السلام عليكم ورحمة الله وبركاته
اسعد الله اوقاتكم بكل خير
اصافحكم من جديد بهذه المتواضعه
[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black""]
قالت كذا الله يمسيك بالخير=ومن يومها يا ليت دايم تمسي
قالت هلا والقلب رفرف كما الطير=واصبحت تايه بين ضني وحدسي
حوريةٍ هي غير كل البشر غير=انسيةٍ واللي تناجيه انسي
تموت بحكايات (غونه )و(بولدير)=والبحر الاحمر ترجمتها ( بردسي )
كل التغنج والدلع والاساطير=لامن حكت يا كن هالكون منسي
تلعب لعب (بالراء ) روعه وتغيير= وتصير راها غين بحروف ... مرسي
اثري لها في اهل باريس تاثير ؟!= وكل الدلع في كل مله وجنسي
حدي من البطحا الى فندق سدير= وش جابني لك يا حياة الريجنسي
يا ليت حطوا لي على الباب تحذير = قل ( للبدو ) به موت وعيون خرسي
نشوة خمر وان كنت منته بسكير= جول الظبا ما بين كنس وخنسي
لا يا ولد صالح ترا منت بصغير = خلك على السبع المثاني وكرسي
يا رب تدعيك المساكين وتجير = يا رب بدروبي انا طال حبسي
[/poem]
وسلامة قلوبكم ونواظركم
ودي ...
بندر احسيني