اباقِف رَافِع رّاسِي وَلِي دَيَرِة وَدَرْب وَسُوَر

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

سرى فكري مع اللّي جاب حرف ٍ خاطره مكسور=ونظمت الشعر لجل إنـّه من اللّي دوم أحاتيهم
أبنثر من شذى حرفي بدرب الغانمين زهـور=عسى يلحق بهم بعضي وفا وأقدر أجازيهم
ترى للطــيّب الوافي مكانه مستحيل تبور=يعرف أهل الردى لو هم يبونه ما يماشيهم
اباقف رافع ٍ راسي ولي ديره ودرب وسور=وأبجهر بالحكي يامن بغيت تعرف ماضيهم
أنا من لابة ٍ فيهـم معاني للكـرم و النور :=بدى واضح .. من أيام ٍ مضت والناس تتليهم
إلى من صكّت الدنيا وبيـّن بالسنين قصور=وضاق الكون في عين البعيد وجار غاليهم
تروح الروح من أجله وجرحه بينهم مستور=ولايرضون غـير الطـيب وهذا من مباديهم
لهم في ما مضى دوله مداها وصيتها مشهور=خذوها يومها ترعد سيوف اللـّي يعاديهم
أبفخر بأنهم شمـّر هلي ..أهل الوفا صيـّور=يجي من يطمس التاريخ لو هو بأمر واليهم
وطيبي طيبهم صرنا مثل نور ٍ على له نور=سلايل مكرمين الضيف وحاتم من عوانيهم
إلى من طاح واحدهم زمازيم الحرار تثور=قبل يرتد له طرفه ..على الفزعه يلاقيهم
ولا عالو / ولا مالو / ولا زلـّو عن المحظور=ولا قالو / ولو سمعو / ولا ملـّت نواصيهم
ولا نادو لمن جاهم تفضل قم على الميسور=يقودون الوجه لو هو ظلام الفقر كاسيهم
ولا سنـّو على سنـّة مزامير الهوى والزور=ولاوقـْفو على علم ٍ ردي لو كان يغنيهم
أبفــخر بأنهم شمـّر حراراً والصقور صقور=شهاده يبردون الجاش لو إن القيض حاديهم
إلى منّي نظرت هناك الاقي من أثرهم دور=وريح الهيل فواح ٍ .. وصوت ٍ من سوانيهم
وإلى منّي ذكرت الروض يسبح بسماه طيور=ذكرت اللّي تراب الروض يطهر من مواطيهم
وذكرت وجيه شيبان ٍ منازلهم غدت بقبور=توفوا وذكرهـم باقي على خيرة مساعيهم
بمد الكـف بأثر الكف لو كف الزمن مبتور=أصافح ما مضى وأفرح إلى من لاح طاريهم
أنا مافتري وأكذب ولا أبني بالخيال قصور=ولاأخذت النسب من ناس خذونا تحت أساميهم
طنايا و الشعر لو هو تلعثم بالحكي معذور=من اللّي قادر ٍ يجزل قصيده في معانيهم
طنايا اللّي لهم وقفه من أيام الأزل وجذور=تضوّي صفحة التاريخ لو إن الوقت ناسيهم
طنايا وصفهم يصعب على اللّي ياصفه بسطور=صناديد ٍ عن الطولات حشى ما تقصر إيديهم
ولاني من يسب الناس ولاقـلت القبايل بور=لهم منـّي المعزّه زود على عـزّة مراميهم
وترى بعض الحكي ياقف بحلقي والضلوع تفور=يبي يظهر وهو خايف ..على الله ما أزكيهم !
[/poem]

أبنثر من شذى حرفي بدرب الغانميـن زهـور

عسى يلحق بهم بعضي وفـا وأقـدر أجازيهـم

صح لسان شاعرها وسلمت على النقل

ولاهنت

تقديرى واحترامى

صح لسانك ولسان شاعرها
وسلمت يمينك اخوي على روعة الاختيار

آنتقاء رائع



يسعد لي قلبك على الذوق الراقي


صح كلك ولسان شاعرها


دمت بالف خير


تحيااااتي لك

وجدت نفسي أمام أختيارك
وأمام احساسك لاأجد أنصافك
فسلمت الايادي

راااائعه واكثر

سلمت
وسلمت ذاائقتك المختلفه
دمت بنقاء

:
:
كفو يالذيب
والنعم في لابتي ولاتهون باقي القبايل
الله يعطيك الف عافيه
تقديري

رووووووووووعه
تسلم آيديك عالنقــــــل ~