يمر من السمْا : وجهك | أطير لك (هلا | شباك )!!

[ALIGN=CENTER][TABLE1="width:95%;background-color:black;"][CELL="filter:;"][ALIGN=center]

يالارض .. يالارض الورق
ياكذبة بيضا وغصت بالسواد
كفاية تهدرين العشب فينا ..
للسنين وللجراد .. ،،
أغيب ..
ويطل الحنين بخيمة عيوني ،،
اكابر ..
والدموع اوتاد ..
كان الحزن سجَّان ،،
وكانت هذي الارض اربعة جدران ..
" ولا ناحت بلاد ولا حمامة "
لا .. ولاهم يحزنون
كنت انا المطعون ،
تبكيه القصيدة والبكى موزون ،
لكن الشاعر بقى محزون !
وانا مثل ماكنت اغيب ...
اشوف اقدامنا ،
مثل توابيت تشيل اجسادنا ،
واجسادنا فوق الورق ..
تطفي وترسم بالرماد :
سفينة مكسورة الساري على عكازتين من الخليج ،
صدفة ، تناستها المواني والبلاد !
وانا تركتك يالسواد
تطوق ارقاب النجوم وتضحك الظلما ..
وتطيح من هذا السحاب الجرة المرَّة
بغير الما ..
ونمشي :
والطريق اعمي ،
ويشرب من طري اقدامنا .. ويضمى !
يالغايبين :
يالغارقين بحزننا
ردوا نخيل اصواتنا ..
ردوا ملامحنا علينا
يمكن اصدق ماتعلمنا نحبه :
فاتنا !
يالتايبين من الدفا :
ومن وصايا العشق بين العاشقين ..
لاتكسرون الناي والراعي حزين ،،
ردوا عليه وسادته ،
والعَبْرة اللي كانت بصدره سنين ..
اسراره اللي دسَّها بالناي ،
بعيونه تبين !
واصيح :
يالارض الورق ،،
اصيح ...
اصيح .......
احاول اسمع ماتقول الريح ،
اصيح .............
وكنت اركض ،
وكان الدرب قدامي يطيح !!
مثل الطواحين القديمة كانت ايامي تعد الريح ..
في كل ليلة :
كنت اعد اللي رموني في حصى الفرقا ،
واودعهم ضريح ..
في كل ليلة :
كنت اداوي داخلي طفل جريح !
من علم السكين طعم صراخنا ؟
من علمه فينا ينام ويستريح ؟
من علم الشكوى جراح الشيح ؟
والمطفي يصير اقوى ؟
اصيح .....
لكني بلا جدوى ،،
تركتك يالمطر مثلي تبوح الما ..
تحاول – عاجزة – تدميك اصابع الشكوى ..
كانت مسامير البكا
بعيوننا تطوى ..
كانت بلا جدوى ..
لاحزن كان ولاعتاب
ولاطيور ترمي اسرار الليالي من ورى الابواب ..
مثل المواني كانت عيوني :
زحام وملح ..
كانت غياب ..
وملتقى اغراب ..
طفْل بلا ثياب ،
وصياد عجوز تبيعة الوحدة على الكوخ القديم ،
مسافرين ،
أحباب ،
شحَّاذ لئيم ،
مهاجرين ،
بياعة زهور ،
وعاطلين ،
بحَّار عظيم ،
حمَّالين ،
وفي اول ظلام :
انتي رجعتي يالمواني خالية ..
تركتي للبحر كل الكلام ،،
وانا رجعت اقرا بعيوني غربة مرت وظل الملح ،
ولا خف الزحام !!




.........................




وأقول : أهواك ..!
يمر مْن السما : وجهك / أطيرّ لك ( هلا / شبّاك) ..!
أرّتبني /
هنا : فيك
و
هنا: ويّاك ..!
أقول إن المطر : فكرة / إنه تحَت / وأرقاك ..!
ياكثرك / ياضيق الورق بجْـفاك ..!
تصّدق عاد ؟!
إنت من قلت البحر : طيّب
جمعت ضلوعي لك : أسماك ..!
تصّدق عاد ؟!
أنت من قلت العُـمر : حلوى
حلفت إلاّ أعيش : أشهاك ..!
وأقول : أهواك ..!
و
أجـّمعـني للمرايا : وجه
لـ أطراف الوجع : أشواك ..!
وأعيش: أهواك ..



منتقآه لرضآ ذآئقتكم العذبه ..

[/ALIGN][/CELL][/TABLE1][/ALIGN]

على النية
لكلماتكِ طابع مميز وجميل
وللآبداع حدود وانتِ قد تجآوزتي تلك الحـدود
بجمآل حروفكِ المآسيـه
امتعتنآ تلك الكلمآت واسرتنآ واخذتنآ الى عالمكِ
عآلم لآيعرفه الا المبدعون
لآاجد مآقوله من الكلمآت لآاعطيكِ مآتستحقين
فقط ~ سأمر صامتةً
فلا مجال للكلام أمام عظمة حروفكِ
تقبلي بساطة احرفي في صفحتكِ الشامخه

شجوون

احسنت يامبدعه جميل ماخطت لنا اناملك

راقيه انت بمعنى الكلمه

على النيه يامرهفة القلب تقبلي مروري

على النية

لوحه رائعه واسلوووب ابداااعي رآآآقي ..


..


اتمنى من القلب لكي دوام السعاده والهناااء

يسلموو

آنتقاء رائع

سلمت الذائقه المميزهـ

أنتقاء رااائع وجميل ومميز كالعاده

كل الشكر لج ويعطيج العافيه

شكرا لك على الذوق والنقل المميز
عساك للقوه والعفية على النيه اخترتي ووفقتي
دمتي سعيده

ولـ بعثرة الحرف هنــآ جمــــــال يصفق له الآلووووووووف
على آلنيه !
أحســـــــــــآسكِ عميق وذائقتكِ مترفه

على النيه ..
المبدعـه ..
انتقـاء جميل كَ جمالك ..
..
بنتظـار جديدك ...

سلمت يمينك
على هالنقله ويعيش كاتبها

حضورك دائماً يفوق الوصف
تكتبين بااحساس الشاعرهـ
فتلامسين دواخلنا بما تقدمين
سلمت اياديك ي ذوق
ودمتي باالف خير

شجون
ينبثق الضوء من ْ هذآ الحضور الجميل
والذي فاح عطر شذاه بمتصفحي ..
شكراً عميقه ...

رواء الروح
شكرا لكِ فحضورك يضفي
على المكان جمالا وروعه ..
دمتِ بسعاده يانقيه ,

وهج الشمري
اهلا بهذا الضياء
وشكرا لنور حضورك
عطرتِ صفحتي
دمت بود ..

فايز شمر
انرت متصفحي
شاكرة لك هذا التواجد الرائع