أثر طبع الخلايق تم تشفيره

[poem=font=",6,orange,bold,normal" bkcolor="black" bkimage="" border="double,8," type=2 line=0 align=center use=ex num="0,black""]
ريح الايــام شالتني معاصـيـره=ترقد الناس في ليله وانا واعـــي
ونادي الجيل عادتني جماهيره=نغمة ايقاعها ماتشبه ايقاعي
والدروب والحقيره صعب تبريره=والردى والخديعه مالها داعي
وراعي الغدر ماتقبل معاذيره=عذره ابعد من الجوزاء عن القاعي
ونية الخير ضامتنا مخاسيره=تودع النذل يخدعني وانا اراعي
يقضي العمر ماراحت فواتيره=رغم كون الغلط مشتى ومرباعي
طعنة الغدر ماتبرد مساميـره=جرحها بالضماير عشـرة انواعـي
أثر طبع الخلايق تم تشفيره=صعب تظهر على شاشه ومذياعي
وجمرة الحسد بأهل الحقد والغيره =لو تحطه على صم الصخر ماعي
قيل ياهيه وقتك تم تطويره =والحرايب غدت تخصيب واشعاعي
ومجهر الحكم ماتثبت معاييره=حط ذل الرعيه عزة الراعي
وقبل تذبح عدوك هات تكفيره=لاجل يقتل ولا له بالعرب ناعي
وراع عهد العرب يشبه دساتيره=كل فقره بها تشرى وتنباعي
وراع طمس الحقايق عقب تزويره=كل يوم يجيها سحـب وايداعـي
وقيمة النفس مع قيمة دنانيره=لو حوى العلم مع مالك والاوزاعي
ودم يعرب يساوي راس تعميره=وسط لندن وواشنطن بالاجماعي
والشريعه على مذهب هواميره=وللضروره يصير الثوم نعناعي
وعقل راع الفتاوي تم تحجيره =لاجل يبقى لها جمهور واتباعي
صار تهويد يعرب غير تنصيره=دام عنده لضرس العقل مقلاعي
وشف عقول الخلايق بان تخديره=واصبح الشبر عنده متر وذراعي
وشف جميع المبادي تم تدميره=في عصور الحضاره ماله اسناعي
وثروة ارض العروبه زاد تبذيره =يوم راحت على تحسين الاوضاعي
نصفها للخواجه تم تصديره=ونصفها للزعيم وساس الابداعي
هم هل الدور والوديان والديره=ومن تضايق يفارقها وينزاعي
قلت الاحلام بانت لي تفاسيره=يوم طاحت رماحه بين الاظلاعي
ولو عزلت البلايز عن تنانيره=كان شفنا عن الضيقات مطلاعي
وكان نصف الخساره تم توفيره=وضايع الوقت والمجهود ماضاعي
وروض الاجواد ماجفت نوافيره=ولا مضى الليل في بلواي واوجاعي
وموضة اليوم مع شهرة كوافيره=ما تبدل هواي وجملة اطباعـي
بس الارواح ماتعلم مقـاديـره=وغصب تتبع مقاديره وتنصاعي
جيش الاروام لو سارت طوابيـره=مايرد المقادر خمـسة ابـواعـي
ودام هذا قدر ربـــي وتـدبـيـره=ما يفيد الملام وطق الاصباعي
وراح نبقى نعز الجار والجيره=وراح نبقى ربيع الطايف الساعي
[/poem]