مرثية أم نواف للراحل ..

ابو نواف راح ..ووش بقالـي
من رموز الشجاعة والرجولـه

ابـو نـواف تفـداه العيالـي
لو بكيفي.. ماداج الموت حوله

ابـو نـواف يانجـم يلالـي
يارمـز للبسالـه والبطولـه

ابـو نـواف يارمـزٍ غدالـي
وغدالي هرج كنت انوي اقوله

لاقـال بقولتـه درب العدالـي
كريم مفـرّغ لضيفـه عدولـه

وسيع الصدر.. نفسه بالعلالي
تعشق الطيب وللعليا تخولـه

ابـو نـواف حـلاّل الحبالـي
مشاكل ماتجي غيـر بحلولـه

يفزّ بساع لاشـاف الخمالـي
يسامح مخمل مثَقِّـل حمولـه

ابـو نـواف اشباهـه قلالـي
عديم الندّ .. شدّ الموت زولـه

فواصل نجم فوق الراس عالي
بناها وباينـات بـه عمولـه

صبر..للصبـر دروب طوالـي
قليلٍ من صبر صبـره بطولـه

بياض نفتتـح بـه كالزلالـي
مقال الفاصله يزهـى بقولـه

كم حقوقٍ كتب لأجله مقالـي
ومقـالاتٍ كتبهـا مانقـولـه

جِري بالحق حـلاّل المحالـي
حلاحيـلٍ يحلّـه مانحـولـه

ياليتي متّ قبل اسمع مقالـي
مقالٍ قِيـل جرّحنـي بمقولـه

جرالي شي ماعمـره جرالـي
لـو الرجليـن دلّنـه جرولـه

وطرالي شي ليتـه ماطرالـي
طرالي شيخٍ اجـداده طرولـه

عسى دار الجزايـر للخَلاَلـي
وعسى الجلفه لدمـار يطولـه

عسى مابأرض جلفتهم عدالي
وعسى من راح يمّه ماينولـه

عسى من ياردونـه للخبالـي
وعسى تعدم إذا السبّه خبولـه

عسى طينٍ شـرب دمٍ لغاليـي
تصلّب لين ماناسـي لجولـه

وعسى نفسٍ رمت زين الفعالي
لسهام الغدر تنشبّ به وتغوله

ابو نواف مايعـوّض بمالـي
ولافات الفوت ماتفيد المقولـه

الا يالله يامحصـي الليالـيـي
امحصي النجم ثباتـه وافولـه

تبـرِّد قبـر وهّـاب الجزالـي
وتثيبه قـد وقفاتـه وفعولـه

عيونٍ ترتجي شبـل الرجالـي
وِلِده نـواف غـذّاه الرجولـه

أيا نواف خَلـف مـن غدالـي
طلالك راح إغد لمـن غدولـه

أصيح أنخاك نـواف الطلالـي
أبوك اليـوم ممـدودٍ بطولـه

خِذ الرايه.. عليك الحمل تالي
عليك العين..إزم لمـا زمولـه

بكوه عيال عمّـه والخوالـي
صفقو الكفّين شباب وكهولـه

صفقت الكف يوم العلم جالـي
وقفت بتوهتي كنّـي مهبولـه

... اعزّي ...

أعزّي شمّر شيـوخ ومعالـي
شباب وشيب.. نسوان وبعوله

أعـزّي كـل ورعٍ بالزمالـي
وبنات الغيد وارباب الطفولـه

أعزّي كل من شـبّ الدلالـي
طنايا.. وكل ركّابـة خيولـه

أعـزّي كـل حيّينـه وحالـي
تعـزّي ميِّتينـه والحَمـولـه

جبال تصيح وصياحه خيالـي
(وقصر برزان يبكي من بكوله)

الله يغفر له ويرحمه ويسكنه الفردوس الآعلى

تسلمييين يالغاليه ويعطيك العافيه ع مجهودك الرااائع.

اقتباس: المشاركة الأصلية كتبت بواسطة قلبي شمري    الله يغفر له ويرحمه ويسكنه الفردوس الآعلى تسلمييين يالغاليه ويعطيك العافيه ع مجهودك الرااائع.

اللهم آمين

يسلمك ربي ويعافيك يا الغلا

مشكورة عالمرور الطيب

منورة ...

صبر..للصبـر دروب طوالـي
قليلٍ من صبر صبـره بطولـه


صح لسان ام نواف
ورحم الله ابو نواف واسكنه فسيح جناته
كل الشكر للاختيار والطرح
لاعدمناك ياغلا

اقتباس: المشاركة الأصلية كتبت بواسطة على النيه    صبر..للصبـر دروب طوالـي قليلٍ من صبر صبـره بطولـه صح لسان ام نواف ورحم الله ابو نواف واسكنه فسيح جناته كل الشكر للاختيار والطرح لاعدمناك ياغلا

العفو يا الغلا

مرورك شرفني

منورة ...

[align=center]

الله يصبر قلبه والعوض إن شاء الله نواف وعبدالعزيز

رحم الله أبو نواف وأسكنه فسيح جناته
[/align]

اقتباس: المشاركة الأصلية كتبت بواسطة سمو إنسان    [align=center] الله يصبر قلبه والعوض إن شاء الله نواف وعبدالعزيز رحم الله أبو نواف وأسكنه فسيح جناته [/align]

اللهم آمين


اسعدني تواجدك طال عمرك

دمت بخير ...

مرثيه أليمه

الله يرحمو وجنآت النعيم مثوآه

بسمه

سلمتِ وسلم إختيآرك ...

اقتباس: المشاركة الأصلية كتبت بواسطة جـــود    مرثيه أليمه الله يرحمو وجنآت النعيم مثوآه بسمه سلمتِ وسلم إختيآرك ...

اللهم آمين

يسلمك ربي يا الغلا

مرورك شرفني

لا عدمتك ..

الله يرحم طلال ويغفرله

وسلمت على النقل الله يعطيك العافيه

اقتباس: المشاركة الأصلية كتبت بواسطة كبريــاء شـــمر    الله يرحم طلال ويغفرله وسلمت على النقل الله يعطيك العافيه

اللهم آمين

يسلمك ربي ويعافيك يا رب

مرورك شرفني

لا خلا ولا عدم ..

رحمه الله تعالى وجعل الجنة داره ومثواه .

وبيض الله وجهك اختي بسمة طلال
يطول عمرك على هالجهود الطيبه
لقسم غالينا طلال

اقتباس: المشاركة الأصلية كتبت بواسطة الـ ساري    رحمه الله تعالى وجعل الجنة داره ومثواه . وبيض الله وجهك اختي بسمة طلال يطول عمرك على هالجهود الطيبه لقسم غالينا طلال

اللهم آمين

يخليك ربي طال عمرك على تشريفك ومرورك الراقي

دمت بكل الخير ..

صح لسان ام نواف
ورحم الله ابو نواف واسكنه فسيح جناته
والشكر لكي يالبسمه عسى بسمتك دوم

اقتباس: المشاركة الأصلية كتبت بواسطة الجنازهـ    صح لسان ام نواف ورحم الله ابو نواف واسكنه فسيح جناته والشكر لكي يالبسمه عسى بسمتك دوم

العفو اخوي

شرفني تواجدك الطيب

لا عدمتك ..