يالله يارحمن ياعالم بما تخفي الصدور=مبداي بك..ياغافر الزلات للي زلها
يالله تلهمنا الهدا...عن كل ظلم وكل جور=والناس بأمرك ناس تهديها وناس اتظلها
ومن بعد ذكرك ياكريم..ويارحيم..ويا غفور=يامرحبا ترحيبتن بأهل اللحيسا كلها
من شاعرن يغيب..لكن باللوازم له حضور=وسائل الاعلام ترسله ولا يرسلها
همه رضا ربه فقط...والشعر احاسيس وشعور=لوكان همه ساحة الشعار كان احتلها
يامرحبا بأسم (الطواله) قلتها وانا فخور=ربعي هل الهدلا ترحب والكرم طبعلها
كلام( بن طوعان) يكفيهم بماضية العصور=طوالات.. مع طول الليالي ما تغير دلها
ويا مرحبا بشيوخ شمر والحضور بلا قصور=وكل الرجال الحاضرين انعزها وانجلها
والشيخ برغش في حضوره زاد نور الحفل نور=ينوب شيخ الشمل بمهمه وهو كفو لها
فيه الحميا دون شمر ياقف ودمه يفور=وشمر بمثله تفتخر...والطايله ياصلها
هو شيخنا واخوانه اهل الطيب وافين الشبور=وعيال فارس نعم يلقا الشبل من يفطلها
فيصل فرض نفسه هنا وافعاله اتحسم الامور=لن الشيوخ شيوخ صعبات العقود اتحلها
عسى الصباح بخير مع طول الليالي والدهور=الشجره اللي عايشن شعب الكويت بظلها
والقصر الاحمر قصر بالجهراء ومن حوله قصور=لكن قديم... وذكرياته كل عام يفلها
تاريخ..ما ينسى لو اختصروه في اربع سطور=والقصر لاسولف فضح كتب العرب وسجلها
لازال شامخ للحدث شاهد ولا يشهد بزور=قل للعرب ياقصر عن(ضاري)وشمر قلها
ضاري اخو صلفه ثنى دونك..وله موقف ودور=يوم المعارك والبنادق والسيوف وسلها
الفارس اللي لك فزع والمعركه عجه يثور=يومن به الجهراء شكتله والدموع اتهلها
وقف لها وقفة بطل..وفزع لها السبع الجسور=وفزعات (ضاري) غير..تثر بالعدا وتذلها
اليا أنتخا بصلفه وداس القوم والوضع مخطور=خاض المعارك والمهالك والمنايا اقبلها
مرحوم ياشيخٍ بناله مجد..والكل مخبور=طاريه..مثل الغيث لامر الكبود ايبلها
ومرشد على شويمه عبر في ساعةٍ صعب العبور=من عند باب القصر والرصاص حامي تلها
غامر...ماهو مجبور لو كان اعتذر قيل معذور=لكن شجاع وفارس وكل الدروب ايدلها
وصل الكويت وفزع القوات ضد اهل الشرور=والنصر للجهراء..وعادت للصباحي خلها
هذي فقط نبذه..وانا قطفتها قطف الزهور=نبذه عن التاريخ مختصره وجت في حلها
وختامها يالله عفوك ياكريم ويا غفور=ماغيرك احدن يغفر الزلات للي زلها
وصلوا على محمد شفيع الناس في يوم النشور=اللي بعثه الله رحمه للاوادم كلها
[/poem][/frame][/frame][/frame]
صح لسانك شاعرناااااا
والنعم بالاسلم وكل القبايل علي راسي
طرح لآمس الجمآل وفاق الذوق والخيال بزود
و تسلل إلى الآعمآق لــ يسقينآ من روعته مآ يكفي
أبدآع في كل نآحية بي القصيده
شآكرة لك من القلب
و بنتظآر المزيد من هذآ الفيض
أبدآع نسج من روعة قصائدك
شكراً من القلب
لرونق عبيرك الفواح