عين الجمل من مطبخ ●šĥăđёи●

يسعد صباح الحلوات بكل خير ،،

انا من عشاق عين الجمل >>>> كل شي اعشقه
وما اهتم بسعره الغالي بس اهم شي اشتريه

وكثير تمر بيدي وصفات لهالحلى بس ما تضبط يا مره تكون قاسيه او طعم الزبده زااائد او ... او ... لكن ما تحطمت اغير وابدل لين جربت هالوصفه بالذات بعدها صار معتمده وبقووووه

والله كل من ذاقه ما يصدق اني مسويته وانتوا جربوا وراح تحكموا بانفسكم وصوره للحلى قبل ما ندخل على المقادير والطريقه




بالبدايه وقبل ما نجهز المقادير
نحط على النار الحليب المكثف المحلى انا عني اسويه بالكاتم واخليه ساعه تقريبا علشان يطلع لنا توفي وهذا صورته بالقدر





ويطلع معنا توفي بهالشكل






والان نبدا بمقادير عين الجمل :

كأس ونصف دقيق أبيض

كأس نشا ذره

كاس سكر بودره " انتبهوا لهالنقطه لازم يكون بودره مررره "

اصبعين ونصف زبده طريه بحراره الغرفه

فانليا

2 بيض

ورشه بسيييييطه باكنج بودر




نضع البيض بزبديه ونضع عليه الفانيليا ونخفقه بالمضرب السلك




ونضيف الزبده ونستمر بالخفق شويات بسيطه




ونضع السكر ونكمل تحريك






الان شمري عن ساعدك وحطي الدقيق والنشا ورشه البكنج بودر ونعجن لين تصبح عجينه متماسكه مثل عجينه المعمول والغربيه بالضبط





وهذا الشكل النهائي للعجين




ونعملها كرات صغيره مثل هالحجم



الان نسخن جهاز عين الجمل ونحط بكل فتحه كوره من العجينه ونكبسها لمده دقيقتين الى 3 و نشيلها برفق بطرف الشوكه واطراف العجين نقدر نتخلص منها بسهوووله لانها وقتها بتكون العجينه لينه







وهذا شكلها بعد ما استوت جميع الكورات




وهنا بعد ما حشيتها بالتوفي




وهذا شكلها النهائي





واتمنى تجربوها وتعجبكم

لكم مني كل الود ،،

صبآحك سكر وَ توفي ي آلغآليه






مشآءآلله تبآرك آلله
شكلها مغررري تسلم يدينك

آبدآعك هنا مشوق و طمعانين فالجايات بعون الله

في حفظ الباري

تستآهلين آلتقييييم

يمممم يمممممي
شكله جونآن
أحب هالحلى حيل بس مآقد جربت أسويه
دآيم أشتريه من وحده وأدمنت عليه

بس بآخذ طريقتك وبجرب
وعسى يضبط معي


تسلم ديآتك يَ غآليه
و تستآهلي أحلى تقييم

اقتباس المشاركة الأصلية كتبت بواسطة شَـفَـقْ صبآحك سكر وَ توفي ي آلغآليه مشآءآلله تبآرك آلله شكلها مغررري تسلم يدينك آبدآعك هنا مشوق و طمعانين فالجايات بعون الله في حفظ الباري تستآهلين آلتقييييم

الله يسلمك با قموره

لاهنتي على مرورك الحلو

مشآء آلله عليك يآعسل وآلله شكله حلو ومرتب

بس طريقتك بحليب آلنستلة جديدة آنآ آستعمل

آلتوفي آللي يجي بعلبة جآهز وهذه صورته




بس بجرب طريقتك سهلة وحلوة ومتوفر على طول

ربي يسلم آيدك يآمبدعة وتستآهلين آلتقييم

تبارك الله
طريقه روعه بس ما اشوفها عندنا بالكويت شكلي بسويها واطلع فيها
تسلم الايادي يالغاليه ويعطيك العافيه

ماشاء الله عليج خوووش ......

تسلم يمناج شدووون ويعطيج العافيه

ياعيني عليييييييييك
شكله جوناني تسلم يمينك حتاتي
الله يعطيك العافيه

اوما ذا الحلى شي صراحة وادمان عليه
عندنا وحدة من الجيران
ماشاء الله تضبطه وطعمه خيال نشتريه منها

بس ان شاء الله شادن اطبق طريقتك وانافسها بالسوق
واخلي اللي يذوقونه يدعون لك
تسلم الايادي والله يعطيك العافية

تسلم ايديك غاليتي
ويعطيك العافيه

رووووووووووووعه تسلم الايادي يالغاليه
ان شا الله اجربها

يمممممممممممممممممممممممم
لذييييييييييييييييييذ هالحلى واحبه حيل
وجاري تطبيقه باذن الله
وسلمت ايااديك ياغاليه
ودي

جونـــــآنُ
طريقهُ حلوهُ وخفيفــهُ
تسلم أيدينتس ياقمر

ماشاءالله عليك يالغلا
شكله روووعه .
تسلم يمينك ويعطيك العافيه .

اقتباس المشاركة الأصلية كتبت بواسطة عبـث طفلــه يمممم يمممممي شكله جونآن أحب هالحلى حيل بس مآقد جربت أسويه دآيم أشتريه من وحده وأدمنت عليه بس بآخذ طريقتك وبجرب وعسى يضبط معي تسلم ديآتك يَ غآليه و تستآهلي أحلى تقييم

حياك الله
جربيه وبيضبط وراح تستغني عن اللي تشتريه من عندها