عايشة ياعايشة

[poem=font="simplified arabic,4,black,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]

ياعايشه .. من قال ذا عيش .. كذّاب=من ذمّة الشبعان .. لا ذمّة الجوع؟
ياعايشه .. والسالفه ماهي انساب=ولا هيب عادات وتقاليد وطبوع
ياعايشه .. لو هي على فاس حطّّاب=كان الحطب مبطي من السدر مقطوع
والكلمة اللي بالنحو مالها إعراب=مرفوعةٍ بالنصب .. أو نصب مرفوع
نتبع ورى الممنوع مانحسب حساب=وضعنا بقولة ( كل ممنوع متبوع )
مخدوع..منهو يحسب الوقت له طاب=واللي يصدّق جاير الوقت مخدوع
عذر الدموع اللي تحرّش بالأهداب=لو باقي فيه اهداب تتحمل دموع
ماكان بعتك يالرضا بأشري عتاب=ولارحت مبسوطٍٍ .. وعوّدت مفجوع
يمرّني الاسبوع وجروحي زهاب=ويروح .. وانا اعدّ بأيّام الأسبوع
وش عاد لو كنّا اْهل وديان وشعاب=أو حبّنا عالوسم مذري ومزروع
ماعاد به ذيبٍ في الضان طلاّب=والضان بين مصوّب وبين مصروع
ياعايشه والناسك اللي بمحراب=يشهد له المحراب .. وخشوعه خشوع
لومك على العرقوب .. ياعضّة الداب=والطامنه .. تفهق اليا قالوا ... طلـوع
ياعايشه ..والجوع له شلف وحراب=حتى الرغيف اصبح مثل حبّة الكوع
ومقطوع مثلك..ماله احباب واقراب=ياعايشه .. ماهو من الله مقطوع
رزقك على ربٍّ ليا انصكت ابواب=يفك باب لكل مبلي وموجوع
من قال ماحدن مات من الجوع ..كذّاب=وش يدرّي الشبعان .. كم مات من الجوع ؟


[/poem]

انتقاء رائع

الله يعطيك العافيه وصح لسان شاعرها..

..لا هنت ع الاختيار الرايق

شكرا

سلمت الذائقه الراقيه وسلم قايلها

كل الود والتقدير

يعطيك الف عافيه
نص ررائع
سلمت اياديك
ودمت بالف خير

شـكــ وبارك الله فيك ـــرا لك ... لك مني أجمل تحية .

تسلم اخوي على الاختيار الرائع
وصح لسان شاعرها

من قال ماحدن مات من الجـوع ..كـذّاب

وش يدرّي الشبعان .. كم مات من الجوع ؟

معبر جدا هذا البيت
وابيات رائعه واكثر
سلمت لرقي ذآئقتك ,,

نص ررائع
سلمت اياديك
ودمت بالف خير