موضوع فآق التميز♥ || *("˷Passion Of ********************ng˷")* :||||مُــنَــوّعــ||||:

[frame="5 98"]
السلام عليكم ورحمة الله وبركاته
مساكم/صبحكم الله بالخير والسعاده

نبدأ على بركة الله...

لا تنسوا ذكر الله...ماشاء الله تبارك الله...

جبت لكم منيو بأصناف متنوعه...أتمنى تفتح شهيتكم...


,,..المنيو..,,


..متبّل..

..مقبلات الزيتون بالشطه..

..سلطة البقوليات الحاره..

..سلطة البطاطس..

..نقانق بالصلصة الحمراء..

..كاري الدجاج..

..برغر البطاطس..

..يخنة السبانخ..

..يخنة اللحم..

..رول كلوب..

..سنيك بجبنة الحلوم..

..جامبو الخضار المشويه..

..تشيز كيك غير..

..حلى موراساكي<<على اسمي..

..عصير برتقال بنكهة التفاح والخوخ..





لا أحد يرد بليز

[/frame]

[frame="5 98"]
.. المتبّل ..

المقادير:

<<أنا هنا أعتمد على حاسة الذوق عندي:rolleyes: لأني بصراحه ماأتقيد مقادير معينه بس تقريبياً

4 حبات باذنجان متوسطه-4 فصوص ثوم-2م.ك طحينه سائله-علبتين زبادي-خل-ملح-ليمون.

الطريقه:

اغسلي الباذنجان ثم ادهنيه بزيت الزيتون وحطيه بصينيه وغطيه بورق ألمنيوم ودخليه الفرن وبعد ربع ساعه اقلبيه على الجهه الثانيه وخليه لين ينضج ويلين ثم طلعيه وخليه يبرد.



اهرسي الثوم أو افرميه.
قشري الباذنجان وقطعيه واضيفي عليه الثوم ثم أفرميه بالخلاط.
ثم حطي على الباذنجان الزبادي والطحينه وملعقة خل وملح وعصير ليمونه(ذوقيه إذا يحتاج زياده أي اضافات أو تمام)



صبي عليه زيت زيتون وقدميه وبالعافيه...




.. مقبلات الزيتون بالشطه ..

المقادير:

زيتون أخضر شرائح-فلفل رومي-بقدونس-شطة سومطره

الطريقه:

افرمي البقدونس ناعم..وقطعي الفلفل الرومي مكعبات صغيره واخلطيهم مع الزيتون والشطه وبس...يؤكل مع الخبز..





راجعه بإذن الله لا أحد يرد...





[/frame]

[frame="5 98"]

.. سلطة البقوليات الحاره ..

هالسلطه قنبله(مو من حرارته من طعامته<<<بتدعين لي اذا جربتيه
وادعوا لخالتي آخذته منه.

المقادير:

طماطم-فلفل رومي أخضر-فلفل رومي أحمر-خيار-بقدونس-خس-علبة زيتون أخضر حار-علبة ذره-علبة حمص-علبة فاصولياء حمراء-علبة فاصولياء بيضاء-علبة بازلاء-ملعقتين كاتشاب-ملعقتين مايونيز-ملح.

الطريقه:

قطعي الخضروات كلها مربعات صغيره والخس قطعيه ناعم والبقدونس افرميه..



اغسلي جميع المعلبّات ماعدا الزيتون وصفيهن من الماء(لأن نكهة المواد الحافظه بتخرب السلطه)...
ثم اضيفي المعلبات على الخضار وحطيه عليهم الزيتون(هو وزيته لا تصفينه)ثم حطي عليهم ملعقتين كبار مايونيز وكاتشاب وملح واخلطيهم.



ثم قدميه وبالعافيه..<<<تكفون جربوه تجنن..






.. سلطة البطاطس ..

المقادير:

بطاطس -خس-بقدونس-فلفل رومي أحمر-بصل أخضر-ليمون-زيت زيتون-ملح-فلفل أسود.

الطريقه:

اسلقي البطاطس أفضل لو ماتخليه ينضج بالحيل يعني يكون فيه قساوه شوي مو ينهرس..
قشريه وقطعيه مكعبات وسط(لا كبيره ولاصغيره)
قطعي الفلفل الرومي والبصل الأخضر صغير...والخس قطعيه ناعم-وافرمي البقدونس..



اخلطيهم مع بعض واضيفي عليهم ليمون وملح وفلفل أسود وزيت زيتون<<<هنا خليك كريمه لأن البطاطس ناشف ويحتاج زيت أكثر..
ثم قدميه وبالعافيه...مررره لذيذه..




بررررب

[/frame]

[frame="5 98"]

.. نقانق بالصلصة الحمراء ..

المقادير:

كيس نقانق(اللي تفضلين-دجاج-لحم-بقر)
بصله-فلفله رومي خضراء-فلفله رومي حمراء-حبة ماجي-آجي(يجيك أبيض يشبه الملح)-فلفل أسود-طماطم-معجون طماطم-زيت زيتون.

الطريقه:

قطعي البصل والفلفل الأخضر والأحمر أنصاف دائره ثم حطي زيت زيتون وشوحيهم على النار حتى تذبل تقريباً,ثم أضيفي عليه مكعب ماجي وملعقة آجي وشوي فلفل أسود وقلبيهن.
أضيفي النقانق(انتبهي لاتكون مجمده-طلعيه قبل بفتره يذوب الثلج)وقلبيه لين تحمّر مع الجوانب.



اخلطي طماطم مع معجون طماطم بالخلاط ثم حطيه بقدر على النار واضيفي عليه ماجي وبهارات خليه يطبخ لين ينضج تقريباً.
خوذي من الطماطم اللي طبختيه مقدار مغرفتين واضيفيهم إلى النقانق واتركيه يطبخ 10 دقائق..ثم قدميه مع الخبز..



جدا جدا روووعه




.. كاري الدجاج ..

المقادير:<<<الكميه هنا شويه لو تبين ضاعفي الكميه

صدر دجاج بدون جلد وعظم-م.ص بودرة كاري-ربع كأس حليب سائل-ملح.
2بصل أخضر-ملعقة صغيره زنجبيل مبشور-2 فص ثوم مهروس-ربع كأس كريمة خفق(أنا أستبدله بزبادي)-ربع كأس ماء-
م.ك زبده-نص م.ص بودرة كاري-نص م.ص كزبره مطحونه-ربع م.ص كركم-ربع م.ص فلفل أحمر بودره-ربع م.ص فلفل أسود-ملح.
<<<البهارات منّوعه وكثيره وهذا الي يعطي طعم رائع..

الطريقه:

قطعي صدر الدجاج إلى مكعبات أو شرائح طوليه ثم تبليه بالحليب والكاري والملح واتركيه تقريباً ساعه بالثلاجه.
في مقلاة رشيه بشوي زيت زيتون صفي قطع الدجاج من التتبيله اللي حطيناه فيه ثم صفيهم بالمقلاة ورشيه شوي فلفل أسود وملح وخليه يتحمر مع كلا الجانبين.



في مقلاة ثانيه ذوبي الزبده ثم أضيفي عليه الزنجبيل والثوم المهروس وقلبيهن شوي ثم قطعي البصل الأخضر واضيفيه عليه.



بعد مايذبل البصل حطي ربع كأس ماء مع معجون الطاطم وباقي البهارات الي هي(نص م.ص كزبره مطحونه-ربع م.ص كركم-ربع م.ص فلفل أحمر بودره-ربع م.ص فلفل أسود-ملح)ثم قلبيهم مع بعض.
اضيفي الدجاج اللي حمرتيه للبصل واللي معه ثم أضيفي عليه ربع كأس كريمة خفق(أنا أحط بداله ثلاث أرباع علبة زبادي:rolleyesواتركيه يطبخ لين يكون السائل كثيف..



ثم قدميه مع الخبز أو الأرز الأبيض وبالعااااااافيه...





.. برغر البطاطس ..

روووعه هالوصفه وخفيفه.

المقادير:

خمس حبات بطاطس-بقسماط-بيض-ملح-فلفل أسود-زيت زيتون.
برغر بدون بقسماط-بقدونس-طماطم-جبن.
مايونيز وكاتشاب.

الطريقه:

أول شي اسلقي البطاطس حتى ينضج ثم قشريه واهرسيه هرس ناااااعم جداً(انتبهي لايكون فيه كتل أو قطع صغيره)...
اخلطي مع البطاطس المهروس ملح وفلفل أسود وبيضه وحده وبقسماط(اضيفيه حتى تحسين إنك تقدرين تشكلين الخليط)...
شكلّي البطاطس على هيئة أقراص مثل البرغر وصفيهن بصينيه مدهونه زيت زيتون علشان ماتلصق بالصينيه..
حمّي مقلاة أو الصاج وادهنيه زيت زيتون ثم حطي أقراص البطاطس..



اذا تحمرت الجهة السفليه اقلبيهن لتحمير الجهة الأخرى
نجي الحين للحشوه(الحشوه اختياري ممكن تحطين دجاج مسلوق أو تونه او لحم مفروم بس أنا وأمي خنبقنا شي جديد ألا وهو البرغررر)
نعم إنه البرغر المجمّد...أفضل نوعيه عندي هيDoxs اللي بدون بقسماط جدااا لذيذه..
اشوي البرغر بالفرن أو عالصاج ثم قطعيه مكعبات صغيره وافرمي البقدونس..وقطعي الطماطم إلى مكعبّات واخلطي الجميع مع جبن(ملعقة كبيره مليانه تكفي)...



بعد ماخلصنا أقراص البطاطس..ناخذ قرص وندهنه بالمايونيز والكاتشاب ثم نضع عليه من الحشوه اللي خلطناها..



ثم نغطي الحشوه بقرص آخر من البطاطس..وندهنه مره ثانيه بمايونيز وكاتشاب ونزينه ببقدونس مفروم..



ثم قدميه وبالعافيه...





برضو برررب..

[/frame]

[frame="5 98"]

عدنا والعود أحمد

.. يخنة السبانخ ..

المقادير:

بصل-ثوم-حمص معلبه-طماطم-معجون طماطم-قطع دجاج صغيره-سبانخ-ماء مغلي-زيت زيتون-ماجي-ملح-بهارات-فلفل أسود.

الطريقه:

قطعي البصل وافرمي الثوم وشوحيهن بزيت زيتون شوي ثم اضيفي عليهن قطع الدجاج وبهارت وملح وفلفل أسود وربع ماجي..وقلبيه 5 دقايق..



خوذي نص علبة الحمص واغسليه وصفيه من الماء ثم أضيفيه على الدجاج والبصل وقلبيه معهن...
اخلطي طماطم مع معجون طماطم بالخلاط ثم حطيه بقدر على النار واضيفي عليه ماجي وبهارات خليه يطبخ لين ينضج(نفس صلصة النقانق)



اضيفي من الصلصة بعد ماتنضج (مغرفتين-ثلاث تقريبا)ثم اضيفي ماء مغلي إلى نصف القدر تقريباً..



اغسلي السبانخ وقطعيه قطع كبيره(مو تفرمينه)ثم اضيفيه على القدر...



واذا بدأ يغلي غطي القدر وخليه على نار هادئه نص ساعه ثم قدميه وبالعافيه...تنوكل بالملعقة او مع صامولي محمص أو خبز..



.. يخنة اللحم ..

المقادير:
قطع لحم متوسطة تميل للصغر بدون شحم-بصل-بطاطس-جزر-بازلاء مجمده-حمّص معلّب-كأس طماطم مطحون-معجون طماطم-فلفل أسود-ماجي-فلفل أحمر بودره(اذا تحبيه)

الطريقة:

أول شي جيبي طحين واخلطي معه فلفل أسود وملح وغمسي فيه قطع اللحم...
بقدر على النار حطي شوي زيت زيتون وحطي قطع اللحم وخليهن لين يتحمّرن(سفع فقط)...



بعد ماتتحمر اللحمه أضيفي عليها بصل وبطاطس مقطّع مكعبات وجزر مقطّع حلقات...واضيفي البازلاء والحمص(بعد ماتغسلينهم)...ومعجون الطماطم(ملعقتين تقريباً)أو حسب درجة الحموضه تبين...قلبيهم جميعاً شوي على النار...



ذوبي مكعّب ماجي في كاسين ماء مغلي واضيفيه للقدر...اطحني طماطم واضيفيه على القدر واضيفي الفلفل الأسود والملح والفلفل الأحمر...
اتركيه حتى يغلي ثم طبقيه وخليه على نار هااااااااااادئه ساعه ونص...



بعد ماينضج قدميه مع الخبز أو الرز الأبيض وبالعافيه...




لا أحد يرد...

[/frame]

.. تشيز كيك غير ..

يمي يمي يمي هالتشيز وماياخذ ولا نص ساعه تصليحه...
<<<المفروض نسميه زبادي كيك...لأن مافيه تشيز أصلا..

المقادير:

باكيت بسكوت هلال-اصبع زبده(100غرام)-علبة زبادي-4ونص فنجان قهوه حليب بودره-2ونص فنجان قهوه سكر(استخدمي فنجان كبير مو الصغير)
للتزيين:على راحتك(جالكسي ساده مبشور-قرفه-نسكويك-توفي...إلخ)بس انتبهي تحطين من البلوبري واخوانه بيخرب عليك التشيز كيك...

الطريقه:

الكميه لصينية التشيز كيك الصغيره..لايغرّكم التصوير تراه صغيره الصينية...
اطحني البسكوت ناعم وذوبي اصبع الزبده بالميكرويف أو عالنار(بس انتبهي لايحرق)ثم اضيفيه على البسكوت واخلطيه معه...

رصي البسكوت بقاع صينية التشيز كيك رصاً جيداً.....
اخلطي الزبادي والحليب والسكر بخلاّط حق العصير لين يمتزجوا زييين...ثم صبيه على البسكوت ودخليه الفرن من أعلى وخليه على آخر درجه عشان يجمد ومايتحمر(يمكن ياخذ 10-15دقيقه)...بعد ماتجمد طبقة الزبادي خليه جوا الفرن زيادة 10دقايق(عشان يتماسك أكثر) ثم طلعيه وخليه يبرد ثم عالثلاجه...

التزيين أنتِ حرّه فيه بوريكم كم تزيين ممكن تسوينه...
هنا بشرت جالكسي ساده وشوكولاته خام وطلع رووعه..

صوره أخرى..

هنا رشيت عليه نسكويك وزينته بحلاوة جلي على شكل توت ..وورق نعناع<<<يسطّل..

هنا سويته التشيز بعلبة القشطه...شكله بالتقديم جنااااان بس إنه كبيره لو تستخدمين علبة قشطه صغيره أفضل...

وهنا سويته ميني ورشيت بعضهم قرفه وبعضهم نسكويك<<<مطوله الأخت...الميني يجي 40 حبه..

ياليل التشيز..<<<من عشقي له قاعده أتفنن فيه كل ماسويته..القلوب عاملته بقوالب السيلكون...

هنا حطيت عليه جالكسي وكاكاو خام مبشورين ورشيته هيرشي...

بنات لازم لازم تجربونه كل من ذاقه أخذ طريقته...

.. حلى موراساكي..

المقادير:

بسكوت سمسم-بسكوت أوريو-حليب سائل
ربع نستلة كبير-فنجان قهوه سكر-فنجان قهوة حليب بودره-حليب سائل عند الحاجه.
علبة قشطة-ظرف كريم كراميل-ظرف دريم ويب-جالكسي ساده.

الطريقة:

أول شي وزعي ورق البليسيه بصينية الكوب كيك عشان ماينفرش الحلى ويخرب عليك
اغمسي حليب السمسم بالحليب وحطيه في ورق البليسيه .
اخلطي بالخلاط ربع نستلة كبير + فنجان قهوة سكر+فنجان قهوة حليب بودره(اذا طلعت ثقيله شوي زيدي حليب سائل شوي لاتكون سائله بالحيل:rolleyes
ثم صبي الخليط على بسكوت السمسم ودخليه الفرن من فوق شوي بس حتى تتماسك الخلطه...

بعد ماتطلعيه من الفرن خوذي بسكوت الاوريو وفكيه(يعني الوحده تكون ثنتين)وحطي على الخلطه السابقه..
اخلطي بالخلاط نص علبة قشطة+ظرف دريم ويب+ظرف كريم كراميل..وصبيه على الأوريو..ودخليه الثلاجه لين تجمد وتتماسك(خطوة ضروريه ومهمه)..

ذوبي جالكسي ساده واخلطيه مع باقي القشطه وصبيه على شكل خطوط أو أي شكل تبينه على الطبقة الصفراء ودخليه الثلاجه يبرد شوي..

بعد مايبرد قدميه وبالعافيه...لذيذ يابنات لازم تجربونه..

أخاف تذبحونن لاقلت برررب...

[frame="5 98"]

.. عصير برتقال بنكهة التفاح والخوخ ..


المقادير:
تسع برتقالات-تفاحه واحده(حمراء)-خوخه واحده..(الكميه تكفي ثلاث كاسات تقريبا)

الطريقة:
اعصري البرتقال بعصارة البرتقال(انتبهي مو بخلاط العصير)لأننا نبي العصير فقط بدون اللب.
قطعي التفاحه والخوخه وحطيهن مع عصير البرتقال اللي عصرناه بخلاط العصير وخليهن يخلطن لييييين يقولون أرحمينا(عشان مايكون فيه قطع)
وقدميه وهو بارد ومع مكعبات ثلج يطلع آخخخخ ....وبالعافيه..









وبكذا أكون خلصت موضوعي ولله الحمد...إن أصبت فمن الله وإن أخطأت فمن نفسي والشيطان...وكله من فضل ربي

وأتمنى مايكون موضوعي الأخير وأشوفكم في مواضيع أوووخرى وأجمل

سبحانك اللهم وبحمدك أشهد أن لا إله إلا أنت أستغفرك وأتوب إليك...

في حفظ الباري..






وباعاافيه

[/frame]

تسلمين ماقصرتي ويعطيك ألف عافية حبيبتي

طرح منوع ولذيييييييذ
تسلمين للطرح الشهي
كل الشكر لك ,,

:

يعافيك ربي
مشكوره الف شكر ع الأطباق الأكثر من رائعه
لاعدمناك اختي

:

قواك ربي وعافاك الرحمن
ماقصرتي غناتي
ياعساك للعافيى

تسلمي يالغلا مها

ع الاطباق الشهيه ويعطيكِ العافيه

تحياتي

تسلموون علي الردود يالغلا

روعـة روعـة روعـة
شنو هذا شي جميل وموضوع اكثر من رآئع بالفعل
كل الشكر لك مجهود مميز
ومنوعات حبيتهم كثيير
وآكثر شي عجبني التشيز كيك جد غييير

حبيته كثيير وحبيت افكـآر التزيين تهببل

وعجبني بهذا الشكل



وبهذا الشكل بععد جمييل





لاعدمنـآك مهـآوي والله يعطيك الف الف عـآفية