خوذي كفن حبي على الارض مديه//// وأقري عليه الفاتحة واعذريني

09-30-2010, 05:49 AM

[poem=font="mudir mt,6,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
يكفي عتاب القلب يكفيه مافيه=لاتعاتبين القلب وتعاتبيني
يكفي قتلتي الحب فيني قتلتيه=خايف يجي يومٍ علي تقتليني
في خنجر التعبير لاصار خنتيه=في خنجرك بين الضلوع اطعنيني
خوذي كفن حبي على الارض مديه=وأقري عليه الفاتحة واعذريني
ياويل من مثلي شكى جور غاليه=وياويل منهو بحب خلّه سجيني
وياويل من سود الليالي توريه=ماشافته من شين فرقاك عيني
على الورق كذبتي اللي قريتيه=ياحيف ماظنيتك تكذبيني
وكل ماكتبت بدم قلبي نفيتيه=عندي ثقه بنفسي ولا تواخذيني
لا لو ملكتي القلب احساسي ابغيه=عندي كرامة لا بها تساوميني
حبل الوصل ياما على شانك ارخيه=وعلى الحجر ياظالمة تسحبيني
أبكي جروح القلب والقلب يبكيك=وأبكي على فرقاك باقي سنيني
نارٍ بقلبي واهجه من يطفيه=مالي جدى غير البكا والونيني
دورت وامرضت الدوى من يداويه=وانتي دواي عجزتي الطب فيني
ياحيف قلبي ماعرفتي تصونيه=الحب ماهو لعبةٍ ياضنيني
لاتذرفين الدمع من مـا سمعتيه=مادام قلبك من حجر مايليني
وليا نظرتي نزف جرحٍ جرحتيه=للموت ينزف لين متعالجيني
وزرعك بقلبي يعيش لو ماسقيتيه=وباكر من الهجران وش تحصديني[/poem]

09-30-2010, 06:09 AM

قصيده يعلوها الحزن وكستها
نار تأججت بين أضلعنا أيضاً
صافحت كلماتها فذرفت الدمع
تمعنت بأحاسيسها فغرقت أكثر
خلها بالقلب/
لاتجلب سوى المميز والذي يلامس الوجدان
صح لسانه
وتسلم يمينك من كل شر
دمت بخير لاينتهي