من ينشّد عريب الساس

بسم الله الرحمن الرحيم

الشاعر\مشعل عسام التريباني الشمري

((من ينشّد عريب الساس))في 11\10\1433هـ

مـــــــن ينشّدعـــريب الساس ياسالمين(1)قـــــــولتن لـــــــيش ادق ولاترد الجواب

من ضحى العيداشوفه خاطره فيه شين(2)كـــــنـــي اقـــــــــراء بعينينه عليّه عتاب

وش حصل وش حصل ياترثة الغانمين(3)الخـــــــــبرترسكوتك زادقلبــــــي عذاب

والاانا مـــــــا اتغـــــيّرلو تطول السنين(4)لين مــــــــن فوق راسي ينثرون التراب

والله انــــــــي حريص لكل علمن سمين(5)وازن الهــرج واحسب له كثير الحساب

واحــــترم كل شبلن صــــــيرميّن فطين(6)مثل شـــرواك واخفض له رفيع الجناب

واخـــــبر انــــي حشيم وكل مافات زين(7)وانت غالي واخبر انك تعرف الصواب

مار مـدري وش اللــــي غـــــيّرالطيبين(8)والـــنفوس الزكـــــيّه لــيش جاه اكتئاب

يزعـــل الرجـــل من نومه عسـاالله يعين(9)ضــــــيع الدرب واخطا كل ماكان جاب

تالـــــــي الوقت حــــــيّرمعظم العارفين(10)كم غـــــــلامــن هقا له هقوتن مارخاب

والله انـــــي هــقــيت انك نبـــيه ورزين(11)مـاهقيتك ضحاحن مثل وصف السراب

مـــــارتالــــــي زمــــنـّـا يخلف العاقلين(12)اكــــــثر الناس للشــيطان شال الزهاب

طـــــاوع ابلــــــيس لين اقفا عليه اللعين(13)وابعـــده عـــــــن دياره وادفنه بالتراب

مــــن يطيع الهواء والنفس يصبح حزين(14)مايشــــوف السعاده لو يشيب الغــراب

حاصـــــــــرته البلاوي من شمال ويمين(15)لــين نجــــم الســـعاده عن محياه غاب

في رضا بليس نفسه صـــار مثل السجين(16)والبسه مـــــن ردي اللبس رث الثياب

انتبه لاتطــــــيع ابلــــيس بيس القــــــرين(17)كم مطيعن شرب زقوم بيس الشـراب

طيعنـــــي حــــط بذنن طين واذنن عجين(18)وادحـر ابليس لايحمل عليك الصعاب

واحــتزم مـــــن عــــرا ربك بحبلن متين(19)وحط عينك بعين الله مــرس الهضاب

ثم عفـّـــــرجـــبينك لارحم الراحــــــمين(20)وادع باخـلاص يمكن دعوتك تستجاب

في دعا الله من الشيطان حصنن حصــين(21)غـافرالذنب راع التوب منش السحاب

عـــــالمٍ بالـــبيان ومــــــايســـــــــر الكنين(22)الغفور الرحيم الله شــــــــــديد العقاب

صح لسان
راائعه الابيات
تحيتي لك

صح لساااانك
العم القدير
مشعل التريباني
يمكن مادري بزعلك عليه
خالص التقدير عمنا الشيخ القدير

اقتباس والله انـــــي هــقــيت انك نبـــيه ورزين(11)مـاهقيتك ضحاحن مثل وصف السراب

لا بالله رد عليك الرجال عقب هالبيت تراي امزح

الابيات رائعة ان لم تكن موجهه لشخص معين فهي تعالج قضية
دينية اجتماعية كما عودتنا شاعرنا الراقي شعرك دعوة وجهاد بوجه كل باطل
لافض فوك وكثر الله من امثالك

شكرا للجميع على المرور والاطرى الله لايهينكم
انا ماني زعلان لكن هو اللي منتفخ بدون سبب
والقصيده وصلته انا ابيه يتكلم لكن اللي مايخبر
شي مايقدر يفتح فمه الناس صارت تزعل من النوم
الله يستر

:
:


نص رآئع
لبوحك جزيل الشكر والآمتنآن
مودتي



:
:

عمنا القدير والله انك صادق
بعض الناس يزعل حتى من نوم
هههه تقديري وخالص شكري
شاعرنا
الولد الله يحفظه لك خبري بك نشرت له قصيده
واعجبتنا واللي كتب القصيده هذيك شاعر
وشبل من ذاك الاسد
ارجوا لايبخل علينا بحظوره بالموقع نرحب به
اجمل ترحيب واذا عيا
اسرق لنا من قصايده وجبه لنا هههه
تقديري لك وشكري لك
شاعرنا القدير مشعل التريباني

نص جزل من راس جزل
صح لسآنك مدد بلآ عدد
وسلم الفكر والبنآن
لآهنت ,,

صـح لسـاانك ملايين
سلمت وسلم الفكر على الأبيات الرآئعه

تحيتي وتقديرري
أختكم مـامثلي
تقبلوا مروري

شكرا لجميع الاخوان والاخوات على المرور والاطرى الله لايهينكم جميعا