قبل كل شي بالله عليكم لاحد يستهبل فالموضوع
ابغى اجابات صريحه جدا للنخاع الشوكي
اذا كان نفسك في الزواج ولقيت وحده موظفه
ومزحت معها قلت والله لو عندي فلوس خطبتك
قالت انا مستعده اتبرع لك بالمبلغ اللى يكفيك والموضوع هذا يكون سرّ بيننا
بصراحه هلى تقبل بهذا الشي ؟؟
وتاخذ فلوس منها وتتقدم لها وتخطبها من اهلها
طبعا الاخت تبغى الستر وتقول بعدين تعوضني
بصراحه عن نفسي ونيابه عن جميع قبيلة حافز
احسها صعبه شوي
نفسي ماتطاوعني اخدع ناس واتقدم لهم بفلوس بنتهم
ليه اضحك عليهم !!؟
واحيان اقول البنت اعطتني هذا المبلغ بطيب نفس ليه ماسترها ؟
ولا اهلين فيك
شوف الزواج قسمه ونصيب ومن العيب انسان يوعد بنت بالزواج ثم يسحب الا الزواج مايبيله مزح
فاذا كان تكلم معها بالزواج وما بقي الا الفلوس وهى مثل ما قلت مستعده لستر نفسها
فهذا جميل منها يجب ان يحفض لها
بالنسبه لي انا فالحمد لله لا احتاج الا من الله المال موجود
ولا ارضى انها تخسر هلله
وشكرا لك
هلا وغلا با اخونا شليويح منور يالغالي
اذا انت معجب بها وحسيت ان هناك اشياء تجذبك لها بدون ارادتك فما المانع وانا بقولك شي الستر مطلوب واجره عظيم بس ان حاب تسمع نصيحه اخوك قبل ماتقدم على اي شي لا زم تسأل عن اهل البنت عشان بكره لاتكون البنت ضحيه غلطتك او تكون انت ضحيه اسأل وارسل اهلك وطول بالسؤال لازم تعرف عنهم شي وان شفت الامر لاغبار عليه اقدم وتوكل على الله بس بقولك شي اذا من النوعيه الي شكاك كثير في بنت الناس في مايخص عمله من اختلاط فرجو منك الابتعاد لانه بالاخير رايح تطلقها والله يوفق
البنات الان اغلب الموظفات يبحثن عن الستر وماعندها مشكله لو تتحمل اعباء الفرح لاجل تكون سعيده هي ومن تعيش معه والخيار لك
التوقيع
الهوايه / الحوار والنقاش مع الاطراف الاخرى وابدا الراي وقبوله او رفضه مع عدم المساس بشخصيه الكاتب .
لن احكم على شخص من ماضيه فماضي الألماس فحم
وعليكم السلام والرححمه..
انت ترضاها على نفسك !
والله لو انك تشحذ ماتاخذ وحده بهالططريقه فيه مليون طريقه فيه زواج جماعي
فيه زواج من الجمعيات فيه اكثر من طريقه ولاتاخذ وحده من فلوسهآ !
شليويح اذا الامور الماديه تعابنه عندك وتبحث عن مين يعينك على امور حياتك فا الله الله ماوصيك بالموظفه والله كم من البيوت كانت حياتهم تعيسه بس توظفت الزوجه السنه هذي تغير مسير حياتهم من الهم والكدر والمشاكل الي ابتسامة رضى من الطرفين ترا وانا خوك القهر يوم تعرس ومابيدك شي وان كان حالك ميسور تزوجها بفلوسك هي تكون عون لك بس ياتزوج وانت عارف وايش معنى الحياه الزوجيه وكيف تتعامل مع زوجته ياتتركها لاتدخل هذا القفص الا وانت عارف طرق التعامل مع شريكت حياتك لانك رايح تخسر ان ماتنازلت عن امور كثيره وانا لا اقول امور الكرامه لا امور الحياه التي تتوجب عليك التنازل عنها لتعبر السفينه وتكون بعيده عن الامواج التي تعصف بها لان اي موجه كبيره قد تغرق هذي السفينه والمراه بطبيعتها يبغالك رجل محنك بكذا تعيش وتسعدها وان كنت على علوم مضارب الباديه فسوف تكون هناك امواج قد تصعب التغلب عليها
والتعاون مطلوب من الشركاء بس بحدود المعقول
التوقيع
الهوايه / الحوار والنقاش مع الاطراف الاخرى وابدا الراي وقبوله او رفضه مع عدم المساس بشخصيه الكاتب .
لن احكم على شخص من ماضيه فماضي الألماس فحم
قلت والله لو عندي فلوس خطبتك
قالت انا مستعده اتبرع لك بالمبلغ اللى يكفيك
اولا
هذا الحديث القائل
""ثلاث جدهن جد وهزلهن جد"الطلاق والنكاح والعتق""
فهذه مسألة جديه وليست هزلية حتى وإن كانت هزلية فهي تبقى جدية
ثانيا
انت قلت لـ فتاة لو عندي فلوس وهي ردت عليك وقالت راح أساعدك
فإذا أنت صرفت النظر عنها بلا عذر واضح وسبب مقنع فأنت بكذا تكسر كل ما فيها من أنوثة وتحطم كيانها وتجرحها
أما تقول لك هذا الكلام ثم تنسحب وكأنك خائف فهذه جريمة لا تغتفر
فمن المفترض أن يبدئ الشخص رأيه من البداية ويعزف أو يصمت خيرٌ له
فأنت تعذرت بنقص المال وهي أوجدت المال فهل ستبحث عن مبرر آخر ؟؟؟
أنا أتكلم عن حسن المبادرة ..
أو أن الشخص ما يرسل كلمة لا يعرف نهايتها وموقعها على الطرف الآخر ثم ينسحب ولسان حاله يقول (يا دار ما دخلك شر )
المشكلة أن الكثيرون يقولون كلمات لا يعرفون نهايتها فكم ميت ٍ مات بسبب لسانه
تسلم يدك اخوي
علي الطرح الجيد
انا بصراحه لا ايد من تدفع لرجل لنه استنقاص في حقه ووالله شرعه لهااا
يعني كلما خلفنا امر وبعدنا عن ترتيب لامور الي الله وضعها لنا واوضحها رسولنا الكريم
نقع في مشاكل لا ايد ذالك ابد واتوقع الرجل المادي سيقبل الرجل الحر لا يقبل بذالك منها
اهم شي التيسير بس وليس عدم الدفع حتي وان لم تحتاجه توزعه علي القفراء لكي لا يترتب امور قد تقلل من شخصها بعد الزواج
ويعطيك الف عافيه
دمتي بود
السلام عليكم ورحمة الله وبركاته
اول شي ياحبابب قلبي احب
اشكركم جميعا يااخوان على ماشاركاتكم وتفاعلكم في الموضوع
و كل عام وانت بخير وعيدك مبارك وجعل ايامكم كلها فرح وسعاده
ثانيا بالنسبه لموضوع الزواج ابشركم ان الامور طيبه
انا استخرت الله واقدمت على الزواج واتفقنا على كل شي
وماخفيكم سر زوجتي الجديده ساعتدني بنصف التكاليف
واقسم لكم بالله العظيم ان اليوم زواجي
واي واحد عنده اضافة للموضوع ارجو ان تكون دعوه ان الله يوفقنا في زواجنا
استودعكم الله وراجع لكم ان شاء الله بعد اسبوع العسل