{{ ديوان الشاعر نايف سند الميموني}}

[align=center][table1="width:95%;background-color:black;"][cell="filter:;"][align=center]

الشاعر \\ نايف سند الميموني

شاعر رااائع الحرف والكلمه
يمتلك جمال اللفظ والمعنى ..
شاعر ستتعرفون ع شاعريته ..
من خلال قصائده ..

[/align][/cell][/table1][/align]

سراب الطيف



http://www.b3b7.com/vb/showthread.php?t=79966




[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]





خطيت ماقلته علـى البـوك بيـديّ=
وكثره مية مره على القلب مكتـوب
ترجع بي الافكـار خطـوه لماضـيّ=
ويسلك بي الهوجاس يمـات ودروب
انـا وروحـي بيـن آمـر وناهـيّ=
وانا وهمي بيـن غالـب ومغلـوب
اطرد سراب الطيف والطيف مقفـيّ=
جفت شفاهي من حما كـل لاهـوب
كني غريق المـي واصـارع المـيّ=
والا ضرير وعني النـور محجـوب
ولاعاون انفاسي على وقتي السـيّ=
الابقايـا مـا ورثتـه مـن ايـوب
ياصاحبي صبري عليك اوقد الضـيّ=
بين الحنا العوج والعقـل مسلـوب
ارد على الجمه من الشوق مضمـيّ=
واعود مابل الحشا منـك مشـروب
قديت لك جـرح لـه سنيـن دامـيّ=
بيرق شقا هجرك على القلب منصوب
ماعاد لي حيله ولا في يـدي شـيّ=
لبست ماضي حبنـا لبسـة الثـوب
اجل مـادام الحـي مايرحـم الحـيّ=
خلوني اقضي تالي العمـر منكـوب
اصارع الذكرى علـى سكـة الغـيّ=
وتحدني نفسي على الذنـب واتـوب

[/poem]

درب الخطر


http://www.b3b7.com/vb/showthread.php?t=78716





[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]



اسج رجلي على درب الخطـر سجـي=
لو ان بعض الدروب يضيق ممشاهـا
اساير دروبهـا مـع بحرهـا اللُجـي=
وسبع البحور ان تلاطم موجها انصاها
ماتثنـي عزومـي الاميـال والفجـي=
عـال المراقـيـب والله لا تعـلاهـا
كله على شان من فج النحـر فجـي=
بخنجر(ن) ماتونّـى مـن عطاناهـا
خنجر سهوم العيون الناعسه خحـي=
صميم قلبـي وعينـي سبلـت ماهـا
واقفت وعج الغبن في داخلـي عجـي=
ماغير اهوجـس بطاريهـا وحلياهـا
ولاحل طاري غلاها اغيـب واهجـي=
وانصى فجوج الخلا لجل اني انساهـا
واهمي اللـي تزاحـم كنـه العجـي=
غربية دمت اقصاهـا علـى ادناهـا
والا كما غيمة(ن) فيها الرعـد لجـي=
صيفية(ن) ترهب عيـون(ن) تحلاهـا
والراس من فيض هم القلـب توجـي=
تـاج الهمـوم الله الرحمـن يجلاهـا
ويالله تغفر ذنوب اللي نوى الحجـي=
وتجلى سهر عينه اللي طال وعماهـا
[/poem]

مرثية ( مرحوم ياللي فوق الاكتاف زمي)

http://www.b3b7.com/vb/showthread.php?t=78192

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]

يالله يامنـزل تبـارك والاعــراف=
ياخالق اوتـاد علـى الارض شمـي
انت الرجى والمرتجى وانـت رواف=
ابـدا بذكـرك يالـهـي واسـمـي
عمر الفتى لو طـال قافيـه قصـاف=
لابـد يــوم للمقـابـر يضـمـي
الله اكبـر يـوم افكـر فـالاسـلاف=
كم واحد مـن فوقـه القبـر دمـي
والله من قلـب مـن الهـم منـلاف=
نفيـض هـم داخـلـي مدلهـمـي
قبل امس مفجوع على موت نـواف=
واليوم مفجوع علـى مـوت عمـي
بقعاء تلوع القلب والوقـت سيـاف=
اجحف علـي الوقـت وازداد همـي
ودموع عيني فوق الاوجان خـذاف=
محاجر عيوني مـن الدمـع جمـي
ابكي على اللي للصعيبـات عسـاف=
مطر على اسمه وابل الخيـر سمـي
صوام ومصلـي وبالبيـت مطـاف=
لم الكـرم والديـن والعـرف لمـي
واعمي اللي له على العـز ميقـاف=
ريفـن لربعـه فـي نهـار مغمـي
اليوم اشوفه بالنعش فوق الاكتـاف=
مرحوم ياللي فوق الاكتـاف زمـي
ارجو عساله يوم الاريـاق نشـاف=
روح وريحانـن وريــح يشـمـي
يالله يانـور السمـوات الاطــواف=
اجبر مصـاب ابـوي بأجـر يتمـي
واحسن عزاء عياله وربعه والاعراف=
والله عسى الرحمه لروحـه تعمـي
يالله عفوك يـوم تلتـف الاطـراف=
لحظة خروج الـروح لاجـف دمـي
اجعل لنا نور على الوجـه كشـاف=
شهـادة التوحيـد قولـي بفـمـي
والله عساني يوم الاقيـك مااخـاف=
آمن بقربك وايضـا ابـوي وامـي
وصلوا عدد ماطاف بالبيت طـواف=
علـى النبـي اعـدد بـر ويـمـي
[/poem]

مشاعر الشاعر تحده على البوح


http://www.b3b7.com/vb/showthread.php?t=77938


[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]




مشاعر الشاعر تحـده علـى البـوح=
لاصار صدره من صدى الهـم فـواح
لاحس قلبـه فـي محانيـه مجـروح=
اظهر مشاعر خافقه شعـر وصيـاح
وانا لو ابدي ضيقـة القلـب مسمـوح=
دام الليالـي بيحـت كــل مــاراح
بسبابها كنـي علـى الكبـد مرمـوح=
والقلب كنه مـن عنـا البعـد ملـواح
امسيت اجر الصوت والصوت مبحوح=
ودموع عيني فـوق الاوجـان طفـاح
اهتاض من صوت الحمامه على الدوح=
واجاوب الورقى على الغصـن بنيـاح
والنوم عن عيني لـه ايـام مصفـوح=
امن العشاء لين انبثق نـور الاصبـاح
يلوفنـي لاطـرف اللـيـل لافــوح=
واحزان قلبي بيـن الاضـلاع تنـداح
ماغير اخيل الزين مع كـل سـاروح=
واهيم فـي حبـه مسـاري ومسـراح
توي صغير وراحت افراحي (اتروح )=
يالايمـي جالـي زمانيـن ســواح
مال للجفـا داعـي ولافيـه مصلـوح=
ياناكر العشره تـرى الوقـت جمـاح
صحيح مايكتب علـى العبـد فاللـوح=
يجيه لـو انـه مـع النـاس مرتـاح
لكن اخاف ان البطـا يزهـق الـروح=
مثل (الدجيما) اللي لـه الحـب ذبـاح
كنت احسب ان الحب ضحكات ومزوح=
اثر الهوى لاهل الهوى شلف ورمـاح

[/poem]

مايقني الهزلات ياكود هلباج


http://www.b3b7.com/vb/showthread.php?t=77937

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]





عد المعاني جم . والموج لاهـاج=
يخلف مسارات السفـن ويغطاهـا
والبشر يجلى ظلمة الليـل بـولاج=
والليـل يدمـس نوفتـه ويغشاهـا
والارنب الخرساء تسوهج تسوهاج=
والبوم فالظلمـاء يـدوي وحاهـا
وراع الردا يبقى على طول منعاج=
والطيب لاهل الطيب يبقى معاهـا
والمرجله قمة جبل دونـه سيـاج=
والطيبه تصعب على مـن بغاهـا
ياكود رجلٍ توج الـراس بالتـاج=
وارقب على شم الجبـال ورقاهـا
ياقوم ياللي صيتكم يلعـج إلعـاج=
لاجاتنا العوجـا نعـدل اخطاهـا
لكن ترى كثر الخطا ماله عـلاج=
والناقصه ترجع على من حكاهـا
قلته وانا صدري من الغبن وهـاج=
بعض الحكي ضيق عليّه فضاهـا
لو جات من غيرك لها الف مخراج=
لكن مثل شرواك صعـبٍ دواهـا
سندت لك ذودٍ كما صافـي العـاج=
تقاطـرت يمـك يشـوق سناهـا
ورديتهـا ذودٍ مجاهيـم ونـعـاج=
تيبس مراطيـب الكبـود بغثاهـا
مايقني الهـزلات ياكـود هلبـاج=
وحنا لنا الجزلات نتعـب علاهـا
انا رقيت اعن الوطأ فوق الابراج=
وانته على الرقه تحسب حصاهـا
لي في نواد العز ديـدن ومنهـاج=
واشوم عن نـاسٍ تدنـس لحاهـا
ياللي على الهزلات سواج مـواج=
يمشي على الهزله ويركض وراها
الاوله خذها كما الصـوط كربـاج=
والثانية يشويـك حامـي لظاهـا
وشهودها حييـن راجـي وفـراج=
شامت ردا يبط الزمـن مامحاهـا
وصلوا عدد ماطاف بالبيت حجاج=
على النبـي اعـداد فـج وطاهـا

[/poem]

عرش رمسيس



http://www.b3b7.com/vb/showthread.php?t=80321

[poem=font=",6,purple,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]



في مبتـداي اعـوذ بالله مـن ابليـس=
والاعـب حـروفٍ عليهـا تريسـت
لبستهـا مـن صافـي الـدر تلبيـس=
لاني على صدق المشاعـر تأسسـت
للي نشـد عـن حالتـي والهواجيـس=
شفني على شانك لبعضـي تهامسـت
تنتابني ذكـرى السنيـن المراميـس=
ولمقتبـل باقـي سنينـي تحمـسـت
وفي حاظر ايامـي نفـاه ودواعيـس=
تقسمـت ساعـات يومـي ولاايسـت
ساعات احس اني على عرش رمسيس=
امن الفرح كني للاحـزان مااونسـت
وساعات تلفحنـي هبـوب النسانيـس=
وساعات احس اني من الضيق هلوست
بيني وبين الدمعـه ارماشـت العيـس=
لكن مع البسمه عن الدمـع هجرسـت
ومع كل هذا في نقاء صـرح بلقيـس=
قلبـي ولعيـوب المـلا ماتجسسـت
هذا وانا ذخـر الرجـال الاشاويـس=
وعيبٍ عليّه فالوغـى لـو تقاعسـت
وجـدي وابويـة كاسبيـن النواميـس=
وميمون ربعي من فخرهـم تنومسـت
مأسسيـن المجـد والعـز تأسـيـس=
وانا علـى منهاجهـم مـن تأسسـت
هـذي حقيقـة مـاوراء الكوالـيـس=
وهذي الصراحه لاتقولـون وسوسـت
واخر مطاف الله علـى الكـل قديـس=
ألطـف بحالـي ياعـلـيٍّ تقـدسـت
[/poem]

صدري كتاب

http://www.b3b7.com/vb/showthread.php?t=83863



[poem=font=",6,darkred,normal,normal" bkcolor="transparent" bkimage="http://www.b3b7.com/vb/mwaextraedit2/backgrounds/11.gif" border="double,6,firebrick" type=1 line=0 align=center use=ex num="0,black""]





اليوم صدري كتاب وهمـي فصولـه=
وفي كل فصلٍ لهمي فيـه تفصيلـي
فصل قديمٍ عليـه الـروح مجبولـه=
وفصلٍ له ايـام يكربنـي ويرخيلـي
واعظمهن اللي عليّه مسرج خيولـه=
هم صطا بالضماير وانهـدم حيلـي
ما رمت شي بوقتي مااقـدر انلولـه=
ولا نلت من دنيتي غيـر البهاذيلـي
ضاق الفضاء يافهد من عرضه لطوله=
كني لحالي ولا أحد عاش في جيلـي
اشوفني وسـط دار غيـر مأهولـه=
بساطهـا شـوك العلقـم مواكيـلـي
والحب سـر البـلا واعيـد واقولـه=
يابوحمـود سحرتنـي بالمظاليـلـي
الجادل اللي عن اللي صار مسؤلـه=
بسبابهـا اليـوم مليـت التعاليـلـي
والعين عن حلو نوم الليـل مذهولـه=
والروح حزنه وجسمي فيـه تنميلـي
هذي نهاية غـلاي وهـذي فعولـه=
إلحق عليّه اشوف المـوت يزميلـي
ورح انشد الزين طول الهجر وشهوله=
وعطني عن اسباب هجره منه تاويلي
[/poem]