الحلم

معرض الوسام · 05-15-2012, 09:30 AM

يابايع الحلم ل الواقع على فكره
حبّك قبل لا أتعلّق به / تناسيته .
. عشان بعدين لاغبت وبدا ، ذكره
ما أضيق ، وأقول انا .. وشلون حبيته ؟! .
. الحب .. بأول نفس لو حسّ بالسكره
مع .. كل نسمة هوى تسمع تناهيته .
. ماهو بكيفك إذا تبغاه / تفتكره
معروف .. ماله طعم لامات وأحييته .
. من طيبي الجرح كان يبادلك شكره
ومن طيبك إن طال نزفي ، ماتباطيته .
. كم بيت لعيونك الثنتين مبتكره
والناس .. تسأل تقول : البيت من بيته ؟! .
. ( وجيه الأيام ) لو تضحك لنا عكره
والحلم .. ماينتحقق ، لو ترجيته .
. ولو ل الفرح درب .. ماكان الحزن ، حكره
أخذت .. مُجمل أحاسيسي ومريته .
. إنسان أواصل وأفارق وأعشق وأكره
مامت ... لو ما أحقق / ما تمنيته .
. إن طاح من عيني اليوم الرجا ، بكره
وإن طاح بكره .. تبسّمت وتعديته .
. حتى أنت .. إذا ودك تفارق ، على فكره
ما أنت أول إنسان ( خلاني وخليته ) !! .

معرض الوسام · 05-15-2012, 11:13 AM

ما أنت أول إنسان ( خلاني وخليته ) !! .

تسلم يدك
اخوي البراق

مساحات هنا لاتنتهي من نبضك .
نص باذخ
إنتقاء في قمة الروووعة
لم ارى حرفا يتلحفه البياض ويتنفسه الخلود كحرفك
رائــعــه بـــروعـــة حــضــورك