اغـتــنـم وقـتـك..وخــلـــك بالــصـــــداره=والــفــرص..مــره تــرى بالعمر تــأتي
واتــرك الماضي .. ولــو تنفض اغباره=مـاتــرجـع شــيء بالأيـــام فـاتـــي
وكان تطلبني بعد زود استشاره=أحذر.. من اهل النوايا الباطلاتي
وأستمع للي بــدا في راس قاره=يـزبَن عن الهم روس النايفاتي
شاعر..ووقــتــه عليه ألفين غاره=شنها..والله عليم الخافياتي
هيه يامن..كان ظالم في قراره=قلبك اللي..لايحس ولا يحاتي
كل حلمٍ..خان في ليله نهاره=وانت ما حققت لي ربع امنياتي
بيننا مقفول ياباب الزياره=وأبلغ التعبير تقراه بسكاتي
وياكبر جرحه..وياطول انتظاره=قلبي اللي..ماسمع مني وصاتي
غلطته..صار ليدك رهن الاشاره=وانتي..الله منك يكتب له نجاتي
لـيـت ما كنتي..ولا كان اختياره=وياعسى الدنيا..تسويبه سواتي
من كوت قلبي ..ونار الهجر ناره=كنها بالهجر..تسعى في مماتي
ماسبا حالي..ولا سبب دماره=غيرها..وان مـــت هي سبـة وفاتي
ارحلت للبــعـد..وأقـفـت عن دياره=وتركتني..للغياب..ولشتاتي
علموها ان الهوى مابه شطاره=طــوع الابطال عنتر والزناتي
والزمان يدور..ويغيَر مساره=والليالي مقفيات ومقبـلاتي
ومنزله بالقلب مسمـوكٍ اجداره=لورياح العـذل هوج وعاتياتي
اشهد ان فراقك وبعدك خساره=فادحه..يأم العيون الناعساتي
واشهد انك بالجمال وبالنظاره=طاغيه..وأحرقتي كروت البناتي
تجمعين البــاديه..هي والحضاره=بالمزايا..والوصوف الفاتناتي
وكل وصـفٍ فيك له سحر..واثـاره=يسرق الأنظار من كل الجهاتي
ومن صريح البوح..لك صدق العباره=قلتها والكذب ماهو من صفاتي
والله انك وسط قلبي بالصداره=وحبك.. أصـدق حـب عشتـه في حياتي !!
اهلا بك ونص رائع ويحمل من العذوبه الكثير نسجت أبياتك بحروف من نور وبصدق الاحساس والشعور فصح لسانك حتى الرضا لهذه الرائعه وسلمت وسلمت اناملك ع ما خطت ..
تقديري ,,
اهلا بك ونص رائع ويحمل من العذوبه الكثير نسجت أبياتك بحروف من نور وبصدق الاحساس والشعور فصح لسانك حتى الرضا لهذه الرائعه وسلمت وسلمت اناملك ع ما خطت ..
تقديري ,,
العضو الأكثر نشاطاً هذا اليوم 
العرض المتطور
