حــي الــذي كـثـرت عـلـيـه الهناديب

السلام عليكم ورحمة الله وبركاته

هذا الله يسلمكم خالي شايب يمكن عمره في هاسبعين عنزي مطنوخ هههههههه

وفي الصيف اللي راح تخبرون الغبار اللي طبق علينا الزبده ان هالعود مل من الغبار هههههه


وقالي تعال وانا خالك اسمع هالبويتات يوم سمعته قلت وين يابعدي قل مدري بس ابهج عن هالغبار


عاد هذي قصيدته وردي عليه


ان شالله تعجبكم



[poem=font=",6,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] الـلـبــارحــة كـــثـــرت عـــلــــي الـهـناديــب=مـــن شـــن لـجــأ بالـكـبـد أونـــس حــــرارة
الله على اللـي تـو مـن مصنعـة جيـب=مــن مصنـعـة تعـجـبـك صـبـغـة حـمــارة
شـاريــة مـــن مــالــي مــاهــو للـمـعـازيـب=أقـــطـــم قـــفـــا مــاغــيــر بــــــدي وغـــمــــارة
أرص لــه رجـلــي مـــع الـخــط ويـجـيـب=يــــرجـــــع أمـــبـــيـــره مـــاتـــقــــوم الـــــحـــــرارة
ليا أقفى مع الصيهد كما قفاية الذيب=مــاتــمـــيـــزة بـــالـــخــــط لـــــــــــو لاغـــــبــــــارة
تسـمـع صـريــخ الـمــرو بـيــن الـدوالـيـب=صــريــخ مـخــبــاط(ن) تـطــايــر شـــــرارة
أبــركــبـــة وأنـــحــــر ديــــــــار الأجــانـــيـــب=أبـــعـــد عــــــن الـــديـــرة وأخـــلـــي غـــبــــارة
[/poem]

هذا ردي عليه


[poem=font=",6,blue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black""] حــي الــذي كـثـرت عـلـيـه الهـناديـب=اللـي عليـه مـن أقـشـر الـوقـت شــارة
الـلــي عـلــى كــبــدة تــثــور الـلـواهـيـب=يـاخــال مـابـالـوقـت طــيــب وشــطــارة
الــوقـــت شــيـــن وشـالـعـتـنـي كـوالــيــب=ياخال جتني من غثاء الوقت غارة
هـجــاد لـيــل وكـــل خـيـلـي معـاطـيـب=ياللي على جمس الحمـر يـوم أدارة
خذنـي مـعـك والطـيـب نقابـلـة طـيـب=خــذنـــي تـــــرى وقــتـــي تـبــيــن دمـــــارة
والــحـــمـــد لله مــاتــركــنــا الــمــواجــيـــب=الـطـيــب حــاضــر والـمـراجــل نــمـــارة
يـــاخـــال مـاتـنـفـعــك دار الأجــانــيـــب=الـــراي عــنــدي كــــان تــبــي الإشــــارة
إن طعتـنـي يـاخـال كــب المطالـيـب=وسـج الـقـدم مــن فــوق هــاك الـزبـارة
مـاغـيـر أنـــا ويـــاك والـثـالـث الــذيــب=حــــــرام لاســلــمــى ولاعـــيــــون ســـــــارة
تـسـوى وحـنـا عـنـد حــرش العراقـيـب=ليـا مـن شمـس عصيـر بيـن حَـمَـارة
والـــــــذود بـــــــان ولاتــبــيـــن عــــذاريــــب=وزهمـتـهـا بـالـصـوت والـصــوت أذارة
وجــتــنــا تـــزاحـــم والــبــكــار مـغــالــيــب=الـلـحـيــن يــاخــالــي خــذيــنــا الإمــــــارة
[/poem]

تسلم ويسلم خالك وصح لسانك

اللــه يخلـــي لكـ خاالـكـ ويطووول بعمــرة,

صــح لســأإأنكـ عالابيــأإأت خيووو
ولاهنــــت,,

’’تحيـــــأإأإتــــــي ^_^

اقتباس المشاركة الأصلية كتبت بواسطة اسير هواك تسلم ويسلم خالك وصح لسانك

يسلم راسك وصح بدنك اخوي تشرفت فيك وفي مرورك

اقتباس المشاركة الأصلية كتبت بواسطة مخاوية الليل اللــه يخلـــي لكـ خاالـكـ ويطووول بعمــرة, صــح لســأإأنكـ عالابيــأإأت خيووو ولاهنــــت,, ’’تحيـــــأإأإتــــــي ^_^

ويخليك يابعدي وصح بدنك اختي

منوره القصيده يالمزيونه

:

أينمآ حللت مبدع
فـ الجمآل و العذوبه عنوانها انت
هذا ما لاحظته من تنقلاتي بين صفحآتك
بذخ ُ لامتناهي حضر هنآ
سلمت

:
:

صح لسانك ولسانه
ابدعت بالرد
دمت سالما مبدعا

اقتباس المشاركة الأصلية كتبت بواسطة ضحكة الدنيا : أينمآ حللت مبدع فـ الجمآل و العذوبه عنوانها انت هذا ما لاحظته من تنقلاتي بين صفحآتك بذخ ُ لامتناهي حضر هنآ سلمت : :

سلم راسك يالاميره ومشكوره على مرورك الحلو

اقتباس المشاركة الأصلية كتبت بواسطة تشكيليے أبكيلكے صح لسانك ولسانه ابدعت بالرد دمت سالما مبدعا

صح بدنك يابعدي

شهاده اعتز فيها

يشرفني مرورك ويشرف قصيدي يالامير

صحت ألسنتكم كلكم انت وخالك .. والله يطول بعمره


هذا الشبل من هاكالاسد


ونعم والله بعنزه .. بني وايل


تقديري واعجابي

اقتباس المشاركة الأصلية كتبت بواسطة خالـد صحت ألسنتكم كلكم انت وخالك .. والله يطول بعمره هذا الشبل من هاكالاسد ونعم والله بعنزه .. بني وايل تقديري واعجابي

صح بدنك يالامير

مشكور على مرورك اللي شرفني وشرف قصيدي