[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""]
الشعب لجل عيون غاليه سهران=مايهتني بالنوم من شان غاليه
حزنه كبير وهمه اشكال والوان=لجل المليك اللي نحبه ونغليه
اللي غلاه بداخل القلب سكّان=الشامخ اللي كلنا نفتخر فيه
انسان لكن ماهو ايات انسان=اللي جميع الشعب بالروح يفديه
ابن الملوك اللي له الخير عنوان=زعيمنا ياجعل ربي يخليه
جعل المرض مايقربه طول الازمان=وجعل الولي لامن قسى الوقت يحميه
عبدالله اللي تفتخر فيه الاوطان=عون الضعيف اللي همومه تباريه
ابو اليتامى اللي على الطيب شفقان=مزبان من عيا زمانه يسليه
وانا احمداللي للمخاليق سلطان=الواحد اللي كلنا دوم نرجيه
انه شفى مليكنا طير حوران=عبدالله اللي برج الامجاد بانيه
ويالله ياللي خالق الانس والجان=ان البلاوي دايم الدوم تخطيه
ياحي ياقيوم ياعالي الشان=تمد في عمره عمر لين ترضيه
وترده لشعب(ن)من الشوق ظميان=حتى الديار من اشتياقه تناديه
شعب(ن)بحبه صار بالحيل هيمان=والدارلامن غاب لو يوم تبكيه
[/poem]