صُورهُــم تـَ تقاطــر شِعــراً .. تفاعلكم مطلبنا ...!

=

تضحك تظن الحزن أنك دفنته..؟

أخفيت حزنك صح لكنه بانك..

ظنك طعنك العمر / والله طعنته..

من قبل يكونك موت كونت كانك..

ساكنك جوع وجوع غيرك سكنته

[ ما عشت نفسك يوم مره عشانك ]

الطيب صنته لكن البخل خنته

ما صنت نفسك لكن الطيب صانك

تبي الصراحه كل هالكون عنته

اسمك يسافر فيه وأنت بمكانك

ما تنعوج بأنذال والطيب صنته

لو تنعوج بأنذال عدلك شانك

لا ما سجنك الطيب والله سجنته

أطلعت كفك قبل يطلع لسانك

طيبك و صنته..أعرفك كيف صنته

أن خان كفك قالوا الطيب خانك

سالم سيار

[frame="7 80"]


هادي عبيد السبيعي


لـيـت فـرقى كل غـالي ما تطرا ............ ولا يـجي للبعد عـقـب القرب طاري

يالحمام اللي تجر الصوت جرا ............ نـح وانا قـلبي على هالنوح ضـاري

كان قـصـدك لي تزيد الحر حرا ............ مانـقـصـنـي لا هـمـوم ولا طــواري

من ولـيـفـاً صار قـلبي له مقرا ............ مـشغلاً فـكـري معـه لـيـل ونـهاري

يـاثريـا من ورا نـجـم الـمـجـرا ............ يا قـمــر ياللـي يشـوفـه كـل سـاري

يا ذهـب يا مـاس يا لؤلؤ يا درا ............ درتـاً ما جــابــهــا بــايــع لــشـاري

ياعيون اللي على الوكر يتحرا ............ فـكـة إسـبـوقه على جـول الـحبـاري

انـت ما مثلك عـلـى قلـبي تجرا ............ يا خـذه مـني و يـقـفـيـبـه إجــبــاري

والله انـي قـد خـذيـت الحذر مرا ............ مايـفـيد اهـل الـهـوى منك الحذاري

امـتـلـك قـلـبـي غلاها واستمرا ............ حـبها اللـي مع عـروق الـدم جاري

حـبـنـا اللـي بـيـن خـافـي وسـرا ............ طـالـة الــمـــدة وصـار الـكـل داري

أجـرو الـتـحـقيق ضـده لـين قرا ............ واصـدر امـراً يـشبه الأمر الوزاري

يوم قـالـو هـل تـحـبـه ؟ ما تـدرا ............ قـال أحـبـه ! وأفـخر بحبه واماري

كـيـف أنا اللي من هواها با تبرا ............ والـلـه إنـي فـي هـواه الانــتحـاري

راضـيـاً بـاللـي يـجـي خيراً وشرا ............ ما كـتب ربي على المخلوق جاري

الشاعر / سعد عبيد الشيباني
[/frame]

..........

[frame="1 80"]

الشاعر / سعد عبيد الشيباني

يا الغزال الي سعد ملكك الحالك = ياسعد دنيا سعد وينك ويني


ما نحل حالي وخلاه متهالك = غييير لوعت غيبتك يامعنيني


واعذابي يوم ادورك ولقالك = وسط صندوق الرسائل عناويني


وش تبقالك معي وش تبقالك = مابقالك غير ذكرن تبكيني

كل مدخل في رسايلك وقراء لك = تنزل الدمعه على طول من عيني

وكل ماشوف اسمك ورقم جوالك = الهيام وحرت الشووق تكويني

وكل مذكر صوتك الخافت أضمالك = وأحترق من جمرة ٍ بين ضلعيني

وإن ذكرت الحال قلت آه عن حالك = غيبتك ماهيب بيديك ويديني

سلم الله حالك وطاب الي فالك =لين ترجع باالسلامه تحاكيني

احزن الفرقاك واحن لوصالك = ياالونيس الي عن الناس ملهيني

في رجاك انا هنا واتحرالك = ميت ٍ في غيبتك لين تحييني

الشاعر سالم بن شخير
[/frame]

جعلني ماذوق حزنك على طول الزمان
ياسبب بدع القصايد وياطاروقها

اعتزيبي وارتفع بك عن دروب الطمان
دامني من لابةٍ ماتضيع حقوقها

من عوايدنا نخضّب مقاديم السّنان
مزنةٍ ينبيك رعادها وبروقها

مانعرف نقول زله ولاكبوة حصان
روسنا تقدم على الموت قبل نسوقها

اعتزي يام النواعس ويالعود الليان
رددي ياشوقها رددي ياشوقها

اعتزي وان قالو الناس ماعندك اخوان
قولي ان العاشقه تنتخي معشوقها

وان نظرت العلم فعيون خلق الله بان
قلت بنت اختارت اسمي وذا من ذوقها

والله ان اقوم معها عقل ولاّ جنان
وان تطيب اوفوقها وان تطيب اوفوقها

ثم اردد ثم اردد وحان الوقت حان
تمرةٍ من دونها السيف كيف يذوقها

أقسمُ بالله ول يخسئ اللاش الجبان
لا تهقوى النايفه مايطول عذوقها

عارفٍ معنى القلاعه ومعنى الاتزان
وسوق هذي سوقها وسوق هذي سوقها






=







الشاعر /
أحمد الصانع

[frame="7 80"]

الشاعر /
أحمد الصانع
:

ما هي .. [ قصة حب ] , وإلا ذكريات
لل مشاعر ( جيش ) .. وقلبي مركزه

صرتي لي " خامس جهه " لأربع جهات !
وصورتك في وسط عيني [ مبروزه ]

كن ربي .. ما خلق غيرك / بنات !!
إن طروا غيرك .. أحس ب " نرفزه "

وكنك إنتي جامعه .. كل الصفات !
الحلا ..
والزين ..
وعين [ مطرزه ] ...

جاك قلبي وصرت عاشق تضحيات
و [ الهدف ] من شان " عينك " أحرزه

إن خلطتي الماي في " سكر نبات " ..
وقلتي : " أحمد " إفرزه !!
راح أفرزه ...!!

في كلامك , يستلج فيني السكات
ومن جهل طبعك يظنك ( مخرزه ) ..!!

واثق الخطوه .. وأمشي في ثبات
ويوم شفتك الخطاوي [ مهزهزه ] ..!

مو ب كيفي هي كذا والله جات
قلبي كرسي " صعب " غيرك يحجزه

عيشتي
دونك ..
يساويها ..
الممات !!
وإنتي عيشي .. في حياتي " معززه "

يعني قبلك .. كنت أنا , كلي شتات
وصرت أجمعلك شتاتي .. و .. أكنزه ..!

وشي طبيعي .. لو يغارون البنات
للجمال [ أخبار ] .. وإنتي " موجزه " ..

ومن يشوفك .. اللي يتكلم لغات
قام يخربط وال ( إذا ) صارت ( إزه ) ..!!

والثقيل اللي يسولف في سكات
من يشوفك عاش حالة / لعوزه ..!!

ولو
تبوسي
إنسان
له
أيام
مات
قام يركض !!
حس قلبه ينغزه ..!

وقلبي اللي نام في عز وسبات
غيرك إنتي .. ما أظن ( يفززه )

واللي قالوا لما جت : " الحلوه جات "
جنبك إنتي ..؟ صارت أكبر [ مطنزه ]

لا تغاري .. من كلام المعجبات
ماني مثل اللي .. يحب " الرزرزه "

ياما قالوا ( الحب ) يصنع معجزات ..
وإنتي
[ حبك ]..
في
حياتي
" معجزه " ..

:

الشاعر / علي القحطاني

[/frame]

[frame="1 80"]



الشاعر / علي القحطاني

ياللـي تناديـك القلـوب اشـري قلـبـي=و الإ اعطني قلبك على شأن اباريه

واسقيك نهـر(ن) مـن حنانـي وحبـي=مـاتّـكـدر ايـــام الـزمــن صــفــو جــاريــه
الموقـف اللـي بـان لـي فـيـك سلـبـي=يـمـكـن تـحــدد مـوقـفـك ويــــن تـالـيــه
شـكـيـت عصـيـانـك وظـلـمــك لــربــي=فــي قـلـب لابعـتـه ولاصــرت شـاريــه
لــبــا لــــك الـقـلــب الـحـنــون الـمـلـبـي=لازالــــت أمــآلــه بــــك احــيــان تـغـريــه
الله علـى اللـي غـيّـر الـوضـع حسـبـي=جـــــزاه يــازيـــن الــحـــلا عـــنـــد والـــيـــه
اول مـعـي .. والـيــوم واقـــف بـدربــي=مـاهــوب ذا ظــنــي ولا هـقـوتــي فــيــه



الشاعر علي بن حمري
[/frame]

[frame="7 80"]

الشاعر علي بن حمري

أنـا آســف ألـيـا خـانـك الصـمـت والتعبـيـر
وآســـف إذا خـــان الـمــرح نـفـسـك الـمـرحـه

محـبـتـك وشـعــورك تجـيـنـي لــكــن تـقـطـيـر
وأنــا الـحـب بالتقطـيـر سـبـب لــي الـقـرحـه
عـلـى أي وجــه أطـيّـرك ياحبيـبـي طييـيـر
يـا طيّرتـك إمــن الضـيـق ولاّ مــن الفـرحـه
أنــــا ماتـوقـعـتـك كــــذا ضــيــق الـتـفـكـيـر
ولا كـنــت أدقّــــق يــــوم يـدعـوونــك الـبِـرحــه

قلـيـلـه عـلـيــك الـكـلـمـه الــلــي بــــلا تـفـسـيـر
ولاهيب معروبه ..ولاهيب.. منشرحه !!

الشاعر / فهد الشهراني
[/frame]

[frame="1 80"]

الشاعر / فهد الشهراني




رساله الى قلبي

تباريحـك علـى جـمـر الغـضـى ياقلـبـي المهـمـوم

ونبضـاتـك دمــوعٍ مـرسـلـه وتهـلـهـا عـيـنـي

تعبـت وتعبـت عيونـي معـااااك ولا هتـنـت بالـنـوم

مـوااااويـل المـواجـع خلـهـا مابـيـنـك وبـيـنـي

علـى مهلـك بـصـدري لا تـهـزه وأرض بالمقـسـوم

علـى جــور العـيـون ألّــي تـنـام ولا تراعيـنـي

من أول يـوم أنـا وياك.........أنـا ويـاااك لآخـر يـوم

علـى الــدرب الطـويـل ألّــي جهلـتـه ياموديـنـي

نصحتك......قلت.......لا تحلم.......ترى بعض الحلوم حلوم

نهيتك.....قلت......ماتسلم......كسـرت الشـوك فيديـنـي

سألتك.......قلت.......ماتعلم......بـأن النصـر للمظلـوم

سجنتك......قلت.......تستسلم.......شكت منـك شرايينـي

مدحتك......وأنت........تتبسم......بعيد من العتب واللـوم

فهمتك......أنت.......ماتفهم.......رضيـت أنـك تخلينـي

لمحتك.......وأنت.......تترنم.......تغني للهوى المزعـوم

سمعتك.......وأنت .......تتكلم.......هـلا ياباقـي سنينـي

هلا بالطيـب,,,, وأنفـاس الغـرام,,,,, وريحـة اليشمـوم

هــلا بـلّـي عـلـى بـعـد المسـافـه مانسيتـيـنـي

تأثـرت بكلامـك ((خفـت)) لا يـخـذل عـزيـز الـقـوم

وأعيـد الكـره ألّـي قــد مـضـت يـومـك تناديـنـي

تذكرت الشوارع....... والظلام........ وطيرهـا المشـأوم

علـى ذيـك الغـصـون اليابـسـه والـهـم كاسيـنـي

أخـذت شـوي__ وأصبحنـا كـلانـا والأمــل مـعـدوم

صبـرنـا غـصـب__ والدنـيـا دروس وذا يكفـيـنـي

رضيـت ومامعـي حيلـه هـو الحاكـم وأنـا المحـكـوم

تشـيـل الـحـمـل ياقـلـبـي ولاكـنّــك تعنـيـنـي

أحبـك يابحـر ((لـكـن)) أخــاف وماأطـيـق الـعـوم

تكفيـنـي سواليـفـك عـلـى الـشـاطـي وتغنـيـنـي

كـذا يرضـيـك ياقلـبـي أطـيـح ومـاقـدرت آقــوم

وأنــا مـانـي بـحـي الله بـشـر يـومـك تبكيـنـي

بكـاااا حتـى القلم.......مـن رحمتـي مافـارق الأبهـوم

نـزف حرفـي علـى صـدر الــورق عـلّـه يسليـنـي

سمعـت علـوم ياقلبي.........ومنّـك ماسمعـت عـلـوم

ماغيـر دمـوعـك ألّــي سقتـهـا وتهلـهـا عيـنـي

شكـيـت وماشكـيـت إلا علـيـه الـواحـد الـقـيـوم

وغـيـر الله ضعـيـف ولــو عطـانـي مابيشفـيـنـي

إلاهــي طالـبـك تغـفـر لعـبـدٍ مـاهـو بمعـصـوم

إلاهــي طـهّـر القـلـب الضـعـيـف ولا تخلـيـنـي






أظن مايحتاج نقول أسمه
رأس على علم
[/frame]

[frame="7 80"]


قد بغيتي تطلعين الروح وانتي ماشية
أحمد الله ربي إنك ما وقفتي يا هنوف

من يقول إنه يشوفك ما تجيه الغاشية
ودي آوقفه قدمك لحظة وحدة واشوف

كان ما جت دمعته مثل المزون الناشية
ما سقتني من لبنها بنت حامين الصفوف

يا أمان قلوب ناس في المواقف خاشية
من لغيرك نشتكي جور الليالي والظروف

ما طلبت المجد من سور الخدم والحاشية
اطلبه من كفك أنتي يا سما كل الوصوف

كل نعمة حي الا نعمتك متلاشية
وكل عين ما تشوفك ما تشوف ولا تحوف

الجوارح في جروحك لو غدت متعاشية
حربة من كف نايف وقعت في قلب نوف

اسعفيني دامها بين الرشا والراشية
اسعفيني دامها بين النواهد والكتوف

مثلك أنتي ما عليها من غيور واشية
ولا عليها من معسفة الجمال بخيط صوف

تقصر القالات دونك واللوازم ماشية
لو بغيتي من السيوف كفوف حطوا لك كفوف



الشاعر / سليمان المانع
[/frame]

[frame="1 80"]


الشاعر / سليمان المانع

بعض الغلا منحه وبعض الغلا سرق

وبعض الغلا ذاته وسيله وغايه

والناس بحر من سبح فيه غرق

وكم عين عذبه فيه ينشد ظمايه

انت بحياتك أصدقا تعرف الفرق

أنا بحياتي كلها باصدقايه

تظن نفسك شمس تلقاهم الشرق

مطلعك والمغرب مجرد نهايه

مثل الضنا مضني غلاهم وله طرق

تاخذ برجلك للفجر والبدايه

تهدي لك حبال الطهاره تقول ارق

لقلوب لله حبها مثل أيه

والرابط ارواح توافق مهو عرق

ولاينتخطط له ولاهو بنايه

مثل الشعر ماتلمسه مثله البرق

مايوصف برايي وكل ورايه

أيا صدقايه يا أنا مالعا ورق

من يوم ضلعي رد الأخر عوايه

وزرق بحلقي قبل لاسرح الزرق

طفل كتبكم وارتعش بالقرايه

ياللي شواربكم بعيده عن الدرق

لكم عليه قبل نسلي وصايه

شخص بحياته اصدقا والبس الفرق

شخصي حياته كلكم يا اصدقايه

عبد العزيز فهد العصيمي |
[/frame]

[frame="7 80"]

عبد العزيز فهد العصيمي

وين انت ياللي صورتك داخل الروح

هاذي ثمآن آشهور مآشلت ذكرآك

حبك سبب نزف المشاعر مع البوح

كله سبايب جلستي واتحرآك

منت الوحيد اللي مع الناس مملوح

بس الجوارح يامنا الروح تهوآك

ولاني الوحيد اللي من الناس مجروح

لكن جروحي غير واهمومي افلاك

بعدك نحل حالي مع الصوت مبحوح

وعرق [الوفاء] ينزف يبي بس لقياك

ارجع ترى مالك من البعد مصلوح

ارجع ترى قلبي عجز يوم ينساك

شوفه تعذب داخل الروح وينوح

كله يبي قربك مع كسبت ارضاك

وبعلمك شين ماهو ضحك ومزوح

(القلب قلبك )(والحنآيآ حنآيآك)

عبدالله عبيان

[/frame]

[frame="1 80"]

عبدالله عبيان

جيت اخيل البرق يا غيم لعيون القنيف

قم ورحًب وابتهج مبعد الخطوه لفا

في عيونه يسبح الشوق في الموج الكثيف

حاملٍ جرحٍ من العام الأول ما شفا

جيت اسوق الليل والخوف بالسيف الرهيف

جيت اسوم البرد لجل اشتري حضن الدفا

أول المشوار ونه وجرحين ونزيف

وآخر المشوار يا صحابي طعنة قفا

لا تعري غصن الأشجار يا فصل الخريف

خل ثوب الحي للحي يا ظالم .. كفى

والله اني لا مسح الدمع من عين الكفيف

وهو بكيفه يعتبرها وفا .. ولا .. جفا

دام ثوبي اللي لبسته على متني نظيف

ما حسبت حساب للي ظهر واللي خفا

ادري أن الله خلق كل طير و له وليف

وادري أن بعض العرب له وليفٍ ما صفا

لكن ادري انك بها لكون ما مثلك وصيف

ولجل عينك كل ما اخطيت محبوبك عفا

جاك كله شوق وطعون وجروح ونزيف

ضم كفه واحمد الله ترى الغايب لفا

الشاعر تركي المريخي

[/frame]

[frame="7 80"]

الشاعر تركي المريخي

تــعـــبـــك راحــــــــه وأحــــبـــــك مـــهـــمـــا تـتــعــبــنــي
شفت الغلا كيف سـوّا مـن التعـب راحـه

عــــــــــذّب .. ومـــنـــهــــو يـــــــــــردك لاتــعـــذبـــنـــي
الـــــبـــــال مـــــرتـــــاح والأعـــــصـــــاب مـــرتـــاحــــه

لا يـنــكــســر خـــاطــــرك كــيــفـــي وعــاجــبــنــي
اجرح .. ترى صاحبك مبسوط بجراحه

حــتـــى اذا أخـطــيــت لا تـتــأنــى .. انـبــنــي
خـــلّ حـــزن قـلـبـك عـلــيّ وعـيــش بـأفـراحـه

أنــــا الــلـــي كـســبــان مـــــادام انـــــت غـالـبـنــي
هــو فـيـه خـسـران مثـلـي يـحـسـب أربـاحــه

صـوّبــنــي مـــــن ويـــــن مـــــا ودّك تـصـوّبـنــي
مــــــذبـــــــوح ومـــسّـــلـــمــــن روحــــــــــــــه لــــذبـــــاحـــــه

غـصــبــن عــلـــيّ كـــــل مـاســوّيــت يـعـجـبـنــي
قــلــبـــي قـفــلــتــه عــلـــيـــك وضــــــــاع مــفــتــاحــه



الشاعر / محمد الخس

[/frame]

[frame="1 80"]



[/frame][frame="1 80"]

\

الشاعر / محمد الخس

يامرحبا يااللي لـك القلـب مفجـوج عـداد نسنـاس الهبايـب ليـا فـاج

حطيت ريع بوسـط القلـب هجهـوج ياعيـن حـر بالخضيـرا لـيـا راج

حبك طفح بي طفحت الساج بالمـوج ماعاد لي عن حبـك اليـوم مخـراج

اودعتنـي لاشـرب ولاكــل ولادوج ولاستطعم المنطوق مـن كـل هـراج

لاغبـت عنـي دق بـي كـل دالـوج قامـت تواردنـي هواجيسـي ازراج

قلبي يجينـي نـوج واضيعـه نـوج يجيه مـن فرقـاك سجـه وسوهـاج

كن البنات الشقر عندي مـن الهـوج ماكن به غيـرك علـى الارض دواج

عندي جميع السن بنات العرب عـوج الا لسانـك فيـه لـي طـب وعـلاج

في هرجتك شئ من السحـر ممجـوج والنور مـن غرتـك يطلـع وينبـاج

وليـا ضحكـت بذبـل مابهـا فلـوج مثل البرد مـن مزنـة تلعـج العـاج

واغضيت في سودن بها السحر مدعوج ترسل سهوم الموت من حجره افـواج

تنثـرن شقـر مثـل كاسـي الغـوج تاصل اليا ردف كمـا حـزف ديبـاج

جاني بـلا فالقلـب يسوجنـي سـوج يتلنـي يمـك لـك الـروح تنـعـاج

كني اليا شفتك علـى انهـار وبـروج والاملك شعـبٍ علـى راسـي التـاج

واليا بديت بضحك وهـروج واغنـوج قلبي غدا زبده علـى صالـي الصـاج

او مير كني بين الاضـلاع مخجـوج بشلفا مثل شلفـا غنيـم بـن فـراج

غنيم بن شبلان مخلـن لـه سـروج ليا صاح في تالي الرمك راحت امراج

تبـا تخلينـي مـن العقـل ممـروج على العمـر شامـان تدرجنـي ادراج

ياروح روحي كـان مامنـك منتـوج خف الغلا لاعـاد تحرجنـي احـراج

خليتني يازيـن الاوصـاف محـروج صليت فيّـه شـرق ماعـاد يحتـاج

لـو قلـت سيـر وخـذ عندنـا روج جيتك على الاقـدام ممشـى ودفـلاج

اجي وانـا مبهـوج واروح مبهـوج ليا حصل لي منك لـو رفـة احجـاج

الشاعر محمد ابن الذيب
الله يفرج عنه

[/frame]