راق لي كثيراً هذا النص المميز للحمامة الشامخة ميّ اللافي
نص لم أمل من قراءته حتى هذه اللحظة !
نصٌّ انا على يقين بأنه سيرقى إلى اذواقكم
و أنا كل ليل ,
أصحي هـ الشعر لجلك ولا يلقاك ,
ويستنّاك ,
واذا نغفى يطيح الحيل ,
انا محتاج لك بكتبْ
تعال إزعل .. تعال اغضبْ
واذا كذبك يجيب الشعر !
لا تكذبْ
أبيك اصدق من الشعر فــ مُخيّلتي
لاني ماكتبت فــ يوم من كذبه !
أبيك أصعب من اجابه لـ اسئلتي
انا متعوّد اشيائي تجي صعبه
انا مآخنت ,
انا من فوق خمس سنين جبت سنين
ابتناساك لو ما انساك
انا ماهزني للحين
اذا شفت بـ عيون الشامته : ( خلاّك ) !
لاني صنت
لكنّ الزمن ودّاك
وعرفت إن الحزن تافه
اذا هو مايجيبك ليّ ! ليه احزن !
حسافه عاذلي شافه
أبضحك لجل ابوي شوي
وعشان اميّ تقلل من محاتاها
هم اغلى شئّ
يسكن في دواخلنا ويعرفها ويقراها
واذا بذكرك بدعي لك : يشيل الله من قلبك محبّة جود
( عشان تعيش )
ويرزقك الهدوء اللي ورى التطنيش
ولا تعتب
ولا تغضب
ولكنّي بـ اظل اكتب :
( انا اللي ماقدرت اعيش )
و بغيت أشتاق !!
ونبهني التعب بدري : كفآيه إرهآق !
وفّكرت فـ حياتي معك ولا حسيت بأي فرحه
سوى جرحك نهار افراق
ثم قفيت أغنيّ :
وش تالي الوقت دام ان أوله عبره !
.......... بتزين ؟؟ مدري ولكن الامل فيني
وغسلت وجهي من ملامحك القديمه
وابتسمت
في وجيه اتحبّني قبل اعرفك
قبل اعرفك كانت نديمه
وجابك الطاري عليّ
وماحكيت
لو عيوني تسولفك للناظرين
لو يديني ترتجف
لو حشا صدري يضيق ويمتلي
أثبت ان قلبي خِليّ
وما ألتفت للناظرين
***
ودي
[/ALIGN]
[/CELL][/TABLE1][/ALIGN]
أحببتك حتى لمحوك في عيني
سمعوك في ضحكتي ، وشعروا بك في حديثي ! أحببتك حتى صار بعضك أغلبي
لله دركِ وصح لساااااان شاااااعرها
ويسلم قلب ناااااقلتها
كلمات جميلة عنوانها
الجمال ويتوسطها الإبداع ويختمها
الإمتاع تبقين متميزة في
حسن إنتقائكِ وجميل
ذائقتكِ كلمات حملت معاني
يجب التوقف عليها لما تتضمنه
من مكانة لمن نحب لا
يخفى على الجميع عذوبة ما تنتقينه
من حرف وفقكِ ربي للخير دائمآ
لكِ ودي وباقاااااات وردي
وخااااالص شكري
العضو الأكثر نشاطاً هذا اليوم 
العرض العادي
