تسلم يدينــك عالنقــل /~

سعد علووش عنوان الابداع

سلم ذوقك

زيزو
يعطيك العاافيه اختيار ي
نم على ذائقه عذبه
سعد علوش شاعر كبير
صح لسانه دوم ولسانك ياارب
باانتظار جديدك
دمت بخير

زيزو


آنتقاء رائع


يسعد لي قلبك على الذوووق الراقي


وصح كلك ولسان شاعرها


دمت بالف خير


تحيااتي لك

مــشــكوريــن علــى المــــــرور

الله على سعد علوش وحروفه

شاعر جميل يكتب بفكر وإحساس

وسلمت على طيب الانتقاء

قصيده رائعه للرائع سعد علوش
شاعر متميز جدا وانا وحده من اللي تحب قصايده
يعطيك الف عافيه اخوي زيزو على الطرح

مشكورين على هالمرور المرصع بالالماس.