[align=center]
بسم الله الرحمن الرحيم
الــسـلام عليكمـ ورحمـة الله وبركاتــه
عندما يصرخ الشاب ...
أبغي أتزوج ...
بيكون أول واحد بيرد عليه المهر طبعا ...
بيقوله بهدوء وخبث ..
هع هع هع ... كم عندك حبيبي ؟؟؟
عندك 100.000 ؟؟؟
لا ؟؟؟
طيب رح عند محل الدجاج اللي في آخر الشارع واشتريلك دجاجه تعشى عليها ...
وبيكمل المهر طريقه وهو يضحك أكيد ... ها ها ها
بعدها بتسمع صوت شي يخلخل ...
منهو ؟؟؟
الذهب والألماس والصيغة ...
طبعا معروف شو بيقولون ...
انت اهبل ؟؟؟
وش تتزوج وماتتزوج ؟؟؟
معاك تاخذلها أفضل وأحسن أنواع الذهب؟؟؟
ما في ؟؟؟
يالله زحلق من هنا...
ورح بيع ميرندا وفصفص في الكورنيش ابرك لك ...
وبيكمل صوت الخلخلة لين بعيد ...
دقيقة بتجلس بروحك ...
تفكر ... تتحسر ...
بس وين ...
خيبة ...
وش هذا الي جاي من بعيد ؟؟؟
طوفان ؟؟؟
لا لا ...
هذا أهــو قرب ...
منو؟؟
Chanel
Christian Dior
Yeve San Loran
لا حووووووول ...
وش جاب هالماركات هالوقت ...
وش تبي ؟؟؟
انت الي وش تبي بالزواج دام ما عندك تشترينا ؟؟؟
رح خذلك وزار من خياط أكبر خان ... ها ها ها
زادت الحسرة هنا ...
قهر ...
قهر ...
وش بسوي ...
ابغي أتزوج ...
وش ؟؟؟؟؟؟
تزوج ؟؟؟؟
مــن؟؟؟
انت ؟؟؟
كيف بتزوج وانت ما عندك كم مليون تشتري بيت ؟؟؟
أو كم مية ألف تستأجر على الأقل ؟؟؟
يلا من هنــا ...
روح خذلك خيمة استر نفسك فيها الأول ... ها ها ها
ومن البيت ... للسيارة ... للفندق ... والحفلة والهدايا والزهاب والـ ... والـ ... والـ ...
وهنا بيظهر لك المنقذ ...
أقوى من سوبر مان ...
أسرع من بات مان ...
اذكى من خان مان ...
انه البطل المرعب ...
انه قاهر المشاكل ...
انه مفتاح السعادة ...
انه ...
البنك ...
وبصوته الحنون الدافئ يغرد قائلا
وش تبي ...
سيارة ؟؟؟؟
خذ ثلاثة ...
بيت ؟؟؟
على 25 سنة اقساط مريحة الحبيب ...
حفلة العرس والمهر ؟؟؟
أفااااا ...
ما عليك إلا بالقرض الشخصي ...
طيب والجهاز والذهب ؟؟؟
لا لا لا
عندنا الحل أكيد ..
خذلك ثلاث أربع بطاقات Visa ...
أو أقلك ...
خذلك درزن ترى مسوين خصم ...
وشهر العسل ؟؟؟
الله يسامحك ...
تمويل السفر جاهز عيوني
ولا تدفع شي من هنا لين كم شهر ...
والمطلوب مني ...
ما في مطلوب طبعا ..
انت بس وقع توقيع صغييييييييير هنا ...
والباقي علينا ...
وطبعا الحبيب بيوقع ...
أصلا اللي في حالته بيبصم برجووله بعد ...
يا سلام ...
والله هالبنك هذا ممتاز موخلني أحتاج شي ...
الأشهر الأولى ... عسل بعسل ...
أحلى حفلة وأكشخ سيارة وسفرة العمر لباريس ...
انسى الكاش دوم البطاقات موجودة ...
لو ذابت الأولى من كثر الشخط ...
ما عليك ...
فيه عشرة غيرها ...
بس لين متى ؟؟؟؟
انتهت فترة التربص ...
وحانت الحظة انه البطل الصنديد يكشر عن انيابه ...
وبيتحول من سوبر مان للديناصور السود ...
طبعا الحبيب ما قصر مع القروض والبطاقات ...
كل قرض بيقص من راتبه قطعة ...
والباقي طبعا فوائد البطاقات الائتمانية ...
الحبيب محسبها بلاش ...
ومن قرض لقرض لقرض ...
بيكتشف الحبيب انه ناقص عليه ...
يعني مطالب ...
وفي الحالة هذي عنده حلين ...
اما يبيع السيارة ...
أو يدخل السجن ...
ماهيب مشكلة ...
التكاسي نعمة ...
والشهر اللي بعده نفس الشي ...
بيع الذهب ...
وبعدين بتحصل اعلان في الوسيط عن بيع اثاث مستعمل ...
وملابس ...
وبيت ...
وفي الآخر ممكن يبيع نفسه ...
طبعا ما حد بيدفع فيه ريـــال ...
هنا نرجع لخيار الحلين ...
مع تغيير بسيط طبعا ...
إما انه يدخل السجن
أو يغطي القرض من بقرض ثاني ...
من بنك ثاني ...
وقرض ثالث من بنك ثالث للقرض اللي قبل الثاني .. و و و و
طبعا نهابة الحبيب معروفة ...
إما في السجن ...
أو في مستشفى المجانين ...
أو على طاولة المشرحة ...
بعد ما انفجرت شرايين الحبيب من الضغط والسكري والأمراض اللي ما تنعد ...
وبيقولون ...
الله يرحمه ...
كان طول عمره شغال للبنك ...
وببلاش ...
والسموحة يالغاليين على الإطالة ...
بس كنت ابي اطلع حرتي ...
دمــــــــتـــــــم . . . بــــــــــــــود
تـــــــــأّيــقر
[/align]
العرض العادي
