ياللي دايم تشتكي من الهـــوى
وصـــــاحبك وداك لدروب المهــــالك
وأجرحك خلك بقلبك وأنكــــوى
ودوم حظك شين معه وشين فالـــــك
أناحبي عالي(ن) فالمستـــــوى
وماجرالي عكس كل اللي جـــــــرالك
أحمدالله ما تفرقنا ســـــــــــوا
وصاحبي يحبــــني وأنا كــــــــــذلك
يالحبيب اللي بغدري مانـــــوى
ياوفي(ن)وافيا" للي وفــــــــــــــالك
أنت حبك أكسجيني والهـــــوى
والـــطريق اللي به أمشي والمسالك
أرتوى قلبك واناقلبي أرتــــوى
من وصالي وانامرويني وصـــــالك
كل ما طال الزمن حبـــــك قوى
عند من حــبك وفالخفاق شـــــــالك
واللي فوق وتحت خـط الاستوا
مابهم من يسوا لومأطـــا نـــــعالك
ومن عذلني قلتله مالك لــــــوا
عاذلي في صاحبي مالي ومــــالك