بفرحة غامره استقبلنا نبأ عودة خادم الحرمين الشريفين الى أرض الوطن ( غداً الإربعاء 20/3/1432هـ بإذن الله تعالى ) ويسعدني ان اقدم لكم هذه المتواضعة بشعور مواطن فاض به الشوق لرؤية ملك القلوب وأب الجميع خادم الحرمين الشريفين حفظه الله وقلوبنا تردد ( مادت بخير يابو متعب كلنا بخير ) سائلاً المولى عز وجل ان يديم عليه وكل مسلم ثوب الصحة والعافية وان يحفظه لشعبه ودينه ووطنه في اتم صحة وعافية:
فرحة الشعب العظيم
هلا/يافرحه الشعب العظيم /وياسنا نوره=هلا بك /عد هتان المزون/ وعد ماطرها
هلابك والقلوب العاشقة / بالحيل مسروره=مادمت مميل عقالك /ظروف الوقت نسبرها
هلا يا خادم البيتين /هلا يا مالك الصوره=ملكت الحب في دارك بماضيها وحاضرها
لبس شعبك /لك الحله /بديباجه /وبلوره=فرح في عودتك سالم عساك تدوم ذاخرها
يابو متعب تبي تعرف غلاك بقمة حضوره=تعال وشوف بعيون اليتاما /جبر خاطرها
بعد غادرت للرحلة /وكل الدار معذوره=فقدنا الأب /والقائد وبسمة بوجه عامرها
ترى والله /لولا الله /ثم الغالي /بشوره=ابو خالد /عضيد المجد /والهمة مسايرها
لكان الشعب عاش اليتم بعدك بأبشع الصوره=عسى ربي يديم الخير معكم / يا مطورها
هلابك والعلوم وما جرى واحداث منشوره=فجده /يابعد كل الملا /من عام /خابرها
على ماهي ترى ياسيدي والناس مقهوره=ويدّ/ الباغي /الجاني تصافح يدّ / ساترها
وكل الخوف يتكرر المّ جده /ومحظوره=وعام ن بعد عام الناس تدفن في مقابرها
وضيق العيش يا صقر العروبة زاد مخطوره=جشع تجار / ما ترحم ولا تربط اواصرها
تعبنا / بس في شوفك نسينا الهمّ وشعوره=عسى الله يحفظك للشعب يامراعي مشاعرها
هذا ماكان / بالداخل / وبرا /دارة الدورة=على بعض الدول من جنبنا زادت مخاطرها
ابو عزيزي حرق نفسه ومنّه / قامت الثورة=وفي ارض الكانة /كانت المحنة /لآخرها
وفي ارض اليمن وارض المنامه ناس مسعوره=وفي بنغازي/ الليبي يموت بيدّ/ حاقرها
حمى الله دارنا /مما لفاهم /بشرع دستوره=كتاب الله /والسنه /وحاكم عدل طورها
هنا كانت علوم الدار بعدك يا أخو نوره=فيا مرحا وهلا فرحا بحاكمها ووافرها
هلابك ثم هلابك ثم هلا والورد منثوره=نثره الشعب لك فرحه بريحتها وعاطرها
نعم يا سيدي دارك بها الأفراح مغموره=بك الديره كساه النور وازدانت مناظرها
شعر
احمد المنتشري
19/3/1432هـ
كل ما اكتبه هنا من قصيد هو من نظمي ومن خيالي ومن مقولي وليس بمنقول وحقوقه محفوظة لــ ( بوح القصيد احمد المنتشري ) .
العضو الأكثر نشاطاً هذا اليوم 
العرض المتطور
