مالي نصيب اشوفك

08-10-2011, 06:34 AM

ياموتري ياما نخيتك وفزيت
واليوم اصيح ومار منتى بقاوي
الغاليه ترسل مراسيل تنهيت
وتقول مشتاقه اشوف الهواوي
الي هوا زولي ويمه انا جيت
والي عطيته من حناني عطاوي
ياموتري عييت وأبيت وأزريت
وانا شفوق اشوف عين المهاوي
ياموتري وش فيك عني تنحيت
وخيبتني من بعد ذيك الرجاوي
ياموتري تكفى ابي حروة البيت
والباقي امشي له ولجله حفاوي
ياموتري دقيت سلفك وعييت
انا اشهد انك ماتخاوي هواوي

بقلمي

08-10-2011, 03:22 PM

حبر

صح لسانك وعلا شانك

ابيات رائعه من شاعر رائع

سلمت ولاهنت

08-10-2011, 05:56 PM

شاعرنا \حبر وورق
نص جميل
وانسكآب حرف عذب
سلم حرفك ونبضك
وطبت بخير ,,

08-10-2011, 06:26 PM

حبر وورق
سلمت وسلمك الله
على القصيده
بانتظار جديدك شاعرنا

08-10-2011, 08:43 PM

صح لسانكـ وبوحك
تقبل الله الصيام والقيام
راقت لي
كثيراا

مودتي

08-11-2011, 12:02 AM

وانا شفوق اشوف عين المهاوي
ياموتري وش فيك عني تنحيت
وخيبتني من بعد ذيك الرجاوي
ياموتري تكفى ابي حروة البيت

صح السانك
وجاد بيانك

08-11-2011, 01:19 AM

الله عليك ياحبروورق
حروف رائعه
وصياغه جميله
سلمت على هالعذوبه المتدفقه

08-11-2011, 01:33 AM

راقت لي سلم القلب والقلم

لك ارق التحايا

08-11-2011, 08:38 PM

ياموتري دقيت سلفك وعييت
انا اشهد انك ماتخاوي هواوي

ههههههههههههههههه
صح لسانك
انا اشهد موتر ماعنده ذوق ولا يعرف سلوم الرجاجيل..
الله يعوضك باللي ....كـن زولـه زول ذيـب
ان نطحتـه .. وان قفيتـه مـن ورا

وان عرض لك قلت مابالوصف ريب
جنب ذيب ٍ لاحقـه جـوع وعـرا

شاصي التصميم لاند كـروز جيـب
مايبيعـه مــن شــراه ليـاشـرا

وصح لسانك مرة ثانية