مركب الحلم

الا يامركب الحلم القديم اللي بدون شراع

...............يلاطمك البحر والموج عاتي وانت فوق الموج

تصدّرت المراكب بالطموح اللي غدا جزّاع

............ليا منه قضى من فوج هم يجيه عقبه فوج

انا يامركبي لي حلم واحد والقدر منّاع

.......ولكن الامل يبني على الحلم القديم بروج

وانا فوق البروج اخيل حلمي والصدور وساع

..........وراع الهرج عندي له على بعض الهروج هروج

ولا لي بالوطا عيني تعاين دوم للمطلاع

..........واشوم اليا لقيت الحلم في تال الدروب العوج

انا يامركبي بقنع ولاكن الزمن طمّاع

........خذا خيل الاماني لين صارت هالحظوظ سروج

تقاضيت الثمن يوم الزمن للشاري البيّاع

..........وانا مالي مع انتاج الزمن يامركبي منتوج

احاسيس البشر لو رتّلَت تطرب لها الاسماع

........وانا رتّلْت لك حزني شعر من خاطري منسوج

قفل باب العطا قدمي وانا قلبي عليه الْتاع

..........وله بابي على مر السنين من العطا مهجوج

تحاليت السموم و سم حظي قلّب الاوجاع

..........وعنّيت القدم في مَهْمَهَ الدرب وكثير الدوج

ولا حصّلت غير جروح صانتها هنا الاضلاع

..........وقصيدن يطِرب السامع .. لو انه بالحزن ممزوج

قراءة ممتعة

انتقاء رائع

سلم لنا ذووووقك.

انتقاء جميل
وذاائقه مخمليه
سلمتِ غاليتي ,,

نقل رااائع وجميل

تسلم يمناج ويعطيج العافيه

انفاس الرحيل
انتقاء قمة الروووووعه
راااااقت لي تسلم يمينك ..

نص عذب
وفايق الجمال كجمال حضورك الرائع
يعطيك الف عافيه
سلمت اياديـــك
ودمتي بالف خيـــر

لم امل من قرات حروفك النقيه
بحق تذوقت جمالها ..
انتقاء رائع ..

رؤؤؤؤؤؤؤعه
يسلمؤؤؤؤؤؤؤؤؤؤؤؤؤؤؤؤؤؤؤؤؤؤؤؤ