يالله يامن في يديك الهداية

السلام عليكم ورحمة الله وبركاته

قصيدة اتمنى انها ترتقى الى ذائقتكم الشعرية

يالله يامـن فـي يديـك الهدايـه=من ضل عنها في مشيئتك تهديـه

يامعتني في شون خلقـك عنايـه=ويامن بساعات الضرر نلتجي فيه

ياكاشفن مخفيت داخـل حشايـه=وياعالمن بالكون جهره وخافيـه

يارب جنبنـي طريـق الغوايـه=واجعل لقلبي نـور عنهـا يقديـه

وعذني من الشيطان وادمح خطايه=ياواحدن كـل المخاليـق تدعيـه

من لاهديته ضـل حايـر وتايـه=واللي هديته ماهنا شـي يغويـه

من بعد ذكرك لي بالامثال غايـه=ابحبك امثالـه واصخـر معانيـه

وفي جمة الابـداع اورد رشايـه=اخذ جزيله والهزل منـه اخليـه

مثايلن لهـل المعرفـه وصايـه=راع العقـل ياهتـم فيهـا تقديـه

يالادمـي ولكـل شيـن نهـايـه=لو طال عمرك جرد الايام تطويه

خلك نبيه وخـل عنـدك درايـه=اغنم زمانك والحذر تنخدع فيـه

وافتح مع الرحمان صفحة بدايـه=من قبل عمرك خالق الروح يفنيه

ولا تصير مثل مجمعين الوشايـه=اللي ليا قفا حديهـم حكـو فيـه

اقولهـا والعبـد حـرن بـرايـه=ماني بملحق من تركها مشاريـه

ناصر الذرفي الشمري

مشاء الله صح لسانك ملايين
صباح الشعر ياناصر
قصيده رائعه ...ممتلئه بالمعاني والابداعات
هنيئا لنا بك في بعد حيي

يالادمـي ولكـل شيـن نهـايـه
لو طال عمرك جرد الايام تطويه
خلك نبيه وخـل عنـدك درايـه
اغنم زمانك والحذر تنخدع فيـه
وافتح مع الرحمان صفحة بدايـه
من قبل عمرك خالق الروح يفنيه
ولا تصير مثل مجمعين الوشايـه
اللي ليا قفا حديهـم حكـو فيـه




شاعرنا الرائع \ ناصر الذرفي

ابيات فائقة الجمال ..
ونص عذب مليء بالاحساس
ارويتنا شعر وشعور
فصح لساانك حتى الرضا
لهذه الرااائعه
وصح قلبك واحساسك ..
ودمت بنقاء ,,,
ننتظر جديدك ..

لله درك
وربي قصيده منتهى الجمال
جمل الله حالك
وجاد بيانك

:
:
صح لسانك واعتلا شانك
ابيات جزله من راس جزل
لاهنت
ننتظر جديدك بكل شوق

قلم مميز وراقي ابدعت في صياغة الكلمات والجمل الرائعه..
ودي وتقديري

صح لسانكـ على هالدرر

احترااااااامي

يطولي بعمرك
على بوحك
وسبكك الراقي

ألف صح لسانك على هذه القصيدة

كلك ابداع
سجل اعجابي ومتابعتي لشخصك

أجدْت كتابة النص ؛

فليبارك الرب في قلمك : )

شكراً لك ...ناصر

سأعود إلى هنا دوماً لأرتشف متى ما بلغى الضمى منتهاه ! ... لأني بحق سأروى حينها ؛

شكراً شكراً بقدْر ما في هذا النص من جمال ...

تبقى أسم لامع في سماء الحروف النقيه ياناصر
صح لسانك ملايين على هالمد الراقي المميز
نتمنى أن نرى جديدك كل حين

شاعر القدير / ناصر الذرفي
صح لسانك وبيض الله وجهك ولاهنت
على هالجزلة عساك على القوة