ليه يا يمه غدا وقتي شقي

ليه يا يمّه غدا وقتي شقي
ما رحم جرحي ونا فيها شقي
ينهمر هله عنا ليله شقي
نبلع امراره فناجيل انسياب




يمّه الجرح انطوى فيني طوي
واستباح الضحك في عيني طوي
وانحرق حلم الطفوله به طوي
ليش نلقى حلمنا مثل السراب ..؟؟

بيدي الورده عطر مسكه ذبل
وصاحب الدرب انتكس طلعه ذبل
والحبيب اللي مجد حبّه ذبل
إرتفع صوت الخطا ابعين الصواب




الوطن ما عاد به ضمّة وطن
والعرب تبتدي رحلة وطن
الطفل يصرخ يبه وينه وطن
يشتكي جور الزمن يرجي جواب




ألتفت يمه عسى ألقى جسد
ويرتجف جسمي ولا حولي جسد
ناس تمشي ما حمل روحن جسد
يمّه اتعبني زماني ويش جاب








وسلامتكم أخوكم // طلال الشمري
تعليقاتكم ونقدكم ما هو الا شرف لي فلا تبخلوا علينا ..

اقتباس يمّه الجرح انطوى فيني طوي واستباح الضحك في عيني طوي وانحرق حلم الطفوله به طوي ليش نلقى حلمنا مثل السراب ..؟؟

رائعة وتلامس الاحساس
صباحك ذووووووق وصح لسانك ولا هنت

الوطن ما عاد به ضمّة وطن
والعرب تبتدي رحلة وطن
الطفل يصرخ يبه وينه وطن
يشتكي جور الزمن يرجي جواب




ألتفت يمه عسى ألقى جسد
ويرتجف جسمي ولا حولي جسد
ناس تمشي ما حمل روحن جسد
يمّه اتعبني زماني ويش جاب


صح لسانك شاعرنا
لاهنت

صح لسانك واعتلى شانك ’’
قصيده راقت لي بكل ماتحتويه
وماننحرم من ابداااعكـ خيوووو

’’تحيـــــأإأتــــــي ^_^

صح لسانك ياطلال

بس والله العضيم ماوطن هالنوع من القصيد

بس احبك ياشيخ لله وفي الله

اقتباس المشاركة الأصلية كتبت بواسطة انفاس الرحيل رائعة وتلامس الاحساس صباحك ذووووووق وصح لسانك ولا هنت

هلا وغلا بشاعرتنا صح الله بدنك
ولا هنتي على هالمرور الطيب

تسلمين

حي الله الأخ الفاضل

طلال الشمري

صح لسانك ملايين يالعزوه

ولاهنت على القصيدة الرائعه

دمت بخير وسلامه

صح لسانك اخوي العزيز طلال قصيده اكثر من رائعه

اقتباس المشاركة الأصلية كتبت بواسطة خفـgق الرgح الوطن ما عاد به ضمّة وطن والعرب تبتدي رحلة وطن الطفل يصرخ يبه وينه وطن يشتكي جور الزمن يرجي جواب ألتفت يمه عسى ألقى جسد ويرتجف جسمي ولا حولي جسد ناس تمشي ما حمل روحن جسد يمّه اتعبني زماني ويش جاب صح لسانك شاعرنا لاهنت

صح الله بدنك يا بعدي ولا هنتي
على هالمرور الطيب والهادئ
تسلم يمناك ولا عدمناك

ليه يا يمّه غدا وقتي شقي
ما رحم جرحي ونا فيها شقي
ينهمر هله عنا ليله شقي
نبلع امراره فناجيل انسياب


ابيآت رآئعه بحق
ابدعت شآعرنا وآجدت
سلمت يمينك وصح فكرك
ودمت بعطآء لآ ينضب ..

:

صح الله عروق قلبك
لاهنت

:
:

</b></i>

اخي الشاعر / طلال
قرأت القصيدة وتابعت على عجل الردود ,, ولم اجد من يعرف هذا النوع من الاجنا س الادبيه والشعريه , واحب ان اوضح لقراء النص بأن هذا يسمى " الزهيريات " وهو مشهور جدا في العراق والخليج وغير مطروق بكثرة في نجد وهو من الشعر الذي يبين مدى ثقافة الشاعر وتلاعبه بالترادف اللغوي مع اختلاف الدلالة _ فقط للتوضيح _
ابدعت بهذا النص , تقبل بكل الود مروري

الله عليك يا متنوع يا طلال

الظاهر هذي اللي تسمى بالعراقي ابوديات .. او زهيريات بالكويت

عموما كيف ما كتبت انت مبدع وتطربنا ..


متابعين لك يا انيق الحرف


تقديري

سلمت وسلم فكرك اخوي
ابدعت وربي
سلمك ربي لاتحرمنا جديدك

شاعرنا

طلال الشمري
صح لسانك وفكرك على الابداع الراقي


ويعجز القلم مايكتب لك من شكر لحروفك الجزله


تحياتي وتقديري لك