الوصل زال وهاجس القلب زلزال

[poem=font=",6,orange,bold,normal" bkcolor="black" bkimage="" border="double,8,indigo" type=2 line=0 align=center use=ex num="0,black""]
الوصل زال وهاجس القلب زلزال=ياجرح كبدي يالواهيب غلي
من ضيقتي عديت في نابي الجال=ورجم طويل زامي مزمحلي
انظم جزيلات القوافي والامثال=وجاشي لعسر القافيه مايذلي
اشكي لواهيب المظامي والامحال=وغبن الحريمه من عجاريف خلي
من صاحب شوفه هلالين وهلال=كنه لسوق اهل الهوى مايدلي
محدن يسير بكايد الثقل لامال=وحذرا تزيدون الدلع والتغلي
ورد الامل مايحتمل نار الاهمال=وغيوم ريضان الهوى تضمحلي
تحتاج صوت نويعم العود لاقال=يانور عيني يابعد كل من لي
ونور الامل نصبر لشدات الاثقال=وعزومنا من ثقلها ماتملي
بس الجفى يقتل نواوير الآمال=ماله ظلال باللهب تستظلي
ودام النفق تاليه بيبان واقفال=خله ولو شفت الخلايق تهلي
مافيه لاهل العقل والراي مدخال=ولا فيه شي للضماير يسلي
وان ماجزيت اقبال خلك بالاقبال=تركض وتتعب بالطريق وتملي
لاجاك قول القوم من دون الافعال= وش عاد لو نطيت بالمستقلي
وان ماقنعت نبدل الحال بالحال=اقعد محلك وانت تقعد محلي
وابيك تصبر دون همسه ومرسال=ان كان حبك ماركة بامجلي
[/poem]